AMOSI 5:16 - Biblia Ilagho Jiboie Kwa Wandu Wose

¹⁶ Kwa huwo BWANA, uo Mlungu Uwadie-Ndighi-Rose waghamba huwu: “Kuchakaia na kililo achienyi mbaa, na andu kose chienyi wandu wichakaia wikighamba, Weei ngai, Weei ngai! Wichawiwanga walimi wiche ifonyi; na kuwilipa awo wiko mafundi ghelila wichelila;

AMOSI 5:16 ပူးပေါင်းရင်းမြစ်များ

2 MALAGHO GHA NGELO 35:25

Mlodi Jeremia wori ukadunga kililo chemlilia Josia. Wabori wose wa womi na wa waka wadatumia agho malagho ghemlilia Josia kililonyi kwawo hata linu. Wikaghibonya ghikaie mafundisho andenyi ya Israeli; nagho ghaandikilo andenyi ya Kililo.

ISAYA 15:8

Kililo chaawuyasikirika kula andu isangenyi ja Moabu, na wandu wa Eglaimu na Beer-elimu wiadikwa ni mbori.

ISAYA 22:12

Ngelo iyo, Bwana MLUNGU wa majeshi orekoghe ukimmbanga mpate kulila na kukema, na kuara vongo venyu kwa wasi, mkirwa nguwo ra magunia.

JEREMIA 30:5

“Dasikira lwaka lwa wowa na loobosha luseko lwa sere.

JEREMIA 4:31

Kwa kukaia namerie kusikira kililo, sa cha muka ukumbagha lufu; luwawo sa lwa muka uvagha mwana wake wa imbiri; Ni lwaka lwa Jerusalemu, ukumbagha miruke na kukumba mikonu yake nokoighu ukighamba, “Ni bugha kwapo, naawuyadumbuka imbiri ya wabwaghi.”

JEREMIA 9:10

Ngaghamba, “Nichaililia mighondi kwa kudikwa ni mbori, na kwa wundu ghwa malisho gha kireti nichalila; kwa kukaia ghamerie kunoneka mndungi usedimagha kuida aho; hata ng'ombe nderiwuesikirika rikidoka, nyonyi ra mbeonyi na nyamandu wori rose rameria kughenda.”

JEREMIA 9:16

Nichawisasara aghadi ya mbari ra wandu wiseriichi, hata weke ndee wisererimanyireghe; nani nichawidumia majeshi hata wameria kutoteshwa.”

HOSEA 4:3

Kwa wundu ugho isanga jaoma, na wandu wose wiko andenyi yaro wichatota; nyamandu na nyonyi na samaki richafwa.”

JOELI 1:11

Fonyi waya inyo walimi, kemenyi inyo mlimagha mbuwa ra mizabibu; kwa kukaia ngano na shairi, na miwalwa yose yameria kunonwa.

JOELI 1:14

Ereshenyi kufunga tumu, mmbange ikwanyiko; Kwanyenyi vilongozi na wandu wose wa Juda, wiche Hekalunyi kwa BWANA Mlungu onyu, mumkemie uo.

JOELI 1:15

Ituku ja BWANA jameria kuvika! Ituku BWANA wawuyareda kunoneka. Uo-Uwadie-Ndighi-Rose uchareda kunoneka koobosha ituku ijo.

JOELI 1:8

Inyo wandu, lilenyi sa mwai umliliagha mchumba wake wafwa.

AMOSI 3:13

Idana sikirenyi mpate kuwighoria wandu wa kivalwa cha Jakobo,” waghamba Bwana MLUNGU, uo Mlungu Uwadie-Ndighi-Rose.

AMOSI 5:27

ingelo nichamfunya mdwalo wunyika cha isanga jiko kimonu cha Dameshki;” waghamba BWANA uo uwangwagha Mlungu Uwadie-Ndighi-Rose.

AMOSI 8:10

Nicharighalua ndima renyu riwue kililo chefuilwa, na chumbo renyu riwue ra wasi; nicham'bonya muro nguwo ra magunia, na kuara vongo venyu. Ituku ijo nichajibonya jikaie sa ifwa jelilia mwana wa womi wa ititi, na kutua kwa ituku jaro kuchakaia kwa wasi m'baa.

AMOSI 8:3

Ituku jija chumbo ra ngomenyi richawuya kililo; gharia ra wandu richakaia nyingi, naro richadeghwa cha shighadi kima kula andu.”

MIKA 1:8

Niko Mika ukaghamba, “Kwa wundu ghwa ilagho iji nichalila na kukema mchungu; nichaghenda na maghu maduu niko mtughuta; nichakema sa kikwau, na kulila sa nyagha, kuwonyera wasi ghwapo.

MIKA 2:4

Ngelo iyo ikavika, wandu wichatumia lughano lukaie mfwano ghwa wasi, nawo wichabora lumbo ulu lofwa ngolo kwa agho mughiwonie wikighamba, ‘Dameria kunonwa putu, BWANA wamerie kuwusa isanga jedu, na kujineka wandu wididwae wunyika.’”

WUFUNUO 18:10

nawo wichakaia kimusi kokula, wikiobua agho matiriro ghake na kughamba, “Weei! wee ngai muzi m'baa! Oho muzi m'baa Babuloni! Kutanywa kwako kwaacha kwa saa imweri woruwu.”

WUFUNUO 18:19

Hata iji werekoghe wikilila na kukema mchungu, wikakudunga teri vongonyi kwawo wikighamba, “Weei! Wee ngai Babuloni ghuja muzi m'baa! Andu wandu wose werekoghe na meli baharinyi, wereshamieghe kwa mali rake! Na kwa saa imweri ghwameria kusia putu!