AMOSI 8:12 - Biblia Ilagho Jiboie Kwa Wandu Wose

¹² Wandu wichamara-mara kufuma kutua uku kwa bahari, hata kutua kuja kwa bahari na kufuma kaskazinyi hata mashariki; wichakimbia ii chia na i chia wikilola ilagho ja BWANA, na ndewichaajiwona anduangi.

AMOSI 8:12 ပူးပေါင်းရင်းမြစ်များ

MAKATANISHO 1:28

Niko mchaniwanga ini Hikima, ela sichaadika; mchanilola nandighi, ela ndemchaaniwona.

MAKATANISHO 14:6

Mundu wa lumenyo wadalola hikima useipatagha, ela mundu otambukilwa, ndemukaa kumanya.

MAKATANISHO 29:18

Mbari isewadie wulongozi ghwa Mlungu ndeikaiagha nicha. Warasimilwa mundu uwadiagha sharia ya BWANA.

EZEKIELI 20:3

“Mwana wa mdamu, ghora na wabaa wa Israeli kuwizere, Bwana MLUNGU waghamba huwu: Welee, mwaacha kulola njama kwapo? Ola sa iji nikaiagha moyo, sichaamneka wulalo ghokotia njama kwapo. Ini Bwana MLUNGU naghamba.

EZEKIELI 20:31

Iji mwaifunyira milimu manosi, na kuwifunya wana wenyu wa womi wikaie vizongona vekora, mwaawuyakulusha mmbeni hata linu. Welee, nadima kurumiria kuchalombwa ni inyo, ee wandu wa Israeli? Sa iji nikaiagha moyo, ini Bwana MLUNGU naghamba, sichaarumiria kulombwa ni inyo.

DANIELI 12:4

Ela oho Danieli, kucha icho chuo, kukabe mhuri aighu yaro hata ngelo ya kutua. Wandu wengi wichaghenda ii chia na ii chia wikilola kuchuria kumanya.”

HOSEA 5:6

Wafunya mfugho rawo vizongona wikimlola BWANA, ela ndevitesiagha. Ndewimmbonagha angu uwisighie.

MATHAYO 12:30

Uo useko andwamweri nani wadalwa nani; na uo usekwanyagha andwamweri nani wadasaghisa.

1 SAMUELI 3:1

Ngelo iro, uo mwana Samueli, orekoghe ukimdumikia BWANA aisi ya Eli. Na ilagho ja Mlungu jerekoghe jahora modo nandighi matuku agho; kwa kukaia ndekorekoghe na mawono ghangi shwa kwa shwa.