AMOSI 8:9 - Biblia Ilagho Jiboie Kwa Wandu Wose

⁹ Ngelo ichacha, nani nichabonya iruwa jineng'ene dime ghadi, na kubonya ndoe isere kira nadime.

AMOSI 8:9 ပူးပေါင်းရင်းမြစ်များ

AYUBU 5:14

Waserelwa ni kira nadime, nawo waadada-adada dimeghadi seji ni kio.

ISAYA 13:10

Nyerinyeri rose ra mlungunyi nderichaafunya miengere, na iruwa jichasera kira jikibuka, hata mori ndeghuchaafunya miengere yaro anduangi.

JEREMIA 13:16

Mnekenyi BWANA Mlungu onyu wubaa, imbiri useredie kira, imbiri maghu ghenyu ghisekuwie, aighu ya mighondi ya kira cha ndoe kuelenyi; ngelo msuwiriagha mwengere, uo waghughalua ghuwuye kira, ee, kira cha ndindi.

JEREMIA 15:9

Muka orevaeghe wana mfungade uchasilwa ni ngolo na kudumbuka; uchaserelwa ni kira nadime; wafushwa waya na kusowelwa ishima. Awo wisigharikie wichabwaghwa wudenyi, na kughwa imbiri ya wamaiza wawo,” waghamba BWANA.

EZEKIELI 32:7

Ngelo nakunona, nichafinikira mlungunyi, na nyerinyeri richawuya kira; nichajifinikira iruwa na mawingu, na mori ndeghuchaafunya miengere yaro anduangi.

AMOSI 4:13

BWANA nuo orebonyereghe mighondi. Nuo ubonyere mbeo iweteghe, na kumghoria mdamu maghesho ghake; nuo ughalusagha dime iwuye kio. Wadasela aighu ya mighondi ya ndoenyi. Irina jake ni BWANA, uo Mlungu Uwadie-Ndighi-Rose.

AMOSI 5:8

BWANA wabonyere nyerinyeri, Piadisi na Orioni, na kughalusa kira chiwuye mwengere, na mwengere ghuwuye kira. Uwangagha machi gha baharinyi, na kughidia andoenyi, irina jake ni BWANA.

MIKA 3:6

“Ituku jenyu jasia inyo walodi; iruwa janeng'ena konyu. Ndemchaaloda ilagho jingi.”

ZEKARIA 14:7

hata kira. Kuchakaia na mwengere hata nakio. BWANA uekeri nuo uchaamanya maza iri.

MATHAYO 24:29

“Nyuma ya wasi ghwa matuku ghaja, iruwa jichawuya kira, na mori ndeghuchaafunya miengere yaro anduangi; nyerinyeri richakaia rikipotoka kufuma mlungunyi, nandighi ra mlungunyi richasukwa-sukwa.

MATHAYO 27:45

Nao kufuma saa irandadu, kira chikasea isanga jose, hata saa ikenda.

MARKO 15:33

Na iji yavika saa irandadu, kukangia kira isanga jose hata saa ikenda.

LUKA 23:44

Nao sa saa irandadu, korekoghe na kira isanga jose, hata saa ikenda.

WUFUNUO 6:12

Hata iji uo Mwana wa Ng'ondi oreghufungueghe ugho muhuri ghwa karandadu, nerezighanireghe, nao ola korekoghe na msughusiko m'baa ghwa ndoe; iruwa jikawuya ja chilu sa nguwo ya igunia, na mori ghukawuya ghwa ngundu sa bagha,

WUFUNUO 8:12

Uo malaika wa kana ukaikaba tarumbeta yake, ifungu ja kadadu ja iruwa, na ja mori, na ja nyerinyeri jikakabwa, hata ifungu ja kadadu ja miengere yaro jikawuya kira; na ifungu ja kadadu ja dime hata ja kio ndejeredimieghe kufunya miengere yaro anduangi.