AMOSI 3:12 - Biblia Ilagho Jiboie Kwa Wandu Wose

¹² BWANA waghamba huwu, “Sa iji koni mlisha upatagha maghu awi angu kudu kwa ng'ondi kufuma momunyi kwa shimba, huwo koni wandu watinieri tu wa Israeli wikaiagha Samaria, awo wiseagha kidombo aighu ya makochi ghawo wichavuvulwa.

AMOSI 3:12 ပူးပေါင်းရင်းမြစ်များ

1 WAZURI 20:30

Waja waresigharikieghe wikakimbiria muzi ghwa Afeki; wamu wa awo, wandu elfu mirongo iwi na mfungade wikaghulwa ni wurigha ghwa ugho muzi. Wokoni Ben-hadadi ukafufunuka na kungia mzinyi. Ukangia chumba chimu cha ndenyi cha nyumba ya nanyuma.

1 WAZURI 20:34

Ben-hadadi ukaghamba, “Nichawunja ija mizi erewusiroghe ni aba kufuma kwa ndeyo sena kwadima kuzoya biashara muzi ghwa Dameshki seji aba orebonyereghe muzi ghwa Samaria.” Ahabu ukamzera, “Kwa agho mapatano, nichakulekeria kughende.” Nao wikabonya ilaghano ukamlekeria ukaghenda.

1 WAZURI 22:25

Mikaia ukaghamba, “Oho kuchamanya jija ituku kuchaakimbia kukuvise andenyi ya chumba cha ndenyi.”

2 WAZURI 16:9

Mzuri wa Ashuru ukamsikira, ukaghujokia muzi ghwa Dameshki ukaghuwada; na kudwa wandu waro wunyika hata Kiri; ukam'bwagha Rezini.

ESTA 1:6

Korekoghe na wurigha ghupambilo kwa vitambaa va buluu na va chokwa sa pamba, na kamba raro ra zambarau rerebonyeroghe kwa kitani ndicha, naro rikafungwa kwa koleo ra feza rikabirilo nguronyi ra magho ghiboie. Makochi gha dhahabu na gha feza gherewikiloghe barazenyi iko na sakafu ya magho ghiboie gha rangi zima-zima gha zoghori mbaa.

ESTA 7:8

Nao mzuri ukawuya sena chumbenyi andu werekoghe wikinywa divei, ukamkua Hamani wakukumba andonyi kochinyi kwa Esta; ukaghora kwa lwaka, “Wele ngai, umundu ookunda kumdidika malkia imbiri yapo, sena andenyi ya ngome yapo!” Mzuri usendeemeria kudeda woruwo, weke kolowi wikamfinikira chongo Hamani.

ZABURI 132:3

“Sichaangia nyumbenyi, hata kujoka wulinyi;

ISAYA 17:7

Ngelo iyo, wandu wichammanya Muumbi wawo na meso ghawo ghichamzighana Mlungu Mweli wa Israeli.

ISAYA 31:4

BWANA wanizerie huwu, “Sa iji koni shimba angu mwana wa shimba wirurumagha wikilindia madiwo ghawo, wiseturuswagha ni chwaka ra walisha wengi, angu kuoboshwa ni ndoghoi rawo, niko koni na BWANA wa majeshi uchaasea kubonya wuda kulindia Mghondi ghwa Sioni.

ISAYA 8:4

kwa kukaia, imbiri mwana uhu usemanyire kuwanga ‘Aba’ angu ‘Mao,’ mali ra Dameshki na vilambo viwadilo wunyika va Samaria vichadukwa ni mzuri wa Ashuru.”

AMOSI 6:4

Ni bugha konyu inyo mkuhoreshagha aighu ya mawuli gha mbembe ra chovu, na kukughorua aighu ya makochi, mkija nyama ra ng'ondi kufuma chaghenyi, na nyama ra ngache kufuma boronyi;

AMOSI 9:8

Olenyi ini Bwana MLUNGU naawuyazighanira wandu wa ughu wuzuri ghwa Israeli ghubonyagha kaung'a, nani nichawitotesha wifume ndoenyi; elaima sichaawitotesha wandu wa kivalwa cha Jakobo putu anduangi.