AMOSI 8:8 - Biblia Ilagho Jiboie Kwa Wandu Wose

⁸ Kwa huwo ndoe ichasughusika, na kula mundu isangenyi uchakaia na wasi. Isanga jose jichasughusika; jikichua na kumichwa-michwa sa ugho moda ghwa Naili ghuko Misri.

AMOSI 8:8 ပူးပေါင်းရင်းမြစ်များ

ZABURI 18:7

Niko ndoenyi kukatatarika na kunenganenga, misingi ya mighondi wori ikasughusika na kuzingizika; kwa kukaia BWANA orejokeloghe ni machu.

ISAYA 5:25

Kwa wundu ugho, BWANA orejokeloghe ni machu aighu ya wandu wake; ukaghorua mkonu upate kuwikaba, na mighondi ikasughusika; gharia ra awo wifue rikakaia sa wuchafu chienyi. Hata huwo saki machu gha BWANA ndeghisirie, ela mkonu ghwake ghokaba ghoko ghughorokie hata idana.

JEREMIA 12:4

Isanga na nyasi ra mbuwenyi rikaia riomie hata lii? Nyamandu ra isakenyi na nyonyi ramerie kutota, kwa wundu ghwa wuwiwi ghwa awo wandu wiko andenyi yaro; wandu waghambie, “Mlungu ndedimagha kuwona agho dawuyabonya.”

JEREMIA 46:7

Nani uhu ukuwusiragha sa Moda ghwa Naili, sa moda ghudikaadika?

JEREMIA 46:8

Ni Misri ikuwusiragha sa Moda ghwa Naili sa moda ghudikadika. Misri ereghambieghe, ‘Nichawuka na kufinikira ndoenyi; nichainona mizi chiaimweri na wandu waro.

JEREMIA 51:29

Isanga jaawuyasughusika na kuwawa kwa wasi, kwa kukaia mipango yapo ini BWANA aighu ya Babuloni ndeighalukie, nipate kujibonya ijo isanga jisigho iduu jisekailwagha ni wandu.

DANIELI 9:26

Nyuma ya iyo miaka mirongo irandadu na iwi mandu mfungade, uja mshingwa mavuda uchabwaghwa duu; wandu wa m'baa wa ughu muzi na Hekalu yaro.

HOSEA 10:5

Wandu wikaiagha muzi ghwa Samaria wichaobua na kulila kwa wundu ghwa mlimu ghwa ngache ya dhahabu ghwa Beth-aveni. Wandu awo chiaimweri na wakohani wighudumikiagha wichalila kwa kuwona wubaa ghwaro seji ghwainjwa.

HOSEA 4:3

Kwa wundu ugho isanga jaoma, na wandu wose wiko andenyi yaro wichatota; nyamandu na nyonyi na samaki richafwa.”

AMOSI 8:10

Nicharighalua ndima renyu riwue kililo chefuilwa, na chumbo renyu riwue ra wasi; nicham'bonya muro nguwo ra magunia, na kuara vongo venyu. Ituku ijo nichajibonya jikaie sa ifwa jelilia mwana wa womi wa ititi, na kutua kwa ituku jaro kuchakaia kwa wasi m'baa.

AMOSI 9:5

BWANA Uwadie-Ndighi-Rose wadaadada ndoe nao isughusike; wandu wose wikaiagha aho walila. Wurumwengu ghose ghwawuka na kusea sa Moda ghwa Naili.

NAHUMU 1:8

Ela uchawimeria wamaiza wake putu sa kudwalwa ni machi mengi; uchawighenja wamaiza wake cha kifonyi.

MATHAYO 24:30

Niko aho ichawoneka alama ya Mwana wa Mdamu aighu mawingunyi, na mbari rose ra ndoenyi richakema na kulila, nawo wichammbona Mwana wa Mdamu ukicha aighu ya mawingu gha mlungunyi uko nandighi na wubaa mungi;