AMOSI 8:13 - Biblia Ilagho Jiboie Kwa Wandu Wose

¹³ Ngelo iyo, wai wighokie na wadawana wichadumbuka kwa wundu ghwa kau.

AMOSI 8:13 ပူးပေါင်းရင်းမြစ်များ

ZABURI 63:1

Ee Mlungu, oho ko Mlungu wapo, nani nakaia na bea na oho. Nakaia na kau mbaa na oho, karakara na isanga jiomie jisewadie machi.

ISAYA 40:30

Wadawana wichadumbuka na kusilwa ni ndighi, na wandu wa irika wichaghwa kwa wundu ghwa kusilwa;

ISAYA 9:17

Kwa huwu, BWANA ndewueboilwanya na ungi wa wandu wawo wa irika, hata ndena wughoma kwa wana wisena weke ndee na waka wakiwa; kwa kukaia kula umu ndena Mlungu, nao ni m'bonyi kiwiwi, na kula ilagho widedagha ni wuwiwi mduu. Hata huwo saki, machu gha BWANA ndeghisirie, mkonu ghwake ghokaba ghoko ghughorokie hata idana.

JEREMIA 48:18

“Seenyi kufuma kwa wubaa ghonyu ee wandu mkaiagha Diboni; msee kidombo andoenyi terinyi! Kwa kukaia mnoni wa Moabu wameria kucha aighu yenyu, nao wameria kurichikanya ngome renyu.

KILILO CHA JEREMIA 1:18

“BWANA ni mhachi ni ini nimleghie. Nisikirenyi inyo wandu andu kose muko mmbone wasi ghwapo. Wandu wapo wa irika na wai wapo wadwalwa wunyika.

KILILO CHA JEREMIA 2:10

Waghosi wa Jerusalemu wasea kidombo kwawo, na kurwa nguro ra magunia kwa wasi. Wai waghoghomesha vongo vawo andonyi.

KILILO CHA JEREMIA 2:21

Wandu wa irika na waghosi weefuya achienyi, wai na wadawana weebwaghwa na chufu ni wamaiza. Kwawibwaghie kuseko na wughoma ituku kujokelo ni machu.

HOSEA 2:3

nisechemrua nguwo na kumsigha duu, na kum'bonya uwoneke sa iji koni orevalwagha; nim'bonye ukaie sa kireti, na kummbika ukaie sa isanga jiomie, upate kubwaghwa ni kau.

HOSEA 2:5

Angu mae wabonyere wumalaya uo muka orewidukieghe kifunyi wabonyere malagho gha waya. Angu oreghambieghe, ‘Nichanughana na wakundwa wapo, awo wichaanineka mkate na machi, nguwo rapo ra sufu na ra kitani, mavuda na chofi.’

ZEKARIA 9:17

Maza richakaia nicha saki! Wandu wa irika wichakaia na ndighi kwa wundu ghwa viro na divei.

WUKUMBUSO 32:25

Wuda ghuchareda kifwa achienyi, na nyumbenyi kuchakaia na kiture, wadawana na wai wichafwa, ndewichaafuya wughoma mwana uongagha chiaimweri na mghosi.