AMOSI 2:13 - Biblia Ilagho Jiboie Kwa Wandu Wose

¹³ Olenyi nichamfasha aeni muko, seji igare jifashagha ndoe ingelo jadukishirwa viro.

AMOSI 2:13 ပူးပေါင်းရင်းမြစ်များ

KUZOYA 37:7

Ola derekoghe diwose mbuwenyi dikifunga mario gha ngano, nao ngashinika! Ngawona irio japo jikikaia kimusi, na mario ghenyu ghikajimara mbai-mbai jija irio japo na kujighoghomia.”

AYUBU 39:12

Kwadima kuisuