AMOSI 4:7 - Biblia Ilagho Jiboie Kwa Wandu Wose

⁷ Nereghirieghe vua isenye ingelo eresighiloghe meri idadu tu ekuwida. Ngakaia nginyesha vua muzi ghumu na kuima muzi ghumu; vua erenyieghe mbuwa imu, na mbuwa imu ndeerenyieghe hata viro vikaoma.

AMOSI 4:7 ပူးပေါင်းရင်းမြစ်များ

KUFUMA 10:22

Musa ukaghorua mkonu ghwake nokoighu, na kira kibaa na ndighi chikangia isanga jose ja Misri kwa matuku adadu.

KUFUMA 10:23

Wamisri ndeweredimieghe kuwonana weni na weni, hata mndungi nderedimieghe kufuma andu uko kwa matuku adadu. Ela kwa Waisraeli wose korekoghe na mwengere.

KUFUMA 8:22

Ela ituku ijo, nichajilindia isanga ja Gosheni, andu wandu wapo wikaiagha, na izi ringi nderichaakaia aho anduangi; kupate kumanya angu Ini ne BWANA ndoenyi.

KUFUMA 9:26

Isanga ja Gosheni jiekeri, andu Waisraeli werekoghe, niko iyo vua ya magho iserekoghe.

KUFUMA 9:4

Ela BWANA uchawonyera mwano aghadi ya mfugho ra Waisraeli na mfugho ra Wamisri. Ndekuchaakaia na nyamandu ingi ya wandu wa Israeli ichaafwa anduangi.’”

ISAYA 5:6

Nichaisigha inoneke putu, mizabibu ndeichaaboiswa hata kulimilwa; nayo ichabukwa ni isaka na minjwa. Nichalaghira mawingu ghisenyeshe vua ingi aighu yake sena.”

JEREMIA 14:22

Eko milungu ingi ya tee ya iro mbari ra wandu idimagha kureda vua? Hata mawingunyi kuekeri ndekudimagha kureda mishushure. Wele si oho kumoni kubonyagha agha ghose, ee BWANA Mlungu odu? Nesi dawika isuwirio jedu kwako.

JEREMIA 14:3

Wandu wa ishima wiaduma wadumiki wawo kulola machi, wivika kisimenyi wikaasowa machi, wikaawuya na mitungi miduu. Wafwa ngolo na kukambwa ni chongo, nawo wawadia idumbu kwa wasi.

JEREMIA 14:4

Ndoe yaomie angu vua isenyee isangenyi; walimi wafwa ngolo, na kuwadia idumbu kwa wasi.

JEREMIA 3:3

Kwa huwo mishushure ya vua yamerie kughirilwa na vua ya kwari kusoweka. Sena kwadazighana sa ilaya, hata ndekune waya.

JOELI 2:23

“Boilonyi inyo wandu wa Sioni, mumzumie BWANA, Mlungu onyu kwa agho um'bonyere. Wamnekie vua ya kwari na ya sumesu, wanyeshere vua sa iji koni orekoghe ukibonya imbiri.

ZEKARIA 14:17

Mbari ya wandu wangi ikalegha kujokamtasa BWANA Uwadie-Ndighi-Rose sa mzuri, ichasowekelwa ni vua isangenyi kwake.

JOHANE 4:35

Inyo mwaghambagha, ‘Yaasighwa meri ina mvono ghuche.’ Ela ini namzera, zighanenyi mbuwa seji viro vakaia tayari kukuwidwa.

1 WAKORINTHO 4:7

Kwani-lee, nani ukubonyere kuwoneke wuzima? Anguu, niki kuko nacho icho kuserenekeloghe? Da ikakaia kodenekwa-lee, kukukasiraki sena seji ndekorenekeloghe?

WUKUMBUSO 11:17

machu gha BWANA ghicheaka aighu konyu, na kufunga vua isenye, hata ndoe isowe mavalo; nenyo mtote shwa-shwa na kusoweka andenyi ya isanga icha ijo BWANA umnekagha.

JAKOBO 5:17

Elija orekoghe mdamu sa isi diweni, nao ukalomba kwa kufunga ndighi vua isenye, na vua ndeerenyieghe ndoenyi kwa miaka idadu na meri irandadu.

WUFUNUO 11:6

Weko na nguma efunga mawingu, vua ingi isenye ngelo ya kuchila kwawo; sena weko na nguma reghalusa machi ghiwuye bagha, na kuikaba ndoe kwa kula ikabo shwa kwa shwa seji wikundagha weni.