AMOSI 5:17 - Biblia Ilagho Jiboie Kwa Wandu Wose

¹⁷ wandu wichakaia wikilila andenyi ya mbuwa rose ra mizabibu, kwa kukaia nichaida aghadi konyu ngimkaba;” waghamba BWANA.

AMOSI 5:17 ပူးပေါင်းရင်းမြစ်များ

KUFUMA 11:4

Niko Musa ukaghamba, “BWANA waghamba huwu, ‘Sa kio ghadi nichaida aghadi ya Misri,

KUFUMA 12:12

Angu nichaida aghadi ya isanga ja Misri kio icho, na kuwibwagha wavalwa wa imbiri wose wa isanga ja Misri; mdamu na nyamandu wori; nichaitanya milungu yose ya Misri, Ini ne BWANA.

KUFUMA 12:23

Angu BWANA uchaida ukiwibwagha Wamisri; na iji wawona bagha kizingitinyi cha ighu na vizingitinyi viwi va mnyango, uchaghuida ugho mnyango, nao ndechaamsigha uo mtoteshi ungie andenyi ya nyumba renyu kum'bwagha anduangi.

ISAYA 16:10

Ndekuwadie mndungi uko na kuja kuboilwa andenyi ya mbuwa redu rinorie, hata mndungi ndewuebora andenyi ya mbuwa ra mizabibu kwa kukaba lukilighili. Mndungi ndewuekama zabibu, kuboilwa kose koomerelwa.

JEREMIA 48:33

Maseko na maboilo ghamerie kuinjwa noko, kufuma kwa isanga ja mavalo ja Moabu, nabonyere divei ikasoweka kukamwa vidunyi, ndekuwadie mndungi wawuyakama zabibu kwa kuboilwa, chwaka rawuyasikirika si ra maboilo anduangi.

JOELI 3:17

“Niko oho ee Israeli, kuchaamanya kukaia ini ne Mlungu wako; nadakaia aighu Sioni, ugho mghondi ghwapo ghwa wueli. Jerusalemu ichakaia muzi ghwapo ghwa wueli, na waghenyi ndewichaaghusima sena anduangi.

NAHUMU 1:12

BWANA wawizera wandu wake Israeli huwu, “Hata ngera Waashuru weko wengi, wiwadie ndighi, wichatoteshwa na kusoweka. Nerekubonyereghe kukakorongeka, ela sichaakubonya huwo sena.

NAHUMU 1:15

Wona mdumwa waawuyacha aighu mghondinyi na malagho mecha; waawuyachaghora malagho gha wusimi! Bonyenyi karamu ee wandu wa Juda, mumneke Mlungu ivo moremlaghirieghe; mmbiwi ndechaakaba isanga jako sena, oosimwa putu.

ZEKARIA 9:8

Nichajilindia isanga japo, na kulegha ijeshi jingi jiseide aghadi yaro. Sichaasigha mkorongi ungi uwikoronge wandu wapo kwa kukaia namerie kuwona seji wandu wapo wikorongelo.”