AMOSI 4:13 - Biblia Ilagho Jiboie Kwa Wandu Wose

¹³ BWANA nuo orebonyereghe mighondi. Nuo ubonyere mbeo iweteghe, na kumghoria mdamu maghesho ghake; nuo ughalusagha dime iwuye kio. Wadasela aighu ya mighondi ya ndoenyi. Irina jake ni BWANA, uo Mlungu Uwadie-Ndighi-Rose.

AMOSI 4:13 ပူးပေါင်းရင်းမြစ်များ

AYUBU 9:7

Wadalaghira iruwa jisebuke, na kughiria nyerinyeri risefunye miengere.

ZABURI 135:7

Wadajosa mawingu kufuma kutua kwa ndoenyi; wadabonya luhehia lukabe andenyi ya vua, na kureda mbeo kufuma nganyenyi kwake.

ZABURI 139:2

Oho kwaichi maza rose nibonyagha; kwaghimanya maghesho ghapo ghose.

ZABURI 147:18

Wadafunya momu nao magho ghiasagha; wadawetesha mbeo, nao machi ghiasea.

ZABURI 65:6

Oho kwaimangishire mighondi kwa ndighi rako, kukifunga na wudimi sa mshipi. Kwaiwikie mighondi kwa ndighi rako.

KUFUMA 10:22

Musa ukaghorua mkonu ghwake nokoighu, na kira kibaa na ndighi chikangia isanga jose ja Misri kwa matuku adadu.

KUFUMA 14:20

na aho ikakaia ghadi na ghadi ya majeshi gha Misri na majeshi gha Israeli. Korekoghe iwingu na kira, nakio chee mndungi wawo nderedimieghe kumvikia mmbao anduangi.

ISAYA 40:12

Mndungi wadima kupima machi na ngonde ya lui lwake? Angu kupima mawingu kwa mkonu ghwake? Nani udimagha kudungiria ndoe ra wurumwengu andenyi ya kikombe, angu kupima wulemeri ghwa mighondi mibaa na mitini?

ISAYA 45:7

Ni ini nibonyagha mwengere, sena ni ini niumbagha kira; ni ini niredagha marasimio na bugha; Ini ne BWANA uo ubonyagha maza rose.

ISAYA 47:4

Irina ja Mkomboli odu ni BWANA wa majeshi, Mlungu, Mweli wa Israeli.

ISAYA 48:2

Mwadakuwanga mmbeni wana wa muzi ghwa wueli, na kukusaghika kwa uo Mlungu wa Israeli; uo irina jake ni BWANA wa majeshi.

ISAYA 5:30

Wicharuma ituku jija sa kuruma kwa bahari, na uo uchaazighana uchawona kira na wasi; mwengere ghwaro ghwafinikirwa ni mawingu gharo.

JEREMIA 10:13

Ukakaba lukuwa, machi gha mlungunyi ghadaruruma, wadabonya mawingu ghijoke kufuma ndoenyi. Wadareda luhehia na vua, na kuweta kwa mbeo kufuma andu kwaro.

JEREMIA 10:16

Mlungu, wa Jakobo, ndedimagha kufwanananishwa naro, kwa kukaia nuo moni uumbie ivo vilambo vose, na Israeli ni mbari ya ifwa jake; irina jake ni BWANA wa majeshi.

JEREMIA 13:16

Mnekenyi BWANA Mlungu onyu wubaa, imbiri useredie kira, imbiri maghu ghenyu ghisekuwie, aighu ya mighondi ya kira cha ndoe kuelenyi; ngelo msuwiriagha mwengere, uo waghughalua ghuwuye kira, ee, kira cha ndindi.

JEREMIA 46:18

“Mzuri, uo uwangwaghwa BWANA wa majeshi waghema, Sa iji koni nikaiagha moyo, waghamba Mzuri, mndumu uchacha sa Mghondi ghwa Tabori aghadi ya mighondi, na sa Mghondi ghwa Karmeli ghuko mbai na mbai ya bahari.

JEREMIA 51:16

Ukadeda, lwaka lwake luaghonesha machi mlungunyi, na kubonya ikungughu jijoke kufuma kutua kwa ndoenyi; wadabonya luhehia luwoneke andenyi ya vua, na kureda mbeo kufuma andu uiwikagha.

JEREMIA 51:19

Mlungu wa Jakobo ndeko sa iyo anduangi, angu uo nuo ubonyere vilambo vose; mbari ya Israeli niyo uisaghue ikaie ifwa jake, na irina jake ni BWANA wa majeshi.

