AYUBU 1:1 - Biblia Ilagho Jiboie Kwa Wandu Wose

¹ Korekoghe na mndumu isanga ja Usi, uwangwagha Ayubu. Orekoghe mundu mucha, usewadie wuwiwi ghungi; muoboi Mlungu uleghie mawiwi.

AYUBU 1:1 ပူးပေါင်းရင်းမြစ်များ

KUZOYA 10:23

Wana wa Aramu ni: Uzi, Huli, Getheri, na Mashi.

KUZOYA 17:1

Nao iji Abramu wavika miaka mirongo ikenda na ikenda, BWANA ukamfutukia ukamzera, “Ini ne Mlungu-Uwadie-Ndighi-Rose; ninughe kukaia kukatie.

KUZOYA 22:12

Nao ukamzera, “Manya kusem'bonye mwana ilagho jingi, angu idana namanya loli kwamuobuagha Mlungu, angu kuseniimie mwana wako, uo mwana wako wa ititi Isaaka.”

KUZOYA 36:28

Dishani orekoghe m'baa wa vichuku va Uzi na Arani.

KUZOYA 42:18

Nao ituku ja kadadu Josefu ukawizera, “Ini namuobuagha Mlungu, bonyenyi huwu mpate kukaia moyo:

KUZOYA 6:9

Ichi nicho kivalwa cha Nuhu. Nuhu orekoghe mundu wa hachi, usezughunukilwagha ni mndungi wa iro ngelo; nao orewadaneghe na Mlungu.

2 WAZURI 20:3

“Nakulomba idana kunikumbuke ee BWANA, seji nighendie kwa wuloli imbiri kwako kwa ngolo yose, ngibonya agho ghikuboiagha;” Hezekia ukalila nandighi.

1 MALAGHO GHA NGELO 1:17

Wana wa Shemu ni: Elamu, Ashuri, Arpakishadi, Ludri, Aramu, Usi, Huli, Getheri, na Mesheki.

1 MALAGHO GHA NGELO 1:42

Wana wa Eseri ni: Bilhani, Zaawani, na Jaakani. Wana wa Dishani ni: Usi na Arani.

AYUBU 1:8

BWANA ukamkotia Shetani, “Welee, kwammbonie uo mdumiki wapo Ayubu? Ndekuwadie mndungi uko sa uo ndoenyi; mundu ukatie, usewadie wuwiwi ghungi, muoboi Mlungu, uleghie mawiwi.”

AYUBU 2:3

BWANA ukamkotia Shetani, “Welee, kwammbonie mdumiki wapo Ayubu? Ndekuwadie mndungi ndoenyi uko mloli na mucha sa uo. Wadanitasa na kukulindia usebonye ilagho jingi iwiwi. Kwanishingirie nikusighe kumkabe duu, ela Ayubu waduagha mloli.”

AYUBU 28:28

Niko Mlungu ukamzera mdamu, ‘Kuobua kwa BWANA, niyo hikima, na kusigha mawiwi, niko kumanya.’”

AYUBU 4:6

Welee, uko kuobua kwa Mlungu kwako, si wuwana ghwako? Na uko kukatia kwa chia rako si isuwirio jako?

AYUBU 9:21

Ini nakatie, ela sitalie; nakoja kukaia moyo.

KUFUMA 18:21

Sena aighu ya agho, kusaghuo wandu wiko na kudima, wimuobuagha Mlungu, wandu wirumirikie wisekunde kuhongwa; nao kuwiwike wikaie vilongozi va wandu. Wamu wikaie wezighana wandu wa maelfu, wamu wezighana wa maghana na wamu mirongo misanu, na wazima wa makumi.

MAKATANISHO 14:16

Mundu wa hikima wadakulindia na kukutanya na wuwiwi, ela mkelu ndekuwadiagha hata ndetalagha.

MAKATANISHO 14:2

Mundu ughendagha nicha, wadamuobua BWANA, ela uo ughendagha kiwiwi, wadammenya.

MAKATANISHO 16:17

Mundu mucha wadalegha chia mbiwi, uo ulindiagha mighendo yake wadajilindia irangi jake.

MAKATANISHO 16:6

Kwa chia ya lukundo na wuloli, kaung'a yalekelwa; kwa chia ekaia na kuobua kwa BWANA, mundu wawikwa kula na wuwiwi.

MAKATANISHO 20:7

Mundu wa hachi, ughendagha nicha, wana wake wicharasimilwa nyuma yake.

MAKATANISHO 3:7

Kusakekuririkanya kumoni kukaia na hikima; kumuobuo BWANA na kutana na kiwiwi.

MAKATANISHO 8:13

Kuobua kwa BWANA ni kuzamilwa ni wuwiwi, Nadazamilwa ni kukuduka na kukukasa, na chia mbiwi na kudeda kisha.

JEREMIA 25:20

na wandu wose wa kighenyi wiko aghadi kwawo, wazuri wose wa isanga ja Uzi na wazuri wose wa isanga ja Wafilisti (Ashkeloni, Gaza, Ekroni, na masighariko gha wandu wa Ashdodi);

KILILO CHA JEREMIA 4:21

Sekenyi inyo wandu wa Edomu na Uzi; boilonyi seji mchaadima. Na oho wokoni kuchelwa ni wasi; kutatarike kuko duu kwa waya.

EZEKIELI 14:14

Hata ngera awa wandu wadadu wadakaia aeni, Nuhu, Danieli, na Ayubu, wadadima tu kukira marangi ghawo kwa hachi yawo. Ini Bwana MLUNGU naghamba.

EZEKIELI 14:20

hata ngera Nuhu, na Danieli, na Ayubu wadakaia aho, sa iji ini Bwana MLUNGU nikaiagha moyo, naghamba, ndawadimagha kuwikira wana wawo wa womi hata wa waka; wadadima tu kukira marangi ghawo gheni kwa iyo hachi yawo.”

LUKA 1:6

Nawo wose werekoghe wandu wa hachi, wikighenda kwa kuiwadia Sharia na malaghiro gha Mlungu kuseko na ikosa jingi.

WUKUMBUSO 18:13

Msekaie na ikosa jingi imbiri ya BWANA Mlungu onyu.”

JAKOBO 5:11

Ola isi dadawiwanga warasimilwa; kwa kukaia ni wandu werekoghe na irumaghio. Mwasikire malagho gha irumaghio ja Ayubu, nenyo mwawonie kutua kwa mpango ghwa Bwana aighu yake, na seji Bwana uko wa ishima na wughoma.

1 PETRO 3:11

Ndetane na kiwiwi, ubonye nicha; ndelole sere, na kuinugha na iseghe.