AMOSI 9:8 - Biblia Ilagho Jiboie Kwa Wandu Wose

⁸ Olenyi ini Bwana MLUNGU naawuyazighanira wandu wa ughu wuzuri ghwa Israeli ghubonyagha kaung'a, nani nichawitotesha wifume ndoenyi; elaima sichaawitotesha wandu wa kivalwa cha Jakobo putu anduangi.

AMOSI 9:8 ပူးပေါင်းရင်းမြစ်များ

KUZOYA 6:7

Kwa huwu ukaghamba, “Nichamuinja na mbai uhu mdamu neremuumbieghe, usoweke ndoenyi andwamweri na nyamandu, na iro riavuagha andoenyi, na nyonyi ra mbeonyi; angu nasirimika na ndighi kwa kukaia nerevibonyereghe.”

KUZOYA 7:4

Angu nyuma ya matuku mfungade nichanyesha vua ndoenyi kose kwa matuku mirongo ina kio na dime, na kula kindo chiko moyo nerechibonyereghe nichachiinja ndoenyi.”

1 WAZURI 13:34

Ilagho ijo jikawuya kaung'a emnona Jeroboamu na kivalwa chake, hata chikatoteshwa chisewoneke ndoenyi.

MAKATANISHO 15:3

BWANA wadawona kula andu; wadamzighana mmbiwi na mucha.

MAKATANISHO 5:21

BWANA waichi maza rose mundu uribonyagha, nao wadaizighana mighendo yake yose.

JEREMIA 30:11

Angu ini neko andwamweri nenyo nipate kumkira; nicharitotesha putu iro mbari rose andu neremsaghisireghe, ela inyo sichaamtotesha anduangi; nichamkaba kwa hachi, hata sichaamsigha jingi kuseko na makabo ghemmbunja.”

JEREMIA 44:27

Olenyi naawuyamzighanira woruwu, si kwa kum'bonyera mecha ela kiwiwi; inyo mmbose wandu wa Juda mkaiagha isanga ja Misri mchabwaghwa wudenyi, na kwa njala hata mwasia putu.

JEREMIA 46:28

Msakeobua ee kivalwa cha Jakobo mdumiki wapo, angu ini neko chiaimweri na inyo. Nicharinyamirisha mbari rose aho neremghenjereghe; ela inyo sichaamnyamirisha, nichamkania kwa kipimo cha hachi, na kwa ivo vose sichaamsigha kuseko na ikabo.”

JEREMIA 5:10

Jokenyi muitoteshe mizabibu yawo, ela mseitoteshe putu; injenyi mbashu raro, kwa kukaia si ra BWANA kungi.

HOSEA 1:4

BWANA ukamzera Hosea, “Mmbange irina jake Jezreeli, angu yasighwa ngelo ndinieri, nani nichamkaba Mzuri Jehu kwa wundu ghobwagha wandu Jezreeli, nani nichaghumeria wuzuri ghwa wandu wa Israeli.

HOSEA 1:6

Nao Gomeri ukapata kifu sena, ukava mwana wa waka. BWANA ukamzera Hosea, “Mmbange ‘Usekundo,’ angu sichaakaia na lukundo kwa wandu wa Israeli wei niwifuye wughoma.

JOELI 2:32

Ela uo uchaalomba wutesia ghwa BWANA uchakia. Na seji BWANA ughambie, ‘Weko wamu andenyi ya Jerusalemu wichaafufufunuka, awo niwisaghue wichakaia moyo.’”

AMOSI 3:12

BWANA waghamba huwu, “Sa iji koni mlisha upatagha maghu awi angu kudu kwa ng'ondi kufuma momunyi kwa shimba, huwo koni wandu watinieri tu wa Israeli wikaiagha Samaria, awo wiseagha kidombo aighu ya makochi ghawo wichavuvulwa.

AMOSI 7:17

Kwa wundu ugho BWANA wakuzera oho Amazia, ‘Mkako uchawuya ilaya andenyi ya muzi, wana wako wa womi na wa waka wichabwaghwa wudenyi. Isanga jako jichapimwa kwa kamba na kuwaghilwa wandu wazima. Oho kumoni kuchafwa andenyi ya isanga ja wusezinyi; na loli wandu wa Israeli wichadwalwa wunyika kufuma iji isanga.’”

AMOSI 9:10

Wakaung'a wose wa wandu wapo wichabwaghwa wudenyi, awo wighambagha, ‘Isi ndedidimagha kupatwa ni ilagho jingi.’”

AMOSI 9:4

Hata widwalo wunyika na kukaia kwa wamaiza wawo nichaduma wandu aho wiwibwaghe. Nia yapo ni kuwibwagha si kuwikira anduangi.”

WUKUMBUSO 4:31

Angu BWANA Mlungu wako ni Mlungu wa wughoma; ndechaakusigha hata kukutotesha angu kujiliwa ilaghano orejibonyereghe na weke ndeyo, ijo orejibonyereghe kwa ighemi.

WUKUMBUSO 6:15

angu BWANA Mlungu wako uko aghadi kwako, ni Mlungu uwadie iriso; usechejokwa ni machu aighu yako, na kukuinja wurumwengunyi.