AMOSI 8:10 - Biblia Ilagho Jiboie Kwa Wandu Wose

¹⁰ Nicharighalua ndima renyu riwue kililo chefuilwa, na chumbo renyu riwue ra wasi; nicham'bonya muro nguwo ra magunia, na kuara vongo venyu. Ituku ijo nichajibonya jikaie sa ifwa jelilia mwana wa womi wa ititi, na kutua kwa ituku jaro kuchakaia kwa wasi m'baa.

AMOSI 8:10 ပူးပေါင်းရင်းမြစ်များ

KUZOYA 21:16

Nao moni ukaghenda na kusea kidombo kakula sa wukula ghwa kukumba iwanu, angu oreghambieghe, “Sikunde kuwona mwana ukifwa.” Nao iji orekoghe kidombo kulengana nao, uo mwana ukazoya kulila.

AYUBU 20:23

Iji waja na kughuda, Mlungu uchamkaba nandighi kwa machu ghake ghibirie.

AYUBU 3:5

Ndejiserelo ni kiju na kira cha ndindima. Ndejifinikiro ni mawingu, na kuserelwa ni kira cheobosha nadime.

AYUBU 30:31

Zeze yapo eewuya elila ifwa, na msherembe ghwapo ghwaawuyatumilwa ni awo wililagha.

ISAYA 3:24

Wulalo ghwa marumba mecha, kuchakaia kunuka kiwiwi; wulalo ghwa mshipi, kuchakaia kamba; wulalo ghwa iridia jilukilo nicha, kuchakaia kukangaluka; wulalo ghwa nguwo iboie, kuchakaia nguwo ra magunia; wulalo ghwa kughoka, kuchakaia kuzama.

JEREMIA 2:19

Mawiwi ghako gheni ghichakuneka adhabu, na kuwuya nyuma kwako kuchakukemia. Zighana kuwone kukaia ni ilagho iwiwi sena jibirie ja oho kunisigha ini BWANA Mlungu wako; ndekuwadie ghuja wundu ghwa kuniobua ini andenyi kwako.”

JEREMIA 48:37

Wandu wose weeara vongo vawo, na kudumbua sombe rawo; mikonu yawo eechughwa-chughwa, na kula umu wawo waawuyarwa nguwo ya igunia.

JEREMIA 6:26

BWANA wawizera wandu wake, “Ronyi nguwo ra magunia na kung'ara maivunyi; lilenyi nandighi kwa luwawo sa lolilia mwana wa womi wa ititi, angu mtoteshi udicheagha aighu yedu shwa wori.

KILILO CHA JEREMIA 5:15

Ngolo redu reesirilwa ni kuboilwa; kuvina kodu kooghaluswa kukaia wasi.

EZEKIELI 7:18

Wachulwa ni kiture, na kuwona waya; wakufunga weni nguwo ra magunia, na kuara vongo vawo kwa wasi.

EZEKIELI 7:2

“Na oho ee mwana wa mdamu, Bwana MLUNGU waghora huwu aighu ya isanga ja Israeli, Ni kutua! Kutua kwameria isanga jose.

HOSEA 2:11

Nichainja kuboilwa kwake kose ndima rake, ndima ra kula mori na Sabato rake, na ndima rose rake riwikilo ra dini.

HOSEA 2:13

Nichamneka adhabu kwa wundu ghobonya matuku gha ndima kwa weke Baali, iji orekoghe ukiwifukiria marumba, na kukupamba moni kwa pete na vipini, na kuwinugha wakundwa wake; ukaniliwa ini.

JOELI 1:8

Inyo wandu, lilenyi sa mwai umliliagha mchumba wake wafwa.

WALAWI 13:40

“Mndungi ukakunuka iridia jake chongonyi, ni mwakangalu; ela uchakaia uelie.

AMOSI 5:21

BWANA waghamba, “Nadazamilwa ni ndima renyu ra dini, sidimagha kurirumaghia.

AMOSI 5:23

Sighenyi kunibara madu na chumbo renyu, sikunde kusikiria chwaka ra vinubi venyu.

AMOSI 8:3

Ituku jija chumbo ra ngomenyi richawuya kililo; gharia ra wandu richakaia nyingi, naro richadeghwa cha shighadi kima kula andu.”

NAHUMU 1:10

Inyo wawongeri, mkeduaranganywa sa minjwa na matasa, mchakorwa na modo mmerelo.

ZEKARIA 12:10

“Nichawichura wandu wa nyumba ya Daudi na awo wikaiagha Jerusalemu roho ya wughoma na kulomba. Wichamzighana mundu were'bwahieghe kwa kumdunga na ndagha nawo wichamlilia mwana wa ititi; wichalila na ndighi seji mundu uliliagha mwana wake wa imbiri.

WUKUMBUSO 16:14

M'boilo ndimenyi chiaimweri na wana wenyu wa womi na wa waka, na wadumiki wenyu wa womi na wa waka, na Mlawi, na mghenyi omara-mara, na mwana usewadie ndee, na muka mkiwa; awo wiko mizinyi konyu.