AMOSI 9:14 - Biblia Ilagho Jiboie Kwa Wandu Wose

¹⁴ Nichawiwunja wandu wapo Israeli isangenyi kwawo. Wichaagha sena maghacho gha mizi yawo inonelo, na kuikaia; wichawa mizabibu na kunywa divei yaro; wichalima mbuwa na kuja matunda gharo.

AMOSI 9:14 ပူးပေါင်းရင်းမြစ်များ

ZABURI 107:37

Wadawa mbuwa na kutula mizabibu, na kukuwida mavalo kwa wungi.

ZABURI 53:6

Yakaiagha nicha saki ngera kukia kwa wandu wa Israeli kwadapatika kufuma Sioni! Mlungu ukawunjira wandu wake mecha ghawo, wandu wa Israeli wichaboilwa na kuzuma.

ISAYA 60:4

Wusira meso ghako kuzighane chia rose kuwone; wandu wako wose wakwanyika chiaimweri waawuyakuchea; wana wako wa womi wichacha kufuma kula, na wana wako wa waka wichadukwa mikonunyi.

ISAYA 61:4

Wichaghiagha maghacho gha kala ghinonelo, na kuagha mizi inonelo na kusighwa, wichaiboisa mizi inonelo kokala, iyo erenoneloghe vivalwa vingi va kokala uko.

ISAYA 65:21

Wichaagha nyumba na kukaia andenyi yaro, nawo wichawa mizabibu na kuja matunda gharo.

JEREMIA 12:15

Nani ngameria kuwifunya, awo wawiwi, wughoma nichawifuya sena, na kummbunja kula umu wawo andenyi ya ifwa jake na isanga jake.

JEREMIA 16:15

ela wichaghamba, ‘Sa iji BWANA uko moyo, uo orewifunyireghe wandu wa Israeli isanga ja kaskazinyi, na masanga ghose agho orewiwingieghe.’ Kwa kukaia nichawiwunja isangenyi jawo jeni, ijo nerewinekieghe weke ndee.

JEREMIA 23:8

ela wichaghema, ‘Sa iji BWANA uko moyo, uo orewilongozereghe na kulongoza kivalwa cha nyumba ya Israeli kufuma isanga ja kaskazinyi, na kufuma masanga ghose orewiwingieghe;’ nawo wichakaia isangenyi jawo jeni.”

JEREMIA 24:6

Nichakaia ngiwizighana kwa wundu ghwa mecha, nani nichawiwunja kwa iji isanga; nichawiagha hata sichaawivuchua, nichawimangisha hata sichaawiinja anduangi.

JEREMIA 29:14

Mchaniwona, nani nichammbunja isangenyi konyu; nichamkwanya kufuma kwa mbari rose ra wandu, na andu kose neremmbingieghe; nani nichamreda kufuma kwa jija isanga moredwaloghe wunyika na kummbunja aha.’

JEREMIA 30:18

BWANA waghamba huwu, “Olenyi nichariagha sena hema ra kivalwa cha Jakobo, na kukaia na wughoma kwa awo wikaiagha aho. Muzi ghwa Jerusalemu ghuchaaghwa aeni ghorekoghe, na ngome ya mzuri ichakaia aeni erekoghe.

JEREMIA 30:3

Ola matuku ghichacha nani nichaawiwunja wandu wapo Israeli na Juda kufuma wunyikenyi, wiwuye kwa isanga nerewinekieghe weke ndee jikaie jawo.”

JEREMIA 31:23

BWANA wa majeshi, uo Mlungu wa Israeli waghamba huwu, “Ngelo nichaawiwunja wandu isangenyi kwawo, wichatumia agha malagho sena andenyi ya isanga ja Juda na andenyi ya mizi yawo, ‘BWANA ndeghurasimie ugho mghondi ghwa wueli ghwa Jerusalemu, aho andu kwa wueli ukaiagha.’

JEREMIA 31:28

Na ichakaia sa iji koni nerewiinjireghe na kuwifunya noko, kuwinona na kuwiredia wuwiwi, huwo koni nichawiagha na kuwiwika.

JEREMIA 31:5

Mchawa mizabibu sena aighu ya mighondi ya Samaria, na awo wiwagha, wichaboilwa ni matunda gharo.

JEREMIA 32:15

Angu BWANA wa majeshi uo Mlungu wa Israeli waghamba huwu: Nyumba, na mbuwa ra mizabibu richaghulwa sena andenyi ya iji isanga.’

JEREMIA 32:37

Olenyi nichawitumbanya awo wandu kufuma kwa agho masanga nerewiwingieghe kwa wundu ghwa machu ghapo na kubia kwapo, na makai mabaa; nipate kuwiwunja andu aha, nani nichawibonya wikaie nicha.

JEREMIA 33:11

lwaka lwa kuseka na kuboilwa, na lwaka lwa bwana na bibi arusi, na chwaka ra awo wiboragha wikireda mafunyo gha chawucha andenyi ya Hekalu ya BWANA wikighamba, ‘Funyenyi chawucha kwa BWANA wa majeshi, angu BWANA ni mucha, na lukundo lwake lukatie lwadua kwa kala na kala.’ Kwa kukaia nichajibonya isanga jikaie sa iji koni jerekoghe, waghamba BWANA.”

JEREMIA 33:7

Nichawiwunjira Juda na Israeli mecha ghawo, na kuwiagha sa iji koni werekoghe imbiri.

EZEKIELI 16:53

“Nichaiwunjira Sodoma na mizi yaro mecha ghawo, na Samaria na mizi yaro wori; hata oho muzi ghwa Jerusalemu wori nichakuwunjira mecha ghako;

EZEKIELI 28:26

Nawo wichakaia banana andenyi ya ijo isanga; wichaagha nyumba na kuwa mizabibu. Wichakaia banana ingelo nichaatanya awo wambao werewikitagha; nawo wichamanya kukaia ini ne Bwana MLUNGU.”

EZEKIELI 37:21

kuwizere, kukaia ini Bwana MLUNGU nichawireda wandu wa Israeli kufuma kwa iro mbari ra wandu andu werekoghe wadwalwa wunyika. Nichawitumbanya kufuma andu kose, na kuwireda andenyi ya isanga jawo jeni.

EZEKIELI 39:25

Bwana MLUNGU waghamba huwu, “Idana nichammbunjira Jakobo mali rake, na kuwiwonia wughoma wandu wa Israeli nani nichakaia na iriso kwa wundu ghwa irina japo ja wueli.

AMOSI 5:11

Mwawikorongie wakiwa kwa kuwisoka viro vawo. Kwa huwo ndemchaarikaia iro nyumba ra magho muriaghie, hata kunywa divei iboie ifumagha kwa iyo mizabibu iboie muiwae.

ZEFANIA 1:13

Mali rawo richadwalwa wunyika; nyumba rawo richatoteshwa. Hata ngera wariagha, ndewichaarikaia, hata wikeduawa mizabibu, ndewichaanywa divei yaro anduangi.”

ZEFANIA 2:7

Isanga ja pwani jichawuya ifwa ja masighariko gha wandu wa Juda. Wichakaia wikilisha mfugho rawo aho, nawo wichakaia wikilala nyumba ra Ashkeloni. BWANA Mlungu wawo uchakaia andwamweri nawo, nao uchawiwunjira andu kwawo.