AYUBU 1:16 - Biblia Ilagho Jiboie Kwa Wandu Wose

¹⁶ Nao ukighora woruwu, mdumwa umu ukacha ukighamba, “Lukuwa lwasea lukakora ng'ondi na wadumiki, lukawimeria putu; nani naafufunuka ini moni niekeri nichekughoria.”

AYUBU 1:16 ပူးပေါင်းရင်းမြစ်များ

KUZOYA 19:24

Nao BWANA ukanyesha aighu ya Sodoma na Gomora kibiriti na modo ghubirie kufuma mlungunyi,

1 WAZURI 18:38

Niko BWANA ukasera modo; ghukakora icho kizongona, na mbande, na magho, na teri; ghukaomera agho machi gheredungiloghe mtaronyi.

2 WAZURI 1:10

Elija ukamtumbulia uja m'baa wa wandu mirongo misanu, “Ikakaia ne mundu wa Mlungu, modo ndeghusee kufuma mlungunyi ghukumerie chiaimweri na wandu wako mirongo misanu.” Modo ghukasea kufuma mlungunyi ghukammeria chiaimweri na awo wandu wake mirongo misanu.

2 WAZURI 1:12

Elija ukamtumbulia, “Ikakaia ne mundu wa Mlungu, modo ndeghusee kufuma mlungunyi, ghukumerie chiaimweri na wandu wako mirongo misanu.” Niko modo ghwa Mlungu ghukasea kufuma mlungunyi, ghukammeria chiaimweri na wandu wake mirongo misanu.

2 WAZURI 1:14

Wona modo ghwaserie kufuma mlungunyi, ghukawimeria waja wabaa wawi, chiaimweri na wandu wawo mirongo-misanu mirongo-misanu; ela idana nakulomba kuwone irangi japo kukaia ja zoghori.”

ZABURI 45:3

Rwaa lufu lwako kiwonunyi ee mundu kuwadie ndighi; oho koko wa wubaa na nguma ra kiwuzuri.

KUFUMA 9:28

Mlombenyi BWANA, angu ulu lukuwa na vua ya magho vakata. Nichamlekeria mghende, hata ndemuchaamuka anduangi.”

WALAWI 10:2

Niko modo ghukasea kufuma kwa BWANA, ghukawikora wikafwa imbiri ya BWANA.

WALAWI 9:24

Modo ghukasea kufuma kwa BWANA, na kukora kizongona chekora na agho mavuda gherekoghe aighu ya madhabahu; hata iji wandu wose werewonieghe huwo, wikakema na kughwa andonyi kijimijimi.

AMOSI 7:4

Bwana MLUNGU ukaniwonyera mawono ghamu: Ngawona Bwana MLUNGU uwangagha wandu uwikabe kwa modo; nagho ghukakora bahari mbaa machi ghikaoma na kuzoya kukora isanga.

WUFUNUO 13:13

Na iyo nyamandu ya kawi yabonya weke mwakilimbiti wabaa, hata kubonya modo ghusee andoenyi kufuma mlungunyi imbiri ya wandu.

1 SAMUELI 14:15

Wafilisti werekoghe kambinyi, na awo werekoghe cha shighadinyi na ngomenyi, wikangilwa ni kiture kibaa; hata na awo widwagha wandu wunyika wikaobua, na ndoe ikasughusika; na wandu wose wikangilwa ni wowa m'baa.