AMOSI 7:2 - Biblia Ilagho Jiboie Kwa Wandu Wose

² Hata iji zighe rameria kuja nyasi rose ra isangenyi, nereghambieghe, “Ee Bwana MLUNGU, nakuvoya kufuye wandu wako wughoma, Wandu wa Israeli wadima wada kukaia moyo? Weeka watini nandighi.”

AMOSI 7:2 ပူးပေါင်းရင်းမြစ်များ

ZABURI 12:1

BWANA ditesie, ndekuwadie mndungi mucha uduagha. Wandu waloli ndewiduagha wandunyi anduangi.

KUFUMA 10:15

Kwa kukaia rerefinikireghe isanga jose hata jikasera kira; naro rikaja kula muwalwa isangenyi, na matunda gha midi eresigharikieghe ngelo ya vua ya magho; ndekorekoghe na ilemba jingi iwishi, hata mudi, angu muwalwa ghungi ghwa mbuwenyi ghoresigharikieghe isanga jose ja Misri.

KUFUMA 34:9

Nao ukaghamba, “Ikakaia loli kuboilwagha ni ini ee BWANA, nakulomba kughendanye andwamweri nesi; awa ni wandu wighilikie loli, ela kudileke mawiwi ghedu na kaung'a edu; kurumirie kudiwusa dikaie wandu wako weni.”

ISAYA 37:4

Kewada BWANA Mlungu wako wameria kusikira malagho ghaghorwa ni Rabshake agho wadumwa ni bwana wake mzuri wa Waashuru, ghemsholia Mlungu uko moyo; nao ughikemie agho malagho ghake. Kwa huwo, kumlombe Mlungu kwa wundu ghwa masighariko gha wandu wisigharikie.’”

ISAYA 51:19

Kwapatiro ni malagho awi, wasi na kunoneka, njala na wuda; ndekuwadie mndungi okuhoresha.

JEREMIA 14:7

Wandu wapo wanililia, ‘Hata ngera mawiwi ghedu ghadishuhudia, bonya ilagho kwa wundu ghwa irina jako ee BWANA, angu kuwuya nyuma kodu ni kubaa; dabonyere kaung'a aighu yako.

JEREMIA 42:2

wikanizera, “Dakulomba kudibonyere seji dikuzeragha, nao kumlombe BWANA Mlungu wako kwa wundu ghodu, ee kwa wundu ghwa agha masighariko ghose gha wandu (kwa kukaia isi derekoghe wengi deechasigharika watinieri seji kudiwonagha);

EZEKIELI 11:13

Nao iji nerekoghe ngifunya wulodi, Pelatia mwana wa Benaia ukafwa. Niko ngaghwa kiwushu-wushu, ngamlilia BWANA kwa lwaka lubaa ngighamba, “Ai e Bwana MLUNGU! Wele kuaghimeria masighariko gha wandu wa Israeli putu?”

EZEKIELI 9:8

Hata iji werekoghe wikibwagha, nani ii chia naasigharika niekeri, ngaghwa kiwushu-wushu ngalila ngighamba, “Ai, e Bwana MLUNGU! Kuabwagha masighariko ghose gha Israeli kwa wundu ghwa machu kwakaia nagho aighu ya Jerusalemu?”

DANIELI 9:19

Ee BWANA, sikira; Ee BWANA, fuya wughoma; Ee BWANA, sikira kubonye. Kusakemuka ee Mlungu wapo, kwa wundu ghwako kumoni, na kwa wundu ghwa muzi ghwako, na wandu wako wiwangilo kwa irina jako.”

JOELI 2:17

Wakohani wimdumikiagha BWANA ghadi na ghadi ya madhabahu na mnyango ghongia Hekalunyi ndewilile na kughamba, “Kuwifuye wughoma wandu wako ee BWANA; kusakesigha wandu wa mbari zima widiseke na kudimenya wikighamba, ‘Oke Mlungu onyu oko hao?’”

AMOSI 4:9

“Neredumieghe mbeo eomera viro venyu. Ngareda zighe riwoneja mbuwa renyu, mizabibu yenyu na mitini yenyu na mizeituni yenyu, nenyo hata huwo saki, ndemorenighalukieghe.

AMOSI 7:5

Niko ngaghamba! “Ee Bwana MLUNGU, nakulomba kusighe; Wandu wa Israeli widima wada kukaia moyo? Weeka watini nandighi.”

ZEKARIA 4:10

Wandu wichafwa ngolo kwa kuwona kazi ya iaghi ikighenda mboa-mboa. Ela wichammbona Zerubabeli ukiiagha Hekalu, nawo wichaboilwa.” Malaika ukanizera, “Iro taa mfungade, ni meso mfungade gha BWANA ghizighanagha ndoenyi kose.”

WUFUNUO 9:4

Naro rerezereloghe riseribonye nyasi ra ndoenyi ilagho jingi, hata malemba, hata mudi ghungi, ela awo wandu weni wisewadie muhuri ghwa Mlungu chamunyi kwawo.