AMOSI 2:8 - Biblia Ilagho Jiboie Kwa Wandu Wose

⁸ Wadalalia nguwo riwikilo wufunga ghwa sile rawo mbai na mbai ya kula madhahabu, na kunywa divei ya wandu wilipishiro faini andenyi ya Hekalu ya Mlungu wawo.

AMOSI 2:8 ပူးပေါင်းရင်းမြစ်များ

KUFUMA 22:25

“Kukamkopesha pesa mndungi wapo mkwanye uko mkiwa, kusakemmbusa sa msile wako, hata kusakemvara fwaida ingi anduangi.

ISAYA 57:7

Mwadajoka aighu ya mghondi mlacha, mpate kubonya wumalaya na kutasa milimu; nao aeni aho, mwadafunya vizongona.

EZEKIELI 18:12

na kumkoronga mkiwa usowagha, na kusoka, usewunjagha wufunga ghwa kilambo orekopeshereghe, utasagha milimu na kubonya wuchafu.

EZEKIELI 18:7

Usekorongagha mndungi, ela wadammbunjira msile wake icho orechiwikieghe wufunga; ndesokagha, ela wadamneka vindo uo uko na njala, na kumneka nguwo uo uko na zuna.

EZEKIELI 23:41

Wikasea kidombo aighu ya makochi gha ishima, na kuwika meza ipambilo imbiri kwawo, na kuwikiria marumba ghapo, na mavuda ghapo.

HOSEA 4:8

Mwawuyafugha kwa wundu ghwa kaung'a rawuyabonywa ni wandu wapo; nenyo mwaawuyaboilwa iji wachuria kubonya kaung'a.

HOSEA 7:14

Ndewiwuenilomba kwa loli putu, ela waawuyakukumba andonyi sa wandu wisemuichi Mlungu. Wikakalomba viro na divei wiabonya sa wandu wa iro mbari. Ni wandu winileghie putu!

AMOSI 3:14

“Ituku niwikabagha wandu wa Israeli kwa wundu ghwa kaung'a rawo, nicharitotesha madhabahu ra Betheli. Nicharichikanya mbembe rose ra madhabahu hata andoenyi.

AMOSI 4:1

Sikirenyi agha inyo waka wa Samaria, m'bandie sa ng'ombe ra Bashani rilishwagha aighu ya mighondi ya Samaria; mkorongagha wakiwa, na kuwitirira awo wisowagha na kuwizera womi wenyu, “Redenyi chofi dinyo.”

AMOSI 6:4

Ni bugha konyu inyo mkuhoreshagha aighu ya mawuli gha mbembe ra chovu, na kukughorua aighu ya makochi, mkija nyama ra ng'ondi kufuma chaghenyi, na nyama ra ngache kufuma boronyi;

AMOSI 6:6

Mnywagha divei na bakuli, na kukushinga mavuda gha marumba mecha, ela msetalagha kunoneka kwa Israeli.

1 WAKORINTHO 10:21

Ndemdimagha kunywa kikombe cha Bwana na kikombe cha pepo, hata ndemdimagha kukaia ngara na Meza ya Bwana, sena mkaie ngara na meza ya pepo anduangi.

1 WAKORINTHO 10:7

Msaketasa milimu seji wamu wawo werebonyereghe; sa iji iandikilo, “Awo wandu wereserieghe kidombo wikaja na kunywa, wikawuka kimusi na kuvina.”

1 WAKORINTHO 8:10

Ngera mundu wa nia ya wunyonge, wakuwona oho kumanyagha kwasea kidombo kukija andenyi ya hekalu ya milimu, welee, ndechaanekwa ngolo eja vindo vifunyiro kizongona kwa milimu anguwada?

WATANYI 9:27

Wikafuma na kughenda cha mbuwenyi, wikawaya zabibu kufuma kwa mbuwa rawo ra mizabibu, wikarikama na kubonya karamu. Wikangia hekalunyi ya mlungu ghwawo, wikaja na kunywa na kumseka Abimeleki.