AMOSI 2:6 - Biblia Ilagho Jiboie Kwa Wandu Wose

⁶ BWANA waghamba, “Wandu wa Israeli wabonyere kaung'a sena na sena; kwa wundu ugho nichawikaba. Wadauza wandu wa hachi wuzumbenyi awo wisedimagha kuwilipa sile rawo, wakiwa wisedimagha kulipa hata sapata.

AMOSI 2:6 ပူးပေါင်းရင်းမြစ်များ

2 WAZURI 18:11

Mzuri wa Ashuru ukawidwa Waisraeli wunyika cha Ashuru, na kuwiwika Hala, kaavui na Moda ghwa Habori, isanga ja Gozani na andenyi ya mizi ya Wamedi.

2 WAZURI 18:12

Maza iri rerebonyekieghe angu Waisraeli wereleghieghe kumsikira BWANA Mlungu wawo, wikabonya makosa ghesigha malaghano ghake, hata sharia rose rerenekeloghe Musa mdumiki wa BWANA; wikalegha putu kurisikira na kuribonya.

ISAYA 10:2

Eri mumsoke mkiwa hachi yake, na kuiwia wandu wapo hachi rawo. Mwawisoka waka wakiwa na wana wisene weke ndee hachi rawo.

ISAYA 29:21

Mlungu uchawitotesha awo wandu wiwighushagha wambao kwa kuwizighiria, awo wiwideghiagha shaghala wandu wikemiagha wuwiwi; uchawitotesha awo wandu wiwilaghashagha wandu wa loli na malagho maduu.

EZEKIELI 22:13

“Kwa huwo idana, nichakaba chui rapo kwa wundu ghwa inyo kuwusa fwaida isefwanagha, na kwa kudia bagha aghadi konyu.

JOELI 3:3

Wakabie kura aighu ya wandu wapo, wikauza wana wa womi kwa kupata malaya, na wai kwa kupata divei winyo.

JOELI 3:6

Mwawadie wandu wa Juda na Jerusalemu mkawiuza kula kwa Wagriki, na kuwiwika kula na isanga jawo.

ZEKARIA 11:5

Waghui waro wadaribwagha hata ndewinekwagha adhabu. Wadauza nyama na kughora, ‘BWANA ndekaso, dawuya wazuri wa mali nao!’ Walisha waro weni ndewine wughoma naro.”