AMOSI 4:10 - Biblia Ilagho Jiboie Kwa Wandu Wose

¹⁰ “Neredumieghe saka izamie aghadi konyu, sa ija nereidumieghe Misri, ngawibwagha wandu wenyu wa irika wudenyi, ngawusa farasi renyu, ngam'bonya mnukilo ni gharia renyu kambinyi. Nenyo hata huwo saki, ndemorenighalukieghe.

AMOSI 4:10 ပူးပေါင်းရင်းမြစ်များ

2 WAZURI 10:32

Ngelo iyo, BWANA ukazoya kuipunguza mano ya wandu wa Israeli. Mzuri Hazaeli wa Siria ukawisima wandu wa Israeli putu;

2 WAZURI 13:3

Nao machu gha BWANA ghikawuka aighu ya Israeli, ukawifunya na kuwingira mikonunyi kwa Hazaeli mzuri wa Siria, na kwa Ben-hadadi mwana wa Hazaeli.

2 WAZURI 13:7

Mndungi wa ijeshi ja Jehoahazi nderesigharikieghe, ela wajoki farasi mirongo misanu, magare ikumi na masikari gheghenda na maghu elfu ikumi; kwa kukaia awo wazima werekoghe wose watoteshwa ni mzuri wa Siria, kwa kuwifasha-fasha sa teri.

2 WAZURI 8:12

Hazaeli ukamkotia, “Kuliliaki bwana wapo?” Ukatumbulia, “Ni angu namanya ugho wuwiwi kuchaawibonyera wandu wa Israeli; kwa kukaia kuchakora ngome rawo, na kubwagha wandu wa irika wa Israeli kwa lufu, sena kuchawifasha-fasha wana wawo, na kuwirashua-rashua waka wawo wiko na vifu.”

KUFUMA 10:27

Ela BWANA ukaikurisha ngolo ya Farao, hata nderewisighieghe wighende anduangi.

KUFUMA 10:3

Nao Musa na Haruni wikaghenda na kungia kwa Farao wikamzera, “Bwana, uo Mlungu wa Waebrania waghamba huwu, ‘Kuchalegha kukusera imbiri kwapo hata lii? Sigha wandu wapo wighende winidumikie.

KUFUMA 14:4

Nani nichaikurisha ngolo ya Farao, nao uchamnugha. Na wusimi ghwapo aighu ya Farao na majeshi ghake ghuchaniredia wubaa; niko Wamisri wichamanya kukaia Ini ne BWANA.” Nao Waisraeli wikabonya sa iji koni wereghoreloghe.

KUFUMA 15:26

“Ngera mchalusikira lwaka lwa BWANA Mlungu onyu kwa loli, na kubonya agho ghiko gha hachi imbiri kwake, kwa kuiwadia sharia yake na malaghiro ghake, niko aho nisechaamredia makongo agho nerewiredieghe Wamisri; kwa kukaia Ini ne BWANA m'boisi wako.”

KUFUMA 8:19

Waghanga wikamzera Farao, “Iji ni ibonyo ja Mlungu.” Ela Farao ukaikurisha ngolo yake, sa iji koni BWANA oreghorieghe, hata nderewisikireghe Musa na Haruni anduangi.

KUFUMA 9:12

Ela BWANA ukaikurisha ngolo ya Farao, hata nderewisikireghe Musa na Haruni anduangi, sa iji koni BWANA oremghorieghe Musa.

KUFUMA 9:17

Kwaduagha kukikujosa aighu ya wandu wapo, hata ndekukunde kuwisigha wighende.

ISAYA 34:3

Gharia rawo nderichaarikwa, naro richawoa na kunuka; mighondi yose ichachulwa ni bagha rawo.

ISAYA 50:11

Inyo mmbose m'bonyagha njama retotesha wazima, mchatoteshwa ni njama renyu reni. BWANA moni uchabonya maza iri rikaie nenyo mchapata wasi m'baa.

ISAYA 9:12

Wasiria wacha kufuma mashariki, na Wafilisti kufuma magharibi, nawo watambarua memu yawo wipate kummila Israeli. Hata huwo saki, machu gha BWANA ndeghisirie ela mkonu ghwake ghokaba ghoko ghughorokie hata idana.

ISAYA 9:13

Hata ngera BWANA wa majeshi wawikabie, ela wandu wa Israeli ndewiherie wikaghaluka na kumlola BWANA anduangi.

ISAYA 9:17

Kwa huwu, BWANA ndewueboilwanya na ungi wa wandu wawo wa irika, hata ndena wughoma kwa wana wisena weke ndee na waka wakiwa; kwa kukaia kula umu ndena Mlungu, nao ni m'bonyi kiwiwi, na kula ilagho widedagha ni wuwiwi mduu. Hata huwo saki, machu gha BWANA ndeghisirie, mkonu ghwake ghokaba ghoko ghughorokie hata idana.

JEREMIA 11:22

kwa wundu ugho BWANA wa majeshi waghora huwu, “Ola nichawikaba, na wandu wa irika wichabwaghwa kwa lufu, na wana wawo wa womi na wa waka wichabwaghwa ni njala.

JEREMIA 15:3

“Nichawiwikia watoteshi wa mbari inya, lufu lobwagha, koshi rerashua, nyonyi ra mbeonyi na nyamandu ra isakenyi reja na kunona.

JEREMIA 16:4

Wichafwa kwa makongo ghizamie, ndewichaalililwa hata kurikwa, ela wichakaia sa mavi ndoenyi. Wichatota kwa lufu na njala, na mimbi yawo ichawuya vindo va nyonyi ra mbeonyi na nyamandu ra isakenyi.”

JEREMIA 18:21

Kwa huwo idana ee BWANA kuwiredie wana wawo njala, na kuwifunya wibwagho kwa lufu. Waka wawo ndewisowekelo ni wana wawo na womi wawo; womi wawo ndewibwagho ni makongo, na wandu wawo wa irika wibwagho wudenyi.

JEREMIA 48:15

Moabu chiaimweri na mizi yake wameria kuchelwa ni Mnoni; wandu wake wa irika orewisaghueghe wasea kubwaghonyi, ini Mzuri, niwangwagha BWANA wa majeshi naghamba.

JEREMIA 49:26

Wandu waro wa irika wichabwaghwa a wazenyi kwawo, na ituku ijo masikari gharo ghichatoteshwa.

JEREMIA 5:3

Ee BWANA, meso ghako ndeghizighanagha iyo loli anguwada? Oho kwawikabie, ela ndewisikire luwawo lungi, kwawionyere, ela waleghie kukuboisa weni. Wakurishire nia rawo kuchumba igho, nawo waleghie kuhea.

JEREMIA 6:11

Kwa huwo nachulwa ni machu gha BWANA; Ilagho ja BWANA janisira ndighi kujiwadia.” BWANA ukanizera, “Dia agho machu ghapo kwa wana chienyi, na wokoni andenyi ya makwanyiko gha wandu wa irika. Womi wilowue na waka wilowolo wichadwalwa chiaimweri, na waghosi na awo wighosere nandighi; hata ungi ndechaasighwa.

JEREMIA 9:22

BWANA wanizera nighore welee, ‘Gharia ra wandu richakaia andonyi karakara na wuchafu ghudelo ambuwenyi, karakara na viro videmelo ngelo ekuwida; hata ndekuchaakaia na mndungi oshoa anduangi.’”

HOSEA 11:5

“Na angu wileghie kuwuya cha kwapo, wichawuya cha isanga ja Misri, na Ashuru uchawuya mzuri wawo.

JOELI 2:20

Nichajiinja ijeshi ja zighe rifumie kaskazinyi, nani nichawinga rimu cha kireti. Ifungu ja imbiri jichangia Bahari ya Chumbi, na ifungu ja nyuma jichangia Bahari ya Mediterania. Gharia raro richanuka. Nichawitotesha kwa wundu ghwa agho ghose wim'bonyere.

WALAWI 26:16

nicham'bonya huwu: Nichamredia maza reobosha, makongo ghiseboagha, homa rem'bwagha meso na kumeria marangi ghenyu. Mchawa viro, ela ndemchaapata kindo chingi; kwa kukaia wamaiza wenyu wichavija.

WALAWI 26:25

Nichamredia wuda nipate kulipia kisasi kwa wundu ghochikanya ilaghano; hata mkakukwanya chiaimweri kukulindia andenyi ya mizi yenyu, nichamredia makongo ghiserighitikagha, hata mdime mwakufunya kwa wamaiza wenyu.

AMOSI 4:6

“Ni ini neremredieghe njala andenyi ya kula muzi ghonyu; mkasowa vindo kula andu morekaieghe; ela hata huwo saki ndemorenighalukieghe.

AMOSI 8:3

Ituku jija chumbo ra ngomenyi richawuya kililo; gharia ra wandu richakaia nyingi, naro richadeghwa cha shighadi kima kula andu.”

HAGAI 2:17

Neremkabieghe kwa kiremba, na vua ya magho ngano na vindo vose morewaeghe, ela ndemoreherieghe.

WUKUMBUSO 28:21

BWANA uchakuredia makongo ghizamie, hata ukumerie putu isangenyi ijo kungiagha kujiwusa.

WUKUMBUSO 28:22

BWANA uchakukaba na makongo ghewasirana, homa, na kuakwa modo, na iruke jibirie, na kuoma kwa ndoe, na kiremba, na ngama ya miwalwa; maza iri richakunugha hata kwatota.

WUKUMBUSO 28:60

Sena uchakuredia makongo ghose koreghiobuagha gha Misri, agho ghisedimagha kuboa.

WUKUMBUSO 7:15

Na BWANA uchainja makongo ghose aghadi konyu. Ndekuwadie wukongo ghungi ghuzamie ghwa agho makongo gha Misri moreghimanyireghe ghichaammbwada, ela uchaghiwasira awo wandu wose wizamilwagha ni inyo.