AMOSI 7:9 - Biblia Ilagho Jiboie Kwa Wandu Wose

⁹ Aho andu wandu wa kivalwa cha Isaaka weretasiragha kuchatoteshwa. Andu kwa Wueli kwa Israeli kuchanoneka. Nicharimeria nguma ra Mzuri Jeroboamu.”

AMOSI 7:9 ပူးပေါင်းရင်းမြစ်များ

KUZOYA 46:1

Nao Jakobo ukatumbanya vose orekoghe navo, ukazoya charo. Hata iji wavika Beer-sheba, ukamfunyira Mlungu wa ndee Isaaka vizongona.

2 WAZURI 14:24

Ukabonya mawiwi imbiri ya BWANA, hata nderetaneghe na kaung'a ra Jeroboamu mwana wa Nebati, kwa iro. Orewisherekieghe Israeli kungia kaung'enyi.

ISAYA 63:18

Wandu wako wielie werekaieghe na Andu Kwako kwa Wueli kwa ngelo vui, na wamaiza wedu wikakufasha na kukunona.

JEREMIA 51:51

Nenyo mwaghamba, ‘Isi daawuyafushwa waya, angu dimenyero na kufushwa waya; kwa kukaia wandu wa kighenyi wachee, na kungia andenyi ya andu kwa wueli, andenyi ya Hekalu.’

EZEKIELI 6:3

kughambe, Sikirenyi ilagho ja Bwana MLUNGU inyo mighondi ya Israeli; Bwana MLUNGU waghamba huwu aighu ya mighondi mibaa na mitini, mavongo na vololo: Olenyi ini, ini moni nichareda wuda ghwa lufu, nani nichatotesha andu konyu kotasira mighondinyi.

HOSEA 10:8

Andu kwa ighu kwa wulaghe-laghe, korebonyeroghe kwa wundu ghwa Israeli kutasa milimu kuchanonwa. Kuchabukwa ni minjwa na mtaranganga, nayo ichazoghua na kufinikira madhabahu rawo. Wandu wichaizera mighondi mibaa na mitini, “Dighuenyi mudifinikire.”

AMOSI 3:14

“Ituku niwikabagha wandu wa Israeli kwa wundu ghwa kaung'a rawo, nicharitotesha madhabahu ra Betheli. Nicharichikanya mbembe rose ra madhabahu hata andoenyi.

AMOSI 5:5

Msenilole Betheli; mseghende Gilgali hata mseghende Beer-sheba kutasa; kwa kukaia loli wandu wa Gilgali wichadwalwa wunyika, na Betheli ichasighwa nduu.”

AMOSI 7:11

Amosi waawuyaghora, ‘Jeroboamu uchabwaghwa wudenyi, na wandu wa Israeli wichadwalwa wunyika kula na isanga jawo.’”

AMOSI 7:13

Ela jingi kusefunye wulodi Betheli, kwa kukaia ni andu kotasira kwa mzuri sena ni hekalu ya wuzuri.”

AMOSI 8:14

Awo wandu wighemagha kwa milimu ya Samaria, wikighamba, ‘Kwa mlungu ghwa Dani’ angu ‘Kwa mlungu ghwa Beer-sheba’ wandu awo wichaghwa hata ndewiichaawuka sena.”

AMOSI 9:1

Neremmbonieghe BWANA wakaia kimusi mbai na mbai ya madhabahu ukighamba, “Kaba koighu nguronyi ra Hekalu hata vizingiti visughusikie; kuvichikanye-chikanye aighu ya chongo cha kula mundu; mndungi ukasigharika, nicham'bwagha wudenyi. Ndekuwadie ungi uchaakimbia angu kufufunuka.

MIKA 1:5

Agha ghose ghaawuyacha angu wandu wa Israeli wibonyere kaung'a, na kumlegha Mlungu. Nani uko mkosa ima Israeli kaleghagha Mlungu? Welee, si Samaria cheni? Nani uko mkosi otasa milimu andenyi ya Juda? Welee, si Jerusalemu cheni?