AMOSI 7:17 - Biblia Ilagho Jiboie Kwa Wandu Wose

¹⁷ Kwa wundu ugho BWANA wakuzera oho Amazia, ‘Mkako uchawuya ilaya andenyi ya muzi, wana wako wa womi na wa waka wichabwaghwa wudenyi. Isanga jako jichapimwa kwa kamba na kuwaghilwa wandu wazima. Oho kumoni kuchafwa andenyi ya isanga ja wusezinyi; na loli wandu wa Israeli wichadwalwa wunyika kufuma iji isanga.’”

AMOSI 7:17 ပူးပေါင်းရင်းမြစ်များ

2 WAZURI 17:6

Mwaka ghwa ikenda ghwa Hoshea, niko mzuri wa Ashuru uwadie muzi ghwa Samaria, ukadwa Waisraeli wunyika hata Ashuru na kuwiwika muzi ghwa Hala, kaavui na Moda ghwa Habori, isanga ja Gozani hata na andenyi ya mizi ya Wamedi.

ZABURI 78:55

Oreriwingieghe mbari zima imbiri kwawo, ukawiwaghia na kuwineka ifwa; ukavibonya vichuku va Israeli vikaie andenyi ya mizi yawo.

ISAYA 13:16

Wana wawo wichabarilwa ndonyi na kuwaghanyika wikiwona. Wichasokwa vilambo vawo, na waka wawo wichadidikwa.”

ISAYA 22:18

nao uchakumarisha-marisha na kukuda noko cha isanga ja kula sa mpira, na oho kuchafuya aho, na magare ghako korekukasireghe nagho ghichasigharika aho; oho kumfushire bwana wako waya andenyi ya nyumba yake.

JEREMIA 14:16

Na awo wandu wawuyawilodera wichakumbwa achienyi ra Jerusalemu, wibwaghilo ni njala na lufu, wisowe mundu owirika; wichabwaghwa chiaimweri na waka wawo, na wana wawo wa womi na wa waka; angu nichawiwunjira ugho wuwiwi ghwawo aighu kwawo.”

JEREMIA 20:6

Na oho Pashuri chiaimweri na wose wikaiagha nyumbenyi kwako, mchadwalwa wunyika cha Babuloni; kuchaghenda na kufuya aho, kurikilo aho, chiaimweri na waghenyi wako awo kwawilodera tee.’”

JEREMIA 28:12

Kapindi katini, nyuma ya mlodi Hanania kuchikanya ghongolo kufuma singonyi kwa mlodi Jeremia, BWANA ukaghora na Jeremia:

JEREMIA 28:16

Kwa huwo BWANA waghamba huwu, ‘Ola nichakuinja kufuma ndoenyi. Kuchafwa ughu mwaka ghoni, kwa kukaia kwaghora malagho ghemlegha BWANA.’”

JEREMIA 29:21

“BWANA wa majeshi, uo Mlungu wa Israeli waghamba huwu aighu ya Ahabu mwana wa Kolaia na Zedekia mwana wa Maaseia, awo wawuyamfunyira wulodi ghwa tee kwa irina jake: ‘Ola nichawingira mikonunyi kwa Nebukadnezari, mzuri wa Babuloni, nao uchawibwagha imbiri konyu.

JEREMIA 29:25

BWANA wa majeshi, uo Mlungu wa Israeli waghora huwu, “Kwaghenjere barua kwa irina jako kwa wandu wose wikaiagha Jerusalemu, na kwa mkohani Zefania mwana wa Maaseia, na kwa wakohani wose, kukighamba wei

KILILO CHA JEREMIA 5:11

Waka wedu wadidikilo aighu ya Mghondi ghwa Sioni ghoni; wai wedu wadidikilo andenyi ya mizi ya Juda.

EZEKIELI 4:13

Nao BWANA ukaghamba, “Wandu wa Israeli wichaja mkate ghwawo ghuseelie huwo, aghadi ya wandu wa iro mbari nichaawighenja.”

HOSEA 9:3

Wandu wa Israeli ndewichaakaia isangenyi ja BWANA, ela wichawuya cha Misri na kuja vindo viseelie aho Ashuru.

AMOSI 6:7

Kwa huwo mchakaia wa imbiri kudwalwa wunyika; karamu na maseko ghenyu ghichasia.

AMOSI 7:11

Amosi waawuyaghora, ‘Jeroboamu uchabwaghwa wudenyi, na wandu wa Israeli wichadwalwa wunyika kula na isanga jawo.’”

AMOSI 8:1

Bwana MLUNGU ukaniwonyera mawono ghamu: ngawona andenyi yaro kikapu cha matunda ghiwurue.

AMOSI 9:1

Neremmbonieghe BWANA wakaia kimusi mbai na mbai ya madhabahu ukighamba, “Kaba koighu nguronyi ra Hekalu hata vizingiti visughusikie; kuvichikanye-chikanye aighu ya chongo cha kula mundu; mndungi ukasigharika, nicham'bwagha wudenyi. Ndekuwadie ungi uchaakimbia angu kufufunuka.

AMOSI 9:8

Olenyi ini Bwana MLUNGU naawuyazighanira wandu wa ughu wuzuri ghwa Israeli ghubonyagha kaung'a, nani nichawitotesha wifume ndoenyi; elaima sichaawitotesha wandu wa kivalwa cha Jakobo putu anduangi.

MIKA 1:16

Inyo wandu wa Juda, arenyi vongo venyu muwililie wana wenyu muwikunde; arenyi vongo venyu mkangaluke sa indu, kwa kukaia wana wenyu wichadwalwa wunyika kufuma konyu.

ZEKARIA 14:2

BWANA uchareda mbari zima rose chiaimweri riwade Jerusalemu. Muzi ghuchawadwa, nyumba richabarwa, na waka wichadidikwa. Nusu ya wandu wichabarishwa, ela awa wichaasigharika ndewichaainjwa mzinyi anduangi.