AMOSI 2:4 - Biblia Ilagho Jiboie Kwa Wandu Wose

⁴ BWANA waghamba, “Wandu wa Juda wabonya kaung'a sena na sena; kwa wundu ugho nichawikaba. Wamenyere mafundisho ghapo na kuleghawadia memu yapo. Walaghashiro ni iyo milimu cheni ya tee eretaswagha ni weke ndee.

AMOSI 2:4 ပူးပေါင်းရင်းမြစ်များ

2 WAZURI 17:19

Ela na wandu wa Juda wori ndewerewadieghe sharia ra BWANA Mlungu wawo, kwa kukaia werenughieghe tabia ra Israeli;

2 MALAGHO GHA NGELO 25:14

Amazia umeria kuwibwagha Waedomu, oredwaeghe milungu yawo, ukaiwika ikaie milungu yake; ukaitasa na kuifunyira vizongona.

2 MALAGHO GHA NGELO 30:7

Msakekufwananisha na weke ndeyo, na wanyinyu awo wiserekoghe waloli kwa BWANA Mlungu wa weke ndee, nao ukawibonya wikaie waduu seji muwiwonagha.

NEHEMIA 1:7

Dabonyere kiwiwi nandighi aighu yako kwa kuleghabonya agho kudilaghirie. Ndedimazirie sharia rako iro koredinekieghe kwa chia ya Musa mdumiki wako.

NEHEMIA 9:26

“Ela hata huwo saki, wandu wako wikalegha kukusikira; wikaighalukia sharia yako nambai. Wikawibwagha walodi awo werewiwonyereghe, wikiwighoria wikughalukie oho. Wikakumenya oho ngelo kwa ngelo.

ISAYA 28:15

Kwa kukaia mwaghambie, “Isi dabonyere malaghano na kifwa, dabonyere mapatano na Andu kwa Wafu, hata ikabo jibirie jikadichea, ndejidipatagha. Kwa kukaia dakusaghikie na tee, na kukuvisa na wuwiwi.”

ISAYA 44:20

Kubonya huwo ni sa kuja ivu tu, walaghashwa ni maghesho gha wukelu; hata ndedimagha kukukira moni, angu kughamba, “Ado ughu mlimu nawuyawadia na mkonu ghwapo ghwa kiwomi wei ni mlungu si tee.”

JEREMIA 16:11

Niko kuchawizera, ‘Ni kwa kukaia weke ndeyo wanisighie, nawo wanughie milungu mizima, wikaidumikia na kuitasa, wikanilegha hata ndewereiwadieghe sharia yapo anduangi.

JEREMIA 16:12

Na kwa kukaia mwabonyere mawiwi kuchumba weke ndeyo, seji mwawona kula umu onyu uanugha kukua kwa ngolo yake moni na kukunda kwake, kwa kulegha kunisikira ini;

JEREMIA 17:27

Ela mkalegha kunisikira na kuleghatala ituku japo ja Sabato, mkiduka misigo enyu na kungia nayo mbengenyi ra Jerusalemu ituku ja Sabato, niko nicharikora iro mbenge, na ugho modo ghuserimikagha ghuchanona ngome ra Jerusalemu.’”

JEREMIA 6:19

Sikirenyi ee ndoenyi, nichareda mawiwi aighu ya wandu awa, nagho ni malipo gha mipango yawo; kwa kukaia ndeweresikireghe malagho ghapo, wikailegha sharia yapo.

JEREMIA 8:2

na kuanikwa airuwenyi na morinyi, na majeshi ghose gha mlungunyi, agho wereghikundieghe wikighidumikia; wikighinugha, na kughilola na kughitasa. Ndewichaatumbanywa na kurikwa, ela wichakaia sa wuchafu andoenyi.

JEREMIA 8:9

Awo wandu wa hikima wichafushwa waya, wichashinika na kuposhoka, waleghie ilagho japo, da iyo ni hikima iko andenyi kwawo?

JEREMIA 9:14

ela weenugha nia ra ngolo rawo rikurie, wikanugha Baali sa iji koni weke ndee werewifundishireghe.

EZEKIELI 13:22

Kwa kukaia mwam'bwaghie ngolo mhachi kwa tee renyu, ini nisem'bwaghie ngolo; na kumkumba ngolo mmbiwi useghaluke na kughusigha wuwiwi ghwake ukire irangi jake.

