AMOSI 5:14 - Biblia Ilagho Jiboie Kwa Wandu Wose

¹⁴ Lolenyi kubonya mecha, msighe mawiwi; mpate kukaia moyo; niko huwo BWANA, uo Mlungu Uwadie-Ndighi-Rose, uchaakaia chiaimweri nenyo, sa iji koni mlalaaghamba oko aeni.

AMOSI 5:14 ပူးပေါင်းရင်းမြစ်များ

KUZOYA 39:23

Uja m'baa wa kifungonyi ndereisumbukieghe kazi ingi iyo yose erekoghe mikonunyi kwa Josefu, angu BWANA moni orekoghe andwamweri na Josefu, na icho chose orechibonyereghe, BWANA ukachirasimia.

1 MALAGHO GHA NGELO 28:20

Niko Daudi ukamzera mwana wake Solomoni, “Kaia na ndighi na ngolo mbaa, kuibonye iyo kazi. Kusakeobua, hata kusekaie na kiture chingi, angu BWANA Mlungu, Uo Mlungu wapo oko andwamweri na oho. Ndechaalemwa angu kukusigha hata kazi yose ya wudumiki ghwa Hekalu yasia.

2 MALAGHO GHA NGELO 15:2

ukafuma kummara Asa, ukamzera, “Nisikire Asa, na wandu wose wa Juda na wa Benjamini: BWANA okwanye nenyo ingelo mkwanye nao. Mkamlola, mchammbona; ela mkamsigha, nao moni uchamsigha.

ZABURI 46:11

BWANA wa majeshi okwanye nesi, Mlungu wa Jakobo nuo andu kodu kokimbiria.

ZABURI 97:10

Awo wimkundagha BWANA, wizamilo ni kiwiwi; wadawilindia waeli wake, na kuwikira na wawiwi.

KUFUMA 3:12

Mlungu ukamtumbulia, “Ini nichakanya andwamweri na oho; na oho kukameria kuwifunya wandu wapo Misri, kuchamtasa Mlungu aighu ya mghondi ughu. Na ugho ghuchakaia ni wuloli kukaia ni ini nakuduma.”

MAKATANISHO 11:27

Uo ulolagha wucha kwa kufunga ndighi, wadapata; uo ulolagha kiwiwi, uchachiwona.

ISAYA 55:2

Kwaki mtumiagha pesa renyu kwa kilambo chiseko vindo; na kudumika kwa icho chiseghudishagha? Nisikirenyi nicha mpate kuja mecha, na kuboilwa andenyi ya agho manori.

ISAYA 8:10

Bonyenyi njama renyu, ela nderichaafwana anduangi. Ghorenyi agho ghose mkunde, ela ndeghichaakatia anduangi; kwa kukaia Mlungu oko andwamweri nesi.

AMOSI 3:3

“Welee, wandu wawi wadima kughenda chiaimweri ngera wisepatane?

AMOSI 5:6

Mghendienyi BWANA mpate kukaia moyo, usechemseria sa modo andenyi ya wandu wa Israeli. Modo ghuchawikora wandu wa Betheli, hata usepatike mndungi oghurimisha.

MIKA 3:11

Wabaa wa muzi wiatanya kwa kuhongwa; wakohani waro wiafundisha sharia kwa malipo; walodi waro wiafunya mawono wipate pesa; na ichia wiaghamba wei BWANA oko chiaimweri nawo wikighamba, “Ndediwonagha ilagho jingi, BWANA oko andwamweri nesi.”

MIKA 6:8

Hata! BWANA wadimanyishire ijo jiko icha. Ijo BWANA ujikundagha kodu ni iji: Kubonya ijo jiko ja hachi, kukaia na lukundo lukatie, kukusera na kukaia na wungara na Mlungu odu.

ZEFANIA 2:3

Mghalukienyi BWANA inyo mmbose wandu wa isanga mkuserie, inyo m'bonyagha agho umlaghiragha. Bonyenyi ijo jiko ja hachi, mkusere mmbeni; kewada mwadima kufuilwa wughoma ijo ituku ja lubio lwa BWANA.

MITALO 16:3

Wikawikwanyikia Musa na Haruni, wikamzera, “Inyo mwaazidi! Kwa kukaia izungu jose ja wandu jaelie, na BWANA oko aghadi kwawo; idana mukujoseraki huwu aighu ya ikwanyiko ja BWANA?”

MATHAYO 1:23

“Ola mwai uchakaia na kifu nao uchava mwana wa womi, nao uchawangwa Immanueli” (kutambua kwaro ni, “Mlungu andwamweri nesi”).

MATHAYO 28:20

mkiwifundisha kughiwadia agho ghose neremlaghirieghe. Nani olenyi neko andwamweri nenyo hata kukatia kwa ngelo.”

MATHAYO 6:33

Wulalo ghwa agho, lolenyi kande wuzuri ghwa Mlungu na hachi yake, na vilambo vose mchanekwa.

2 TIMOTHEO 4:22

Bwana ndekaie na roho yako. Mvono ndeghukaie nenyo.

JOSHUA 1:9

Nechi nakulaghira too. Kukaie na ndighi sena kukaie ing'oni; kusakeobua hata kufwa ngolo, angu Ini BWANA Mlungu wako, nichakaianya na oho andu kose kuchaaghenda.”