AYUBU 1:20 - Biblia Ilagho Jiboie Kwa Wandu Wose

²⁰ Ayubu ukawuka, ukarashua nguwo yake kwa wasi, ukaara iridia jake ukaghwa andonyi ukatasa.

AYUBU 1:20 ပူးပေါင်းရင်းမြစ်များ

KUZOYA 37:29

Nao iji Reubeni orewurieghe kinenyi na kumsowa Josefu, ukarashua nguwo rake kwa wasi,

KUZOYA 37:34

Nao Jakobo ukarashua nguwo rake kwa wasi, ukarwa nguwo ya igunia kiwonunyi kwake, na kumlilia mwana wake kwa matuku mengi.

2 WAZURI 2:12

Elisha ukawona na kukema, “O aba ee, o aba ee! Mtesia na mlindiri wa Israeli!” Nao nderemmbonieghe sena anduangi. Elisha ukarashua nguwo rake kwa wasi.

2 MALAGHO GHA NGELO 7:3

Wandu wa Israeli wose wiendawona modo ghwasea, na wubaa ghwa BWANA aighu ya Hekalu, wikaghoghoma na mawushu ghawo ghikadunga andonyi sakafunyi; wikatasa na kumfunyira BWANA chawucha wikighamba, “BWANA ni mucha, angu lukundo kwake lukatie lwadua matuku ghose.”

EZRA 9:3

Niendasikira maza iro, ngarashua nguwo rapo, na kukua iridia japo na sombe rapo; ngasea kidombo kwa wasi.

AYUBU 1:19

kiremba chikacha kufuma cha kireti chikaikaba nyumba, ikawighuya wikafwa, nani naafufunuka ini moni niekeri nichekughoria.”

AYUBU 2:12

Iji wammbona wiko kakula, ndeweremmanyireghe. Wiendammanya, wikazoya kukema na kulila; wikarashua majoho ghawo kwa wasi, wikamicha teri nokoighu na kukudunga vongonyi kwawo.

KUFUMA 4:31

Wandu wikarumiria; nawo iji wasikira wei BWANA wawichea wandu wa Israeli na angu wamerie kuwona seji wawuyakorongwa, wikaghoghomesha vongo vawo na kutasa.

JEREMIA 7:29

“Lilenyi, muare maridia ghenyu, mghikumbe noko ee wandu wa Jerusalemu; kemenyi ngemi aighu mighondinyi, kwa kukaia ini BWANA nawileghie na kuwisigha wandu wiwusiragha machu ghapo.

JOELI 2:13

Rashuonyi ngolo renyu nguwo mbai.” Wuyenyi kwa BWANA, Mlungu onyu. Uo wachua mvono na wughoma, wachua irumaghio, nao wadamaziria malaghiro ghake; wadafuya wughoma na kuleka kukaba.

MATHAYO 26:39

Nao ukaghenda imbiri katini, ukaghwa kiwushu-wushu ukalomba, “Aba ngera kudimika kikombe ichi cha wasi ndechiniide; ela isekaie seji nikundagha ini, ela ikaie seji kukundagha oho.”

WUKUMBUSO 9:18

Niko ngaghwa kijimijimi sena imbiri ya BWANA sa imbiri matuku mirongo ina kio na dime. Serejieghe vindo hata kunywa machi kwa wundu ghwa iyo kaung'a yose ebonya ugho wuwiwi imbiri ya BWANA, hata mkamshekeria ujoko ni machu.

JOSHUA 7:6

Nao Joshua andwamweri na vilongozi va Israeli wikarashua nguwo rawo kwa wasi, wikaghwa kiwushu-wushu imbiri ya Sanduku ya Ilaghano, wikakudunga teri vongonyi kwawo na kuwonyera wasi ghwawo, na kulala aho hata luma lwa kenyi.

1 PETRO 5:6

Kwa huwo mkusere aisi ya mkonu ghwa Mlungu ghuko na kudima, eri upate kumjosa kwa ngelo yaro.