AMOSI 4:1 - Biblia Ilagho Jiboie Kwa Wandu Wose

¹ Sikirenyi agha inyo waka wa Samaria, m'bandie sa ng'ombe ra Bashani rilishwagha aighu ya mighondi ya Samaria; mkorongagha wakiwa, na kuwitirira awo wisowagha na kuwizera womi wenyu, “Redenyi chofi dinyo.”

AMOSI 4:1 ပူးပေါင်းရင်းမြစ်များ

1 WAZURI 16:24

Ukaghua mghondi ghwa Samaria kwa Shemeri kwa vibelele va feza elfu irandadu. Omri ukaagha ngome aighu yaro; ukaghuwanga Samaria kunughana na irina ja Shemeri, mundu wa imbiri wa ugho mghondi.

AYUBU 20:19

Kwa kukaia wawikorongie wakiwa kwa kuleghawitala; ukawusa nyumba usereriaghieghe.

AYUBU 24:4

Wadawitangala wakiwa wisepate hachi rawo, na kuwibonya waisanga wisowagha wikimbie na kukuvisa.

ZABURI 12:5

BWANA waghamba, “Kwa kukaia wakiwa waawuyakorongwa, na awo wisowagha waawuyaruma, nichawuka idana, niwibonyere wulindiri ugho wighukunde.”

ZABURI 140:12

Naichi BWANA kwawidederiagha wandu wikorongwagha, na kuwitanyira hachi awo wisowagha.

ZABURI 22:12

Wamaiza wanimara chia rose sa njau, wakaia sa njau riwadie ndighi rifumie Bashani;

MAKATANISHO 22:7

Wazuri wa mali wadawibonyera nguma wakiwa; mkopi ni mzumba wa mkopeshi.

MCHILI 4:1

Niko ngazighana sena, ngawona kusowa hachi kose kwawuyabonyeka wurumwengunyi. Wandu wikorongwaghwa na kulila, wisewadie mndungi owitesia. Wakorongi wawo weeka na ndighi aighu yawo; wisewadie mndungi owitesia.

MCHILI 5:8

Kukawona wakiwa wikikorongwa isangenyi, na kusowelwa hachi, kuseshinike. M'baa wadazighanwa ni m'baa umu, sena oko m'baa umu aighu yake.

ISAYA 28:1

Ni bugha kwa wuzuri ghukukasire ghwa Israeli! Wubaa ghwaro ghwaawuyaida sa kirumbu cha mboi chiko vongonyi kwa vilongozi viwongiagha. Wakukasa kwa kukushinga marumba vongonyi kwawo, ela waawuyabwaghwa ni chofi.

ISAYA 5:8

Ni bugha kwa awo wighuagha na kuchuria nyumba aighu ya nyumba, na mbuwa aighu ya mbuwa; hata wandu wazima wisowe andu kokaia, nenyo mchakaia muekeri aghadi ya ijo isanga.

ISAYA 56:12

Wazerana weni na weni, ‘Choonyi, dinyo divei; dipate kukoja chofi ibirie; kesho dichawuria kunywa kuchumba idime.’”

ISAYA 58:6

“Nechi kufunga tumu nikukunde ini ni uku: kuvifungua vifungo va makorongo, kuinja ghongolo isena hachi, na kumlekeria uo ukorongelo ukaie huru, chiaimweri na kuchikanya kula ghongolo?

JEREMIA 50:11

BWANA waghamba, “Hata ngera mwaboilwa na kukujosa ee wandu wa Babuloni; inyo mmbwadagha na kusoka mbari ya wandu wa ifwa japo; hata ngera mwarama-rama sa tagho ya ng'ombe ifashagha ngano, na kukema sa farasi ya womi,

JEREMIA 50:27

Bwaghenyi wandu wake wa irika wose; wiserenyi wibwagho. Ni bugha kwawo, angu ituku jawo jekabwa jameria kuvika.

JEREMIA 51:34

Wandu wa Sioni ndewighambe, “Nebukadnezari mzuri wa Babuloni wameria kudija, wamerie kudifasha-fasha; wadibonyere diwoneke sa kilambo kiduu wadimilie sa are; waghudishiro ni kuboa kodu, na kudidaika.

JEREMIA 6:6

BWANA wa majeshi waghora huwu, “Demenyi midi yawo, m'bonye wurigha, mpate kughurughaia ugho muzi ghwa Jerusalemu, kwa kukaia ugho nigho muzi ifwane ghukabo kwa wundu ghwa kuchulwa ni kukoronga.

JEREMIA 7:6

nao mkaie msemkorongagha mghenyi, na mwana mkiwa, na muka mkiwa angu kudia bagha ya wandu wisena ikosa andenyi ya muzi ughu, nenyo msighe kuinugha milungu mizima emnonia inyo mmbeni;

EZEKIELI 18:12

na kumkoronga mkiwa usowagha, na kusoka, usewunjagha wufunga ghwa kilambo orekopeshereghe, utasagha milimu na kubonya wuchafu.

EZEKIELI 22:12

Andenyi kwako wandu wamu wadatuwa wibwaghe wandu. Mwadaboilwa kuwivara wambenyu fwaida kwa kuwikoronga, nenyo mwaniliwa ini Bwana MLUNGU.

EZEKIELI 22:27

Wabaa wa ugho muzi weeka sa vikwau virashuagha madiwo ghawo; wibwaghagha, na kutotesha wandu, eri wipate fwaida isefwane.

EZEKIELI 22:29

Waisanga weekuzaisira kukita na kusoka; wamkorongie mkiwa na uo usena kilambo chingi, na kumkita mghenyi kwa kumsoka hachi yake.

EZEKIELI 22:7

Wavi ndewitalwagha andenyi kwako, waghenyi wadakorongwa aghadi kwako, mwadawikita awo wifuilo ni weke ndee na waka wakiwa.

EZEKIELI 34:16

“Nicharilola iro rilagharie, na kuriwunja chienyi iro rilagharilo ni chia; nicharifunga iro richikie, na kutesia iro risewadie ndighi; iro ribandie riko na ndighi, nicharitotesha; nani nicharilisha kwa hachi.

EZEKIELI 39:18

Richaja nyama ra wandu wiwadie ndighi, na kunywa bagha ya wabaa wa ndoenyi sa bagha ra bauru, na ra wana wa ng'ondi, na mburi, na ra njau, agho manori ghose gha Bashani.

JOELI 3:3

Wakabie kura aighu ya wandu wapo, wikauza wana wa womi kwa kupata malaya, na wai kwa kupata divei winyo.

AMOSI 3:1

Inyo wandu wa Israeli, sikirienyi ijo ilagho BWANA waghora aighu yenyu; aighu ya mbari yose oreijosereghe kufuma isanga ja Misri:

AMOSI 3:3

“Welee, wandu wawi wadima kughenda chiaimweri ngera wisepatane?

AMOSI 5:11

Mwawikorongie wakiwa kwa kuwisoka viro vawo. Kwa huwo ndemchaarikaia iro nyumba ra magho muriaghie, hata kunywa divei iboie ifumagha kwa iyo mizabibu iboie muiwae.

AMOSI 6:1

Ni bugha konyu inyo mkaiagha kwa raha Sioni na kwa inyo mmbonagha kukaia moko nicha Samaria; inyo wandu wabaa wa iyo mbari mbaa ya Israeli wesuwirilwa ni wandu wa Israeli.

AMOSI 6:6

Mnywagha divei na bakuli, na kukushinga mavuda gha marumba mecha, ela msetalagha kunoneka kwa Israeli.

MALAKI 3:5

BWANA Uwadie-Ndighi-Rose waghamba, “Niko aho nichamchea kaavui kumtanya, nani nichakaia wa shwa-shwa kushuhudia aighu ya walaghui, na walaki, na awo wighemagha kwa tee, na awo wikitagha wapakazi na malipo ghawo, na waka wakiwa, na wana wakiwa, na awo wilaghashagha hachi ya mghenyi, wiseniobuagha ini.

MITALO 21:33

Niko wikaghaluka, wikajokeria na chia eghenda Bashani; na Ogu mzuri wa Bashani ukafuma na wandu wake wose, wilo na wandu wa Israeli aja Edrei.

WUKUMBUSO 24:14

“Kusakemkita mdumiki uko mkiwa usewadie kindo chingi; ngera ni umu wa wanyinyu Waisraeli angu mghenyi omara-mara uko isangenyi andenyi ya mizi yako.

WUKUMBUSO 28:33

Mbari kuseiichi, ichaja vindo kuvilimie kwa wasi, na oho kuchadua kukikorongwa na kubonywa kiwiwi;