AMOSI 5:1 - Biblia Ilagho Jiboie Kwa Wandu Wose

¹ Sikirenyi ulu lumbo lolila inyo wandu wa Israeli:

AMOSI 5:1 ပူးပေါင်းရင်းမြစ်များ

JEREMIA 18:13

BWANA waghamba, “Kotienyi mbari rose ra wandu ngera mndungi wasikire ilagho sa ijo; Wandu wa Israeli wabonyere ilagho jizamie nandighi.

JEREMIA 7:29

“Lilenyi, muare maridia ghenyu, mghikumbe noko ee wandu wa Jerusalemu; kemenyi ngemi aighu mighondinyi, kwa kukaia ini BWANA nawileghie na kuwisigha wandu wiwusiragha machu ghapo.

JEREMIA 9:10

Ngaghamba, “Nichaililia mighondi kwa kudikwa ni mbori, na kwa wundu ghwa malisho gha kireti nichalila; kwa kukaia ghamerie kunoneka mndungi usedimagha kuida aho; hata ng'ombe nderiwuesikirika rikidoka, nyonyi ra mbeonyi na nyamandu wori rose rameria kughenda.”

JEREMIA 9:17

Bwana wa majeshi waghora huwu, “Pimenyi, nao mmbange waka welila wiche, wangenyi awaka wiko na wuya gholila wiche.”

JEREMIA 9:20

Ngaghora, “Idana inyo waka sikirenyi ilagho ja BWANA, madu ghenyu ghisikire ilagho jifumagha momunyi kwake; mfundishe wai wenyu kulila mfundishane mmbeni na mmbeni seji imfwane mlile.

JEREMIA 9:9

Welee, ndeinifwane niwikabe kwa wundu ghwa maza iri? Ndeinifwane nilipie kisasi aighu ya mbari sa ihi?”

EZEKIELI 19:1

Idana oho kuwililie wandu wabaa wa Israeli

EZEKIELI 19:14

Na modo ghukabuka lumbashunyi lwa ugho mzabibu, ghukakora mbashu raro na matunda gharo; hata ndekusigharikie lumbashu lungi lubaa, na mzata ghwa nguma ghukasoweka. Ulu ni lumbo lwa wasi, nalo lwaborelo na kuwurilwa sena na sena.

EZEKIELI 26:17

Nawo wichakulilia wikighamba, ‘Kwasowekie wada oho muzi kukumikie, korekailoghe ni wandu wa baharinyi, oho chiaimweri na wandu wako, koreoboshereghe wandu andu kose isangenyi.

EZEKIELI 27:2

“Idana oho mwana wa mdamu, woka kulilia Tiro,

EZEKIELI 28:12

“Mwana wa mdamu, lilia mzuri wa Tiro kumzere kukaia ini, Bwana MLUNGU naghamba huwu: Korekoghe fwana iboie, kughokie, kuchue hikima.

EZEKIELI 32:16

Ulu nilo lumbo lolila luchaakaia lukiborwa, na wai wa iro mbari ra wandu wichakaia wikilubora aighu ya Misri, na aighu ya wandu wake wose. Ini Bwana MLUNGU naghamba.”

EZEKIELI 32:2

“Mwana wa mdamu, mlilie mzuri wa Misri kumzere naghamba huwu: Kwadakuwona kumoni sa shimba aghadi ya iro mbari ra wandu, ela kooka sa mamba uko baharinyi; kwadaida a medenyi yako na kuvurugha machi kwa maghu ghako na kughilusha.

AMOSI 3:1

Inyo wandu wa Israeli, sikirienyi ijo ilagho BWANA waghora aighu yenyu; aighu ya mbari yose oreijosereghe kufuma isanga ja Misri:

AMOSI 4:1

Sikirenyi agha inyo waka wa Samaria, m'bandie sa ng'ombe ra Bashani rilishwagha aighu ya mighondi ya Samaria; mkorongagha wakiwa, na kuwitirira awo wisowagha na kuwizera womi wenyu, “Redenyi chofi dinyo.”

AMOSI 5:16

Kwa huwo BWANA, uo Mlungu Uwadie-Ndighi-Rose waghamba huwu: “Kuchakaia na kililo achienyi mbaa, na andu kose chienyi wandu wichakaia wikighamba, Weei ngai, Weei ngai! Wichawiwanga walimi wiche ifonyi; na kuwilipa awo wiko mafundi ghelila wichelila;

AMOSI 8:14

Awo wandu wighemagha kwa milimu ya Samaria, wikighamba, ‘Kwa mlungu ghwa Dani’ angu ‘Kwa mlungu ghwa Beer-sheba’ wandu awo wichaghwa hata ndewiichaawuka sena.”

MIKA 2:4

Ngelo iyo ikavika, wandu wichatumia lughano lukaie mfwano ghwa wasi, nawo wichabora lumbo ulu lofwa ngolo kwa agho mughiwonie wikighamba, ‘Dameria kunonwa putu, BWANA wamerie kuwusa isanga jedu, na kujineka wandu wididwae wunyika.’”