DANIELI 2:28

Ela oko Mlungu mlungunyi ufunukuagha maza rivisikie, nao wakumanyisha oho mzuri Nebukadnezari iro maza richaabonyeka ngelo richagha. Ndodo yako na mawono kughiwonie ngelo korekoghe kwalala wulinyi kwako nigho agha:

DANIELI 2:30

Ela kwapo ini, ngasu ihi ndeifunukulo angu wei niko na hikima ichumbie wandu wose wiko moyo, ela ni angu ikundikie mzuri utambushiro ngasu, eri utambuo maza urigheshere.

HOSEA 12:6

Kwa huwo idana inyo kivalwa cha Jakobo, muwuye kwa Mlungu onyu; mumrumirie na kukuzaisira lukundo na hachi, mummbeserie Mlungu onyu kwa kurumaghia upate kum'bonyera hachi.

JOELI 2:2

Ni ituku ja kira na wasi, ituku ja mawingu na kira kibaa. Izungu ja zighe jangia na kufinikira mighondi. Jareda kukamba kwa kira jingi chisewonekie, hata ndechichaawoneka huwu sena anduangi.

AMOSI 3:13

Idana sikirenyi mpate kuwighoria wandu wa kivalwa cha Jakobo,” waghamba Bwana MLUNGU, uo Mlungu Uwadie-Ndighi-Rose.

AMOSI 5:27

ingelo nichamfunya mdwalo wunyika cha isanga jiko kimonu cha Dameshki;” waghamba BWANA uo uwangwagha Mlungu Uwadie-Ndighi-Rose.

AMOSI 5:8

BWANA wabonyere nyerinyeri, Piadisi na Orioni, na kughalusa kira chiwuye mwengere, na mwengere ghuwuye kira. Uwangagha machi gha baharinyi, na kughidia andoenyi, irina jake ni BWANA.

AMOSI 6:8

Bwana MLUNGU waghema kwa uo moni, ukighamba, “Nazamilwa ni uko kukujosa kwa wandu wa Israeli na iro ngome rawo; nani nichaghufunya muzi ghwawo na vose viko andenyi yaro kwa wamaiza.”

AMOSI 8:9

Ngelo ichacha, nani nichabonya iruwa jineng'ene dime ghadi, na kubonya ndoe isere kira nadime.

AMOSI 9:6

BWANA wadaagha muzi ghwake mlungunyi, na kuwika mawingu naighu ya ndoenyi. Wadawanga machi gha baharinyi na kughidia aighu ndoenyi. Irina jake ni BWANA.

MIKA 1:3

BWANA waawuyacha kufuma andu kwake kwa wueli; uchacha na kusela aighu ya mido ya mighondi.

HABAKUKI 3:19

Mlungu, uo BWANA Uwadie-Ndighi uchanineka ndighi, uchabonya maghu ghapo ghikaie ghiangue sa gha shaa wadanibonya nighende aighu mighondinyi banana.

ZEKARIA 12:1

Agha ni malagho gha BWANA aighu ya Israeli: BWANA, uo ualie mlungunyi, ukaumba ndoenyi, na kumneka mdamu irangi waghamba huwu:

MATHAYO 9:4

Nao Jesu ukimanya maririkanyo ghawo ukaghamba, “Kwaki mgheshagha mawiwi ngolonyi konyu?

JOHANE 2:25

Hata nderekundieghe mndungi umghorie maza ra wandu anduangi, angu oremanyireghe rose riko andenyi ya mdamu.

JOHANE 3:8

Mbeo yadaweta seji ikundagha, lwaka lwaro kwalusikira, ela ndekuimanyagha andu ifumagha hata andu ighendagha anduangi. Niko koni kwa mundu uo ose uvalwagha kwa Roho.”

WUKUMBUSO 32:13

“Orewisighieghe wibonye nguma masanga ghiko ighu, wikaja vindo va mbuwenyi. Werepatireghe wuki amaghonyi, na mizeituni ikazoghua nicha andoenyi ra magho.

WUKUMBUSO 33:29

Israeli kuboilwa saki! Ndekuwadie ungi ufwanane nenyo, mburi ikirilo ni BWANA. BWANA moni ni ngao yenyu na lufu lonyu upate kumlindia na kumneka wusimi. Wamaiza wako wichacha wikikulomba wughoma, na oho kuchawifasha-fasha.