EZEKIELI 20:13

Ela hata ahoeni kireti, wandu wa Israeli werenileghieghe; wikalemwa ni kuiwadia memu yapo, wikarilegha sharia rapo wori, iro mundu ukariwadia ukaiagha moyo, na Sabato rapo wikarilusha nandighi. Niko ngawona niwikabe ahoeni kireti, na kuwimeria putu.

EZEKIELI 20:16

angu wileghie memu yapo, na kuleghaenda kwa sharia rapo; wikarilusha Sabato rapo, kwa kukaia werenughieghe milimu yawo ngolonyi kwawo.

EZEKIELI 20:18

Nani ngawizera wana wawo aho kireti: Msenughe sharia ra weke ndeyo, hata msenughe mafundisho ghawo, sena msakekulusha na milimu yawo.

EZEKIELI 20:24

angu wiserewadieghe mafundisho ghapo, hata kurinugha sharia rapo; wikarilusha Sabato rapo, na kuitasa milimu ya weke ndee.

EZEKIELI 20:30

Kwa huwo kuwizere wandu wa Israeli, Ini Bwana MLUNGU naghamba huwu, Welee, muakulusha mmbeni sa weke ndeyo, na kukulaghasha kwa kunugha milimu yawo?

EZEKIELI 22:28

Na walodi waro, weevisa agho mawiwi sa kukushinga chokaa naighu, nawo wiawona mawono ghiseko na wuloli, na kulodera wandu tee, wikighamba, ‘Bwana MLUNGU waghamba huwu,’ na BWANA useghambie ilagho jingi.

EZEKIELI 22:8

Mwavimenyere vilambo vapo va wueli, na kurinona Sabato rapo.

HOSEA 12:2

BWANA oko na mashitakio aighu ya wandu wa Juda, nao uchawikaba wandu wa Israeli kunughana na chia rawo, na kuwilipa kara kara na mabonyo ghawo.

HOSEA 12:3

Iji wawae Jakobo orekoghe kifunyi orewadieghe ghimbe ya mruna, na iji orewurieghe mundu m'baa, oresimaneghe na Mlungu.

HOSEA 6:11

“Na inyo wori ee wandu wa Juda, nakuwikia ngelo ekuneka adhabu kwa wundu ghwa agho kwawuyabonya.

AMOSI 1:3

BWANA waghamba, “Wandu wa Dameshki wabonyere kaung'a sena na sena; kwa wundu ugho nichawikaba. Wakorongie wandu wa Gileadi kwa lung'eto lubaa.

AMOSI 3:2

“Ni inyo mmbeni neremmanyireghe aghadi ya mbari rose ra ndoenyi; kwa wundu ugho, nichamkaba kwa wundu ghwa makosa ghenyu ghose.”

MIKA 6:12

Wazuri wako wa mali waawuyasoka wakiwa na inyo mmbose mooka watee.

HABAKUKI 2:18

Mlimu ghoko na fwaidaki? Ni kilambo chimu tu chibonyero ni mdamu chisedimagha kukughoria ilagho jingi ela tee nduu. Chabonyeragha fundi waro ilaghoki jiboie eri uchirumirie, mlungu ghusedimagha kudeda!

WAROMA 1:25

Wikaghalua wuloli aighu ya Mlungu, na kughuwunja tee kwa kutasa na kudumikia kindo chiumbilo wulalo ghwa Muumbi; nao nuo ukaswagha kwa kala na kala! Amen.

1 WATHESALONIKE 4:8

Kwa huwu mndungi ukamenya agha malagho, ndemmenyagha mdamu anduangi, ela uammenya Mlungu; uo umnekagha inyo Roho wake Mweli.

1 PETRO 1:18

Angu mwamanya morekombologhe kufuma kwa iro chia renyu ra wuduu ra kala, iro moreriwadieghe kufuma kwa weke ndeyo; si kwa vilambo vinonekagha sa feza angu dhahabu anduangi,

WATANYI 10:6

Wandu wa Israeli wikam'bonyera BWANA kaung'a sena; wikawidumikia weke Baali na Ashtarothi, chiaimweri na milungu ya Siria, na Sidoni, ya Moabu na ya Waamoni, na milungu ya Wafilisti, wikamsigha BWANA hata ndeweremdumikieghe anduangi.