AMOSI 3:13 - Biblia Ilagho Jiboie Kwa Wandu Wose

¹³ Idana sikirenyi mpate kuwighoria wandu wa kivalwa cha Jakobo,” waghamba Bwana MLUNGU, uo Mlungu Uwadie-Ndighi-Rose.

AMOSI 3:13 ပူးပေါင်းရင်းမြစ်များ

2 WAZURI 17:13

Na BWANA orewikanieghe ukiwiwonyera Israeli na Juda kwa memu ya kula mlodi na kula mmboni ukighamba, “Ghalukenyi msighe chia renyu rizamie, muiwadie memu yapo na sharia rapo iro nerewilaghirieghe weke ndeyo na iro nerewidumieghe wadumiki wapo wimghorie.”

2 WAZURI 17:15

Weremenyereghe memu ya BWANA na ilaghano jake, ijo orejibonyereghe na weke ndee; ndeweretalieghe hata na mawonyero ghake. Wereinughieghe milimu ya tee wikakalikia, wikanugha tabia ra iro mbari ra wandu ireni BWANA orewikanieghe wisebonye sa awo.

2 MALAGHO GHA NGELO 24:19

Hata huwo saki Mlungu orekoghe ukiwidumia walodi upate kuwiwunja kwake, nawo wikawishuhudia, ela wandu wikalegha kusikira.

ISAYA 1:24

Kwa huwo BWANA, uo BWANA wa majeshi, Uo-Uwadie-Ndighi wa Israeli waghamba: “Aa! Nichawonyera machu ghapo aighu yenyu inyo wamaiza wapo, na kulipa kisasi aighu yenyu inyo watangali wapo.

EZEKIELI 2:7

Na oho kuchawighoria malagho ghapo wisikiragha angu wisesikire; kwa kukaia awo ni wandu welegha.

AMOSI 3:14

“Ituku niwikabagha wandu wa Israeli kwa wundu ghwa kaung'a rawo, nicharitotesha madhabahu ra Betheli. Nicharichikanya mbembe rose ra madhabahu hata andoenyi.

AMOSI 5:27

ingelo nichamfunya mdwalo wunyika cha isanga jiko kimonu cha Dameshki;” waghamba BWANA uo uwangwagha Mlungu Uwadie-Ndighi-Rose.

MABONYO GHA WADUMI 2:40

Na kwa malagho mazima mengi ukawishuhudia na kuwishashira ukighamba, “Mkukire mmbeni na kivalwa ichi chizamie.”

MABONYO GHA WADUMI 20:21

ngiwishuhudia Wayahudi na Wagriki wori angu wihee kwa Mlungu na kurumiria kwake Bwana odu Jesu Kristo.

WAEFESO 4:17

Idana namghoria na kumshuhudia kwa irina ja Bwana, kufuma idana mseghende seji awo wandu wa mbari zima wighendagha kwa wuduu ghwa akili rawo.

WUKUMBUSO 8:19

Na iji mwamliwa BWANA Mlungu onyu, na kuinugha milungu mizima kuidumikia na kuitasa, namghoria loli idime iji, kukaia mchatota.

1 WATHESALONIKE 4:6

mndungi usakemkita hata kumkosera mruna aighu ya maza iri, kwa kukaia Bwana wadalipia kisasi aighu ya maza iri rose; sa iji koni deremghorieghe imbiri na kumkania.

JOSHUA 22:22

“Uo-Uwadie-Ndighi ni Mlungu, uo nuo BWANA! Uo-Uwadie-Ndighi ni Mlungu, Uo nuo BWANA! Uo wamanya kwaki dibonyere huwo, nesi dakunda na Israeli cheni imanye! Ikakaia dighalukie dikasigha kumrumiria BWANA, msedisighe kukaia moyo sena!