AMOSI 3:14 - Biblia Ilagho Jiboie Kwa Wandu Wose

¹⁴ “Ituku niwikabagha wandu wa Israeli kwa wundu ghwa kaung'a rawo, nicharitotesha madhabahu ra Betheli. Nicharichikanya mbembe rose ra madhabahu hata andoenyi.

AMOSI 3:14 ပူးပေါင်းရင်းမြစ်များ

2 WAZURI 23:15

Sena Mzuri Josia ukakunona aja andu kotasira milimu mighondinyi koreaghiloghe Betheli ni Jeroboamu mwana wa Nebati, uo orewishekerieghe Waisraeli kungia kaung'enyi; ukainona hata madhabahu yake wori, na kubara-bara magho gharo hata ghikawuya teri; ukakora fwana ya ghuja mlungu ghwa waka Ashera.

2 MALAGHO GHA NGELO 31:1

Nao iji Ndima yasia, wandu wose wa Israeli werekoghe aho, wikaghenda mizinyi ya Juda, wikachikanya nguro retasa vipande vipande, na kuinja fwana ra ghuja mlungu ghwa waka Ashera, na kunona andu kotasira mighondinyi, na madhabahu riko andenyi ya isanga ja Juda, na Benjamini, na Efraimu, na Manase, hata wikaritotesha rose. Niko wandu wose wa Israeli wikawuya mizinyi kwawo kula mundu andu kwake.

KUFUMA 32:34

Idana ghenda kuwilongoze awo wandu hata isanga nerekughorieghe. Ola malaika wapo uchakiria imbiri konyu. Elaima, ngelo ichacha, nani nichawikaba wandu awa kwa wundu ghwa kaung'a yawo.”

AMOSI 2:8

Wadalalia nguwo riwikilo wufunga ghwa sile rawo mbai na mbai ya kula madhahabu, na kunywa divei ya wandu wilipishiro faini andenyi ya Hekalu ya Mlungu wawo.

AMOSI 4:4

BWANA Uwadie-Ndighi-Rose waghamba, “Ghendenyi Betheli, m'bonye makosa; mghende Gilgali mchurie kubonya makosa; redenyi vizongona venyu kula nakesho, na ifungu jenyu ja ikumi nyuma ya kula ituku ja kadadu.

AMOSI 7:10

Niko Amazia, mkohani wa Betheli, ukaduma momu kwa Mzuri Jeroboamu ukighamba, “Ola Amosi wadeda malagho gha sheshe aighu yako aghadi ya wandu wa Israeli, na malagho ghake ni gha ndengwa kwa isanga.

AMOSI 7:13

Ela jingi kusefunye wulodi Betheli, kwa kukaia ni andu kotasira kwa mzuri sena ni hekalu ya wuzuri.”

AMOSI 7:9

Aho andu wandu wa kivalwa cha Isaaka weretasiragha kuchatoteshwa. Andu kwa Wueli kwa Israeli kuchanoneka. Nicharimeria nguma ra Mzuri Jeroboamu.”

AMOSI 9:1

Neremmbonieghe BWANA wakaia kimusi mbai na mbai ya madhabahu ukighamba, “Kaba koighu nguronyi ra Hekalu hata vizingiti visughusikie; kuvichikanye-chikanye aighu ya chongo cha kula mundu; mndungi ukasigharika, nicham'bwagha wudenyi. Ndekuwadie ungi uchaakimbia angu kufufunuka.