AYUBU 1:19 - Biblia Ilagho Jiboie Kwa Wandu Wose

¹⁹ kiremba chikacha kufuma cha kireti chikaikaba nyumba, ikawighuya wikafwa, nani naafufunuka ini moni niekeri nichekughoria.”

AYUBU 1:19 ပူးပေါင်းရင်းမြစ်များ

KUZOYA 42:36

Ndee ukawizera, “Mwaniredia wasi kwa wundu ghwa wana wapo; Josefu ndeuko, Simeoni wokoni ndeuko, na idana mwakunda na Benjamini wori; ni malaghoki agha ghawuyanipata?”

2 SAMUELI 18:33

Nao mzuri ukawawa nandighi, ukajoka na kungia chija chumba cherekoghe aighu ya mbenge, ukalila; hata iji orekoghe ukighenda ukalila ukighamba, “O mwanwapo Absalomu, mwanwapo, mwanwapo Absalomu! Si baa nafwanagha ini wulalo ghwako? O mwanwapo Absalomu, mwanwapo!”

1 WAZURI 20:30

Waja waresigharikieghe wikakimbiria muzi ghwa Afeki; wamu wa awo, wandu elfu mirongo iwi na mfungade wikaghulwa ni wurigha ghwa ugho muzi. Wokoni Ben-hadadi ukafufunuka na kungia mzinyi. Ukangia chumba chimu cha ndenyi cha nyumba ya nanyuma.

AYUBU 1:18

Ukighora woruwu, mdumwa umu ukacha ukighamba, “Wana wako wa womi na wa waka wekoghe wikija karamu nyumbenyi kwa mruna m'baa;

AYUBU 1:20

Ayubu ukawuka, ukarashua nguwo yake kwa wasi, ukaara iridia jake ukaghwa andonyi ukatasa.

MATHAYO 7:27

Vua ikanya, meda ikachua machi, na mbeo ya kiremba ikaweta aighu ya iyo nyumba, nayo ikaghwa. Na kughwa kwaro kukakaia kubaa.”

MABONYO GHA WADUMI 28:4

Waisanga wiendawona choka ikinyonyora mkonunyi kwa Paulo, wikazerana, “Kwa loli umundu ni m'bwaghi wandu, na hata ngera wakirie baharinyi, ela hachi ndeimsighagha ukaie moyo anduangi.”

WAEFESO 2:2

iro morekoghe mkighenda naro aho imbiri, kwa kunugha mighendo ya wurumwengu ughu, na uo m'baa wa ndighi ra mbeonyi; iyo roho yawuyabonya kazi idana andenyi ya wandu wisemsikiragha Mlungu.

WATANYI 16:30

Samsoni ukaghamba, “Sighenyi nifwanye na Wafilisti.” Ukarisindika iro nguro kwa ndighi rake rose, na iyo nyumba ikawighuya wazuri wa Wafilisti na wandu wose werekoghe andenyi yaro. Kwa huwo, wandu orewibwaghieghe ngelo ya kufwa kwake, werekoghe wengi kuchumba awo orewibwaghieghe ngelo uko moyo.