AMOSI 4:4 - Biblia Ilagho Jiboie Kwa Wandu Wose

⁴ BWANA Uwadie-Ndighi-Rose waghamba, “Ghendenyi Betheli, m'bonye makosa; mghende Gilgali mchurie kubonya makosa; redenyi vizongona venyu kula nakesho, na ifungu jenyu ja ikumi nyuma ya kula ituku ja kadadu.

AMOSI 4:4 ပူးပေါင်းရင်းမြစ်များ

MCHILI 11:9

Mundu wa irika, boilwa ngelo kuko mdawana. Bonya ijo jose ngolo yako ikunde kujibonye. Ela kumbuka kukaia Mlungu uchakutanya kwa ghose kubonyere.

EZEKIELI 20:39

“Na inyo ee wandu wa Israeli, ini Bwana MLUNGU naghamba huwu: Ngera msekunde kunisikira, kula umu onyu ndeghende kudumikia milimu yake kufuma idana, hata konyuma wori; ela irina japo ijo ndemchaajilusha sena kwa kufunyira milimu yenyu manosi.

HOSEA 12:11

Sena milimu yaawuyataswa aho Gileadi, na awo wiitasagha wichafwa. Njau raawuyabwaghwa rikaie vizongona aho Gilgali, na madhabahu rawo wori richanoneka putu.”

HOSEA 4:15

“Hata ngera inyo wandu wa Israeli mwasowa wuloli kwapo, Juda usebonye kaung'a sa inyo. Msebonye wutasi aho Gilgali, hata Beth-aveni; sena msebonye ilaghiro mkighamba, ‘Naghema kwa BWANA uko moyo.’

HOSEA 9:15

BWANA waghamba, “Wuwiwi ghwawo ghose ghoozoia Gilgali; aho niko werezoeghe kunizamia. Nichawifunya isangenyi japo, kwa wundu ghwa wuwiwi ghwa mabonyo ghawo. Sichaawikunda sena, kwa kukaia wabaa wawo wanileghie.

AMOSI 3:14

“Ituku niwikabagha wandu wa Israeli kwa wundu ghwa kaung'a rawo, nicharitotesha madhabahu ra Betheli. Nicharichikanya mbembe rose ra madhabahu hata andoenyi.

AMOSI 5:5

Msenilole Betheli; mseghende Gilgali hata mseghende Beer-sheba kutasa; kwa kukaia loli wandu wa Gilgali wichadwalwa wunyika, na Betheli ichasighwa nduu.”

MATHAYO 23:32

Idana imerienyi iyo kazi isighilo ni weke wawayo!

MATHAYO 26:45

Niko ukawichea waja wanughi ukawizera, “Mduagha mkilala na kukuhoresha? Olenyi ngelo yameria kuvika, na Mwana wa Mdamu uafunywa kwa wandu wa kaung'a.

MARKO 14:41

Uendawichea indo ja kadadu, ukawizera, “Welee, mduagha mkilala na kukuhoresha? Yakata! Ija saa yameria kuvika! Olenyi Mwana wa Mdamu wafunywa mikonunyi kwa wandu wa kaung'a.

MARKO 5:5

Na matuku ghose, kio na dime, orekoghe makaburinyi na chughongonyi ukikema mchungu na kukudema-dema moni na shangado.

WUKUMBUSO 26:12

“Mwaka ghwa kadadu, nagho nigho mwaka gholipa ifungu ja ikumi, kukameria kulipa ifungu jako jose ja mavalo ghako kwa Mlawi na mghenyi omara-mara, na mwana mkiwa, na mka mkiwa, eri wipate kuja na kughuda andenyi ya mizi yenyu,