AMOSI 4:5 - Biblia Ilagho Jiboie Kwa Wandu Wose

⁵ Funyenyi vizongona va chawucha va mkate ghwa chachu, mtangaze mafunyo ghifunywagha kwa ngolo, na kughighoragha; angu niko mkundagha inyo wandu wa Israeli!

AMOSI 4:5 ပူးပေါင်းရင်းမြစ်များ

ZABURI 81:12

Kwa huwo nerewisighieghe wikaie wighilikie, na kubonya seji wikunde.

ISAYA 1:1

Mawono gha Isaya mwana wa Amozi, oreghiwonieghe kwa wundu ghwa Juda na Jerusalemu; matuku gha Uzia, Jothamu, Ahazi, na Hezekia wazuri wa Juda.

ISAYA 1:11

BWANA waghamba, “Uko kunifunyira vizongona vingi ni kilamboki kwapo? Nakojere vizongona vekora va bauru; na mavuda gha nyamandu ribandie. Siboilwagha ni bagha ra njau, angu wana wa ng'ondi na fwandi.

JEREMIA 7:10

nao sena muche na kukaia kimusi imbiri kwapo andenyi ya nyumba ihi iwangilo kwa irina japo mkighamba, ‘Dakirilo!’ Sena ii chia muabonya agho mawiwi ghose?

JEREMIA 7:9

Kwani mwadima kuiwa, na kubwagha, na kulaka, na kughema kwa tee, na kufukiria Baali marumba, na kutasa milungu mizima msereimanyireghe,

HOSEA 9:1

Wandu wa Israeli, msebonye ndima mkiboilwa sa wandu wa iro mbari. Inyo mwaghalukie mkamsigha Mlungu onyu, hata ndemkaie waloli kwake anduangi. Mwakuuzire isangenyi kose mkawuya malaya kwa mlimu Baali, mkaboilwa ni viro moregheshereghe ni malipo ghenyu.

HOSEA 9:10

BWANA waghamba, “Iji nerezoyagha kummbona Israeli, odeeka sa kuwona zabibu rikizoghua kireti. Iji nerewiwonagha weke ndeyo, edeeka sa kuwona matunda gha imbiri gha tini riwurue kwa kimu charo. Ela iji werechieghe Mghondi ghwa Peori, wikazoya kutasa Baali; wikazoya kufwanana na iyo milungu wereikundieghe.

WALAWI 23:17

Kula nyumba ichafunya mikate iwi, ipate kusughuswa. Kula mkate ghubonyo kwa kipimo cha mufu ghwa kilo iwi ghuko na chachu; nagho ghuchafunywa kwa BWANA ghukaie ifunyo ja mavalo gha imbiri gha viro vikuwidiro.

AMOSI 5:21

BWANA waghamba, “Nadazamilwa ni ndima renyu ra dini, sidimagha kurirumaghia.

AMOSI 5:22

Hata ngera mwanifunyira vizongona venyu vekora na vizongona va viro, sichaavirumiria anduangi; sichaavirumiria vizongona venyu va nyamandu ribandie anduangi.

MATHAYO 15:9

Kunitasa kwawo ni kwa duu angu wadafundisha memu yawo cheni, seji ni memu ya Mlungu.’”

MATHAYO 23:23

“Ni bugha konyu inyo walimu wa Sharia na Mafarisayo, waji-kuwi! Angu mwafunya ifungu ja ikumi hata kwa mbogha ra malemba ghinukie nicha, na bizari, ela mwasigha agho malagho ghiko gha suti gha Sharia na hachi, na wughoma, na irumirio. Kumangu agha mwaghibonyere, chiaimweri na ghaja mazima wori.

MATHAYO 6:2

Idana iji kwakafunya makuwio ghangi, kusakekuwonyera kumoni seji awo waji-kuwi wibonyagha sunagoginyi rawo, na chienyi; wikikunda kukaswa ni wandu. Namghoria loli, wameria kupata mafungu ghawo.

WAROMA 1:28

Na kwa kukaia wereleghieghe kumtala Mlungu, Mlungu nao orewisighanyeghe na akili ra kisha na maza risefwane.