AMOSI 9:13 - Biblia Ilagho Jiboie Kwa Wandu Wose

¹³ BWANA waghamba, “Olenyi matuku ghiacha, mbeu ichabuka na kuzoghua naiseghe kuchumba seji idimagha kukuwidwa, na zabibu richawurwa shwa-shwa kuchumba seji divei idimagha kuboiswa. Mighondi ichafunya divei isingie, na mighondi mitini ichadika-dika divei.

AMOSI 9:13 ပူးပေါင်းရင်းမြစ်များ

KUZOYA 49:11

Wadafunga punda wake mzabibunyi, na mwana wa punda kwa mzabibu ghuboie, Nao moni wadaoghosha nguwo rake kwa divei, na marwao ghake kwa divei itinikie sa bagha.

ZABURI 97:5

Mighondi yasagha sa sungu imbiri ya BWANA; yasagha imbiri ya Bwana wa ndoenyi kose.

ISAYA 16:10

Ndekuwadie mndungi uko na kuja kuboilwa andenyi ya mbuwa redu rinorie, hata mndungi ndewuebora andenyi ya mbuwa ra mizabibu kwa kukaba lukilighili. Mndungi ndewuekama zabibu, kuboilwa kose koomerelwa.

ISAYA 55:13

Wulalo ghwa minjwa kuchabuka msumbesu, na wulalo ghwa mndandangoma kuchabuka mhadasi. Ilagho iji jichakaia lukumbuso kwapo ini BWANA, na alama ya kala na kala isechaainjika jingi.”

EZEKIELI 28:26

Nawo wichakaia banana andenyi ya ijo isanga; wichaagha nyumba na kuwa mizabibu. Wichakaia banana ingelo nichaatanya awo wambao werewikitagha; nawo wichamanya kukaia ini ne Bwana MLUNGU.”

EZEKIELI 36:35

Nawo wichaghamba, ‘Iji isanga jeresighiloghe iduu, hoku idana jawuya sa mbuwa ya Edeni, mizi eresighiloghe maghacho, na andu koresighiloghe kuduu na kunoneka, idana kwaaghilo na kukailwa ni wandu.’

JOELI 2:24

Andu kochania kuchachua viro, vighombo viko kaavui na andu kokamia vichadika-dika divei na mavuda.

JOELI 3:18

“Ngelo iyo, mighondi ichachulwa ni mbuwa ra mizabibu, na mighondi mitini ichachulwa ni ng'ombe ra mariwa, isanga ja Juda jose jichachulwa ni machi, dumeda dwaa machi duchakaia dukisea kufuma Hekalunyi ya BWANA, na kunyoshera Vololo ya Shitimu.

JOELI 3:20

Ela Juda ichakailwa ni wandu kwa kala, na Jerusalemu wori ichakailwa vivalwa vose.

WALAWI 26:5

Mchakaia na vindo vingi, hata modekuwidagha viro ngelo ewaya zabibu, na kuwaya zabibu ngelo ewa viro. Muchaja vindo venyu na kughuda, na kukaia isangenyi konyu kwa sere.

AMOSI 9:5

BWANA Uwadie-Ndighi-Rose wadaadada ndoe nao isughusike; wandu wose wikaiagha aho walila. Wurumwengu ghose ghwawuka na kusea sa Moda ghwa Naili.

JOHANE 4:35

Inyo mwaghambagha, ‘Yaasighwa meri ina mvono ghuche.’ Ela ini namzera, zighanenyi mbuwa seji viro vakaia tayari kukuwidwa.

WATANYI 5:5

Mighondi ikasughusika imbiri ya BWANA, oho Sinai koresughusikieghe imbiri ya BWANA, uo Mlungu wa Israeli.