AMOSI 4:11 - Biblia Ilagho Jiboie Kwa Wandu Wose

¹¹ “Neretoteshereghe wamu wenyu seji neretoteshereghe wandu wa Sodoma na Gomora. Awo morevuvukieghe morekoghe sa kamudi kavuvulwa modonyi. Hata huwo saki ndemorenighalukieghe,” waghamba BWANA.

AMOSI 4:11 ပူးပေါင်းရင်းမြစ်များ

ISAYA 13:19

Babuloni nigho wuzuri ghughokie kuchumba mawuzuri ghose; nigho kuboa na kukukasa kwa Wakalidayo, ela ngelo Mlungu uchaaghukumba noko, ghuchakaia sa Sodoma na Gomora.

ISAYA 7:4

kumzere, ‘Kaia meso, kutulie, kuseobuo hata ngolo yako isefo kwa wundu ghwa Mzuri Resini na Wasiria wake, chiaimweri na Peka mwana wa Remalia; angu awo ni sa vilaya va modo vawuyafukia mosi.

ISAYA 9:12

Wasiria wacha kufuma mashariki, na Wafilisti kufuma magharibi, nawo watambarua memu yawo wipate kummila Israeli. Hata huwo saki, machu gha BWANA ndeghisirie ela mkonu ghwake ghokaba ghoko ghughorokie hata idana.

JEREMIA 23:14

Ela kwa walodi wa Jerusalemu, nawonie ilagho jizamie kuchumba; awo waawuyalaka na kughora tee. Wabonyi kiwiwi waawuyawifungisha ndighi, hata mndungi ndewueghaluka usighe wuwiwi ghwake anduangi; wose weewuya kwapo sa Sodoma, na wandu wikaiagha andenyi yaro sa Gomora.”

JEREMIA 49:18

Angu iji Sodoma na Gomora chiaimweri na mizi iko mbai mbai eretotesheroghe, ndekuwadie mndungi uchaakaia aho angu kuidiria aho.

JEREMIA 5:3

Ee BWANA, meso ghako ndeghizighanagha iyo loli anguwada? Oho kwawikabie, ela ndewisikire luwawo lungi, kwawionyere, ela waleghie kukuboisa weni. Wakurishire nia rawo kuchumba igho, nawo waleghie kuhea.

JEREMIA 50:40

Sa iji koni Mlungu oreitoteshereghe Sodoma na Gomora, chiaimweri na mizi yaro ya kaavui, ni huwo koni ndekuwadie mdamu ungi uchaakaia andenyi ya mizi ihi, hata omara-mara moni, ini BWANA naghamba.

EZEKIELI 24:13

Ngama yaro ni agho mabonyo ghako ghizamie gha wulaki ee Jerusalemu. Angu kumangu nakueleshere, ela koolema kuela kufumanya na wuchafu ghwako; kwa huwo ndekuchaaeleshwa sena hata nameria kukatisha lubio lwapo aighu yako.

HOSEA 11:5

“Na angu wileghie kuwuya cha kwapo, wichawuya cha isanga ja Misri, na Ashuru uchawuya mzuri wawo.

HOSEA 11:8

“Nidima wada kukuleka ee Israeli? Nidima wada kulegha kukutala? Nidima wada kukubonya sa Adma, angu kukubonyera sa Zeboiimu? Lukundo lwapo cha kwako looka lubaa, nani sidimagha kukubonyera kiwiwi.

AMOSI 4:6

“Ni ini neremredieghe njala andenyi ya kula muzi ghonyu; mkasowa vindo kula andu morekaieghe; ela hata huwo saki ndemorenighalukieghe.

HAGAI 2:17

Neremkabieghe kwa kiremba, na vua ya magho ngano na vindo vose morewaeghe, ela ndemoreherieghe.

ZEKARIA 3:2

Malaika wa BWANA ukamzera Shetani, “BWANA ndekukemie ee Shetani! Uo BWANA uikunde Jerusalemu ndekukemie. Umundu ooka sa kilaya chafunywa modonyi.”

WAROMA 9:29

Ni sa iji koni Isaya orezoeghe ukaghora, “Ngera Bwana wa majeshi useredisigharieghe kivalwa, kumangu daakaia sa Sodoma na kubonywa sa Gomora.”

1 WAKORINTHO 3:15

Ngera kazi ya mndungi yahia, uo mundu uchapata hasara; hata ngera uo moni uchakia, ela ni sa kufufunuka modo.

WUKUMBUSO 28:24

BWANA uchamdiria teri na ndoe wulalo ghwa vua isangenyi konyu hata mdime mwatoteshwa.

WUKUMBUSO 29:23

Mbuwa rose richasighwa nduu, rilungurilo ni kibiriti na munyu na maivu gha modo; ndejichaawalwa hata kubukwa ni isaka jingi. Jichakaia sa mizi ya Sodoma na Gomora, Adma na Zeboiimu iyo BWANA oreitoteshereghe kwa machu ghake na kubia kwake.

2 PETRO 2:6

Mlungu oreitanyireghe mizi ya Sodoma na Gomora, ukaikora na kuiwunja maivu, na kuibonya ikaie mfwano kwa awo wisemuobuagha Mlungu.

JUDA 1:23

na wamu muwikire kwa kuwikuna kufuma modonyi; na wamu muwiwonie wughoma mkiobua; mkizamilwa hata ni nguwo ilushiro ni mumbi.

JUDA 1:7

Ni seji koni Sodoma na Gomora, na mizi erekoghe mbai mbai yaro, iyo wandu waro werekoghe wikibonya mawiwi kwa kulaka na bea riseko ra asili, yakaia mfwano kwa kupata adhabu ya modo ghwa kala na kala.

WUFUNUO 9:20

Awo wandu weresigharikieghe wisebwaghilo ni agho makabo, ndewereherieghe na kurisigha kazi ra mikonu yawo na kutasa pepo, na milimu ya dhahabu, feza, shaba, magho na ya midi; iyo isedimagha kuwona angu kusikira, hata kughenda anduangi.