AMOSI 5:12 - Biblia Ilagho Jiboie Kwa Wandu Wose

¹² Naichi makosa ghenyu mengi, na kaung'a renyu seji riko mbaa. Mwadawitirira wandu wecha, na kuhongwa; mwadamtangala mkiwa usepate hachi yake kotinyi.

AMOSI 5:12 ပူးပေါင်းရင်းမြစ်များ

AYUBU 20:19

Kwa kukaia wawikorongie wakiwa kwa kuleghawitala; ukawusa nyumba usereriaghieghe.

AYUBU 31:21

Ikakaia nimkitire mwana mkiwa ngimanya nadima kumsima kotinyi,

ZABURI 127:5

Warasimilwa mundu ukakaia na wana wengi. Ukaghenda kutanyonyi kudedanya na wamaiza wake, ndedimagha kusimwa.

KUFUMA 23:3

hata kusakemdawiria mkiwa kwa malagho ghwa mwandu ghwake.

KUFUMA 23:6

“Kuselaghashe hachi ya mkiwa iji wacha kotinyi.

MAKATANISHO 17:8

Kuhonga kooka sa wusawi ghwa uo wawuyafunya; andu kose uidiagha maza rake riakaia nicha.

MAKATANISHO 22:22

Kusakemsoka mkiwa angu wei ni mkiwa; kusakemkoronga mundu usowagha kotinyi.

ISAYA 1:23

Wabaa waro wawuya waleghi, wakaia wangara wa vitoi. Kula umu onyu ookunda kuhongwa, na kuwusa manosi; ndewidederiagha wana wakiwa, hata ndewimtanyiagha hachi muka mkiwa anduangi.

ISAYA 10:2

Eri mumsoke mkiwa hachi yake, na kuiwia wandu wapo hachi rawo. Mwawisoka waka wakiwa na wana wisene weke ndee hachi rawo.

ISAYA 29:21

Mlungu uchawitotesha awo wandu wiwighushagha wambao kwa kuwizighiria, awo wiwideghiagha shaghala wandu wikemiagha wuwiwi; uchawitotesha awo wandu wiwilaghashagha wandu wa loli na malagho maduu.

ISAYA 33:15

Ni uja ubonyagha hachi, na kudeda agho ghiko gha loli; umenyagha mapato ghiseko gha hachi, na kughiria mikonu yake isewade matuwo; uo ughiriagha madu ghake ghisesikire njama rebwagha, na kuleghazighana wuwiwi.

ISAYA 47:9

Kuchachelwa ni malagho awi shwa wori kwa ituku jimweri; kuchasowekelwa ni wana chiaimweri na mumi wako kwa kipimo chikate, hata ngera koko na wusawi m'baa, na ndighi mbaa ra wughanga ghwako.

ISAYA 5:23

awo wimlekeriagha mmbiwi angu wawituwa, na kumuima mloli hachi yake.

ISAYA 66:18

Kwa kukaia nariichi kazi rawo na maghesho ghawo, nani nichacha kurikwanya mbari rose ra wandu wa viteto vizima vizima, nawo wichacha na kughuwona wubaa ghwapo;

JEREMIA 29:23

kwa kukaia wabonyere wukelu andenyi ya Israeli, wikalaka na waka wa wambao, sena ii chia wiaghora tee wikiloda kwa irina japo nisewidumie. Ni ini niichi malagho agho sena neko mshahidi, Ini BWANA naghamba.’”

KILILO CHA JEREMIA 3:34

BWANA waichi ingelo roho redu ratirirwa kifungonyi;

EZEKIELI 13:22

Kwa kukaia mwam'bwaghie ngolo mhachi kwa tee renyu, ini nisem'bwaghie ngolo; na kumkumba ngolo mmbiwi useghaluke na kughusigha wuwiwi ghwake ukire irangi jake.

HOSEA 5:3

Namwichi Israeli loli-loli, ndevisikie kwapo anduangi. Wasowie kukaia na wuloli kwapo, na wandu wake ndewifwanagha kunitasa.”

AMOSI 2:16

Na hata asikari umango ni ngolo aghadi ya mang'oni, uchadagha maswagha ghake na kukimbia ituku ijo.” Waghamba Bwana.

AMOSI 2:3

Nicham'bwagha m'bonyi nguma wa Moabu na wabaa wa isanga wose.”

AMOSI 5:10

Inyo mwadazamilwa ni mundu ukemiagha wuwiwi, na kughora loli kotinyi.

AMOSI 5:7

Ni bugha konyu inyo muighaluagha hachi iwuye kuwawa, na kuilaghasha loli.

AMOSI 8:4

Sikirenyi agha inyo muwifashagha wandu wisena kindo chingi, na kukunda kuwitotesha wakiwa wa isangenyi.

MIKA 3:11

Wabaa wa muzi wiatanya kwa kuhongwa; wakohani waro wiafundisha sharia kwa malipo; walodi waro wiafunya mawono wipate pesa; na ichia wiaghamba wei BWANA oko chiaimweri nawo wikighamba, “Ndediwonagha ilagho jingi, BWANA oko andwamweri nesi.”

MIKA 7:3

Kula mundu uafunga ndighi kubonya wuwiwi. Wabaa na Watanyi wialola kuhongwa. Mundu wa wuya ghodeda wadawighoria agho ukunde ubonyero, nawo wasea kidombo chiaimweri kupanga malagho ghizamie.

MALAKI 3:5

BWANA Uwadie-Ndighi-Rose waghamba, “Niko aho nichamchea kaavui kumtanya, nani nichakaia wa shwa-shwa kushuhudia aighu ya walaghui, na walaki, na awo wighemagha kwa tee, na awo wikitagha wapakazi na malipo ghawo, na waka wakiwa, na wana wakiwa, na awo wilaghashagha hachi ya mghenyi, wiseniobuagha ini.

MABONYO GHA WADUMI 7:52

Ni mlodi uao weke ndeyo wiseremtiririeghe? Sena wikawibwagha awo werezoeghe kueresha malagho gha kucha kwake Uja Mhachi uo moremfunyireghe na kum'bwagha.

WUKUMBUSO 16:18

“Mmbike watanyi na wabaa andenyi ya mizi yenyu yose mnekwagha ni BWANA Mlungu onyu, kunughana na vichuku venyu, wipate kutanya wandu kwa hachi.

WUKUMBUSO 31:21

Na iji wapatwa ni mawiwi na kusumbuka kungi, ulu lumbo luchakaia lukinishuhudia aighu yawo, (angu luchadua lukiborwa ni wandu wa kivalwa chawo) kwa kukaia namanya seji wikunde kubonya hata imbiri nisewingirie ijo isanga nilaghirie nichawineka.”

JAKOBO 5:4

Olenyi mafungu gha wadumiki wimlimie mbuwa, nenyo mwaghilegherie kwa mikalo, ghaawuyakema; na kililo cha awo wikuwidire, chasikirika kwa Bwana wa majeshi.

JAKOBO 5:6

Mwatanya na kum'bwagha mundu wa hachi, nao ndetangalanagha nenyo anduangi.

RUTHU 4:1

Boazi ukaghenda hata andu kokwania mbengenyi ya muzi, ukasea kidombo aho. Nao uo mundu wa ifwa ja Elimeleki oremghoragha ukacha. Niko Boazi ukaghamba, “Ghaluka iichia mghenyi wapo kusee kidombo aha.” Ukaghaluka, ukasea kidombo.

1 SAMUELI 8:3

Ela wana wake ndewerekoghe wikinugha mfwano ghwa ndee, wikaghaluka wikikunda kushama; wikawusa hongo, na kwa chia iyo wikailaghasha hachi.