AMOSI 3:2 - Biblia Ilagho Jiboie Kwa Wandu Wose

² “Ni inyo mmbeni neremmanyireghe aghadi ya mbari rose ra ndoenyi; kwa wundu ugho, nichamkaba kwa wundu ghwa makosa ghenyu ghose.”

AMOSI 3:2 ပူးပေါင်းရင်းမြစ်များ

KUZOYA 10:32

Ichi nicho kichuku cha wana wa Nuhu kunughana na kivalwa chawo, na mbari rawo, na kufumanya nawo, wadamu wikaera kose wurumwengunyi nyuma ya iyo gharika.

KUZOYA 18:19

Hata, nameria kumsaghua uo, upate kuwifundisha wana wake, na wose wa nyumbenyi kwake, kubonya agho ghiko gha loli na gha hachi; nani nipate kumkatishira Abrahamu ilaghano japo.”

ZABURI 147:19

Wadaghora ilagho jake kwa Jakobo, sharia na mafundisho ghake kwa wandu wa Israeli.

KUFUMA 32:34

Idana ghenda kuwilongoze awo wandu hata isanga nerekughorieghe. Ola malaika wapo uchakiria imbiri konyu. Elaima, ngelo ichacha, nani nichawikaba wandu awa kwa wundu ghwa kaung'a yawo.”

ISAYA 63:19

Dakaia sa wandu jingi diserekoghe aisi ya nguma rako, dakaia sa wandu jingi disewangilo wandu wako.

JEREMIA 1:15

Olenyi nichariwanga mbari ra mawuzuri gha kaskazinyi, nawo wichacha, na kula umu wawo uchawika kifumbi chake cha nguma aho andu kongiria kwa mbenge ya Jerusalemu, wikibonya wuda na kughumara wurigha ghwaro, wikilwa na mizi yose ya Juda.

JEREMIA 10:25

Machu ghako ndeghikaie aighu ya iyo mbari ya wandu wisekuichi oho, na kwa awo wandu wisejiwangiagha irina jako; kwa kukaia wamerie kuwibwagha wandu wa Israeli, wawibwaghie na kuwimeria putu, hata isanga jawo jeesighwa iduu.

JEREMIA 11:22

kwa wundu ugho BWANA wa majeshi waghora huwu, “Ola nichawikaba, na wandu wa irika wichabwaghwa kwa lufu, na wana wawo wa womi na wa waka wichabwaghwa ni njala.

JEREMIA 13:21

Kuchaghora wada kukawiwona waghenyi wako korewifundishireghe wikikaia wabaa aighu yako? Welee, ndekuchaawawa karakara na muka ukumbagha lufu anguwada?

JEREMIA 14:10

BWANA waghora huwu aighu ya awa wandu: “Wadakunda tu kumara-mara, hata ndewikumaziriagha weni; kwa huwo BWANA ndewirumirie, nao uchaghikumbuka mawiwi ghawo na kuwikaba kwa wundu ghwa kaung'a rawo.”

JEREMIA 9:25

BWANA waghamba, “Ola matuku ghichacha, nichawikaba wandu wishamishiro, sena wiseshamishiro kungi.

EZEKIELI 5:9

Na kwa wundu ghwa wuchafu ghwako ghose kubonyere, nichakubonya maza jingi niseribonyere, sena nisechaaribonya jingi.

EZEKIELI 9:6

M'bwaghe putu waghosi, wadawana na wai, wana watini na waka; ela mseadade mndungi uko na alama chamunyi kwake; moozoia ahaeni Hekalunyi.” Niko wikazoya na waghosi aweni werekoghe Hekalunyi.

DANIELI 9:12

Oho kookatisha malagho ghako, agho koreghighorieghe aighu yedu na aighu ya awo widibonyere nguma, kwa kureda bugha aighu yedu. Kwa kukaia maza ribonyero Jerusalemu nderibonyero andu kungi ndoenyi kose.

HOSEA 2:13

Nichamneka adhabu kwa wundu ghobonya matuku gha ndima kwa weke Baali, iji orekoghe ukiwifukiria marumba, na kukupamba moni kwa pete na vipini, na kuwinugha wakundwa wake; ukaniliwa ini.

HOSEA 5:3

Namwichi Israeli loli-loli, ndevisikie kwapo anduangi. Wasowie kukaia na wuloli kwapo, na wandu wake ndewifwanagha kunitasa.”

HOSEA 8:13

Wadaboilwa ni kufunya vizongona kwapo, na kuja nyama raro; ela ini BWANA siboilwagha navo anduangi. Nichakumbuka kaung'a yawo na kuwikaba, nichawiwunja Misri.

HOSEA 9:9

Waawuyabonya mawiwi icho kisha, sa iji koni werekoghe Gibea. Mlungu uchakumbuka mawiwi ghawo, na kuwikaba.

AMOSI 2:4

BWANA waghamba, “Wandu wa Juda wabonya kaung'a sena na sena; kwa wundu ugho nichawikaba. Wamenyere mafundisho ghapo na kuleghawadia memu yapo. Walaghashiro ni iyo milimu cheni ya tee eretaswagha ni weke ndee.

AMOSI 3:3

“Welee, wandu wawi wadima kughenda chiaimweri ngera wisepatane?

AMOSI 6:1

Ni bugha konyu inyo mkaiagha kwa raha Sioni na kwa inyo mmbonagha kukaia moko nicha Samaria; inyo wandu wabaa wa iyo mbari mbaa ya Israeli wesuwirilwa ni wandu wa Israeli.

MIKA 2:3

Kwa huwo BWANA waghamba, “Ola naawuyabonya mipango ereda wuwiwi aighu yenyu, msechaadima kughufufunuka. Mchakuwona mmbeni mkikaia wasinyi; nenyo ndemchaaghenda kwa lukaso sena anduangi.

NAHUMU 3:4

Nineve uchakabwa kwa wundu ghwa wumalaya ghwake. Waghokie, uchue mbingu rebwagha; waloghie iro mbari na kuribonya wazumba wake.

MABONYO GHA WADUMI 17:26

Nao orebonyereghe mbari ra wandu kufuma kwa mundu umweri, wikaie ndoenyi kose; nyuma ya kuwika ngelo na mano ya andu kwawo kokaia;

WAROMA 2:9

Kuchakaia na wasi na kuwawa kwa kula mundu ubonyagha mawiwi; Myahudi kande, na Mgriki wori.

1 WAKORINTHO 8:3

Ela uo mundu umkunde Mlungu, wamanyikie kwake.

WUKUMBUSO 10:15

Ela sena BWANA orewikundieghe weke ndeyo kwa ngolo, ukamsaghua inyo kivalwa chawo, na kummbika aighu ya wandu wose, seji iko idime.

WUKUMBUSO 26:18

BWANA wamghora idime kukaia inyo mo mbari ya wandu wake moni, sa iji koni ulaghirie; na kukaia mughiwadieghe malaghiro ghake.

WUKUMBUSO 32:9

ela kivalwa cha Jakobo orechisaghueghe, chikaie ifwa jake moni.

WUKUMBUSO 4:32

“Kotia malagho gha ngelo riidie, iro rerekoghe imbiri kusevalo, kufuma Mlungu waumba mdamu ndoenyi; lola kufuma iichia hata iichia wurumwengunyi kose, kuwone ngera jingi ilagho sa iji jabonyekie angu kusikirwa andu kungi.

WUKUMBUSO 7:6

Angu inyo mo wandu msaghulo ni BWANA Mlungu onyu kufuma aghadi ya wandu wose wa ndoenyi; mkaie wake moni; nenyo mo wasaghulwa wa BWANA Mlungu onyu.

1 PETRO 4:17

Angu ngelo yavika kutanywa kuzoe, nako kuazoya kwa wandu wa Mlungu weni; na ikakaia kwazoya nesi, kutua kwaro wandu wisesikiragha ijo Ilagho Jiboie ja Mlungu-lee, kuchakaia wada?