AMOSI 6:4 - Biblia Ilagho Jiboie Kwa Wandu Wose

⁴ Ni bugha konyu inyo mkuhoreshagha aighu ya mawuli gha mbembe ra chovu, na kukughorua aighu ya makochi, mkija nyama ra ng'ondi kufuma chaghenyi, na nyama ra ngache kufuma boronyi;

AMOSI 6:4 ပူးပေါင်းရင်းမြစ်များ

KUZOYA 37:25

Hata iji wereserieghe kidombo kuja vindo, wikawona longo lwa Waishmaeli wikisea kufuma Gileadi na ngamila rawo, raduka marumba na manemane wikighenda cha Misri.

ESTA 1:6

Korekoghe na wurigha ghupambilo kwa vitambaa va buluu na va chokwa sa pamba, na kamba raro ra zambarau rerebonyeroghe kwa kitani ndicha, naro rikafungwa kwa koleo ra feza rikabirilo nguronyi ra magho ghiboie. Makochi gha dhahabu na gha feza gherewikiloghe barazenyi iko na sakafu ya magho ghiboie gha rangi zima-zima gha zoghori mbaa.

ZABURI 73:7

Wabandie hata wikafumwa ni meso; ngolo rawo reechulwa ni wukelu.

ISAYA 22:13

Ela wulalo ghwaro morekoghe na iseko na kuboilwa, mkibwagha njau na ng'ondi na kuja nyama na kunywa divei mkighamba, “Ndedije na kunywa angu kesho diafwa.”

ISAYA 28:1

Ni bugha kwa wuzuri ghukukasire ghwa Israeli! Wubaa ghwaro ghwaawuyaida sa kirumbu cha mboi chiko vongonyi kwa vilongozi viwongiagha. Wakukasa kwa kukushinga marumba vongonyi kwawo, ela waawuyabwaghwa ni chofi.

JEREMIA 16:8

“Kusengie nyumba andu karamu iko kukanya na wandu, kukija na kunywa andwamweri nawo.

EZEKIELI 16:49

Ola ughu nigho wuwiwi ghorebonyeroghe ni mwanyinyu wa waka Sodoma chiaimweri na mizi yake: werekukasireghe wikakaia na lwafuo lwa vindo wikija na kunywa na kuhoresha; hata ndeweretalieghe wakiwa, na awo weresowieghe.

EZEKIELI 23:41

Wikasea kidombo aighu ya makochi gha ishima, na kuwika meza ipambilo imbiri kwawo, na kuwikiria marumba ghapo, na mavuda ghapo.

AMOSI 3:12

BWANA waghamba huwu, “Sa iji koni mlisha upatagha maghu awi angu kudu kwa ng'ondi kufuma momunyi kwa shimba, huwo koni wandu watinieri tu wa Israeli wikaiagha Samaria, awo wiseagha kidombo aighu ya makochi ghawo wichavuvulwa.

AMOSI 8:3

Ituku jija chumbo ra ngomenyi richawuya kililo; gharia ra wandu richakaia nyingi, naro richadeghwa cha shighadi kima kula andu.”

MIKA 6:12

Wazuri wako wa mali waawuyasoka wakiwa na inyo mmbose mooka watee.

LUKA 16:19

“Korekoghe na mndumu mzuri urwae nguwo ra zambarau na kitani iboie, ukija manori na maseko matuku ghose.

JAKOBO 5:5

Mwaawuyakaia ndoenyi mkibonya maseko na kuboilwa; mwarilisha ngolo renyu kwa wundu ghwa ituku ja kubwaghwa.