AMOSI 3:11 - Biblia Ilagho Jiboie Kwa Wandu Wose

¹¹ Kwa huwo BWANA waghamba huwu, “M'maiza uchajimara isanga jako, na kuchikanya mawurigha ghako, na kuwusa vilambo viko andenyi ya ngome rako.”

AMOSI 3:11 ပူးပေါင်းရင်းမြစ်များ

KUZOYA 34:27

Nyuma ya agho, waja wadawana wamu wa Jakobo wikacha na kuwusa vilambo va ugho muzi kwa kulipia kisasi kwa wundu ghwa kunonwa kwa mruna.

2 WAZURI 15:19

Niko Pulu mzuri wa Ashuru ukajikaba isanga ja Israeli, na Menahemu ukamneka Pulu talanto elfu imweri ra feza eri umtesie kumangisha wuzuri ghwake.

2 WAZURI 15:29

Matuku gha Peka mzuri wa Israeli, Tiglathi-pileseri mzuri wa Ashuru, ukacha na kuikaba mizi ya Ijoni, Abel-beth-maaka, Janoa, Kedeshi, Hazori, Gileadi, na Galilaya, isanga jose ja Naftali; ukadwa wandu wunyika hata Ashuru.

2 MALAGHO GHA NGELO 36:19

Wikaikora Hekalu, na kughuchikanya wurigha ghwa Jerusalemu; wikakora ngome raro, na kunona vilambo vose va zoghori mbaa.

AYUBU 20:21

Ukaja ndesigharagha kindo chingi, kwa huwo ndechaakaia na kilambo chingi.

AMOSI 2:5

Kwa huwo nichaduma modo aighu ya Juda, nagho ghuchakora ngome ra Jerusalemu.”

AMOSI 3:10

BWANA waghamba, “Awandu ndewiichi kubonya hachi, waawuyachura ngome rawo na vilambo visokelo wandu na wutoi.”

AMOSI 3:15

Nicharichikanya nyumba ra sumesu na ra kwari. Na iro nyumba ripambilo na mbembe ra chovu nicharitotesha na iro nyumba mbaa richanonwa putu,” waghamba BWANA.

AMOSI 6:14

BWANA Uwadie-Ndighi-Rose waghamba, “Olenyi nichamredia ijeshi ja kighenyi isangenyi konyu, ee wandu wa Israeli, nawo wichamkoronga kufuma mbembe ya Hamathi cha kaskazinyi hata kamoda ka Araba cha kusinyi.”

AMOSI 6:8

Bwana MLUNGU waghema kwa uo moni, ukighamba, “Nazamilwa ni uko kukujosa kwa wandu wa Israeli na iro ngome rawo; nani nichaghufunya muzi ghwawo na vose viko andenyi yaro kwa wamaiza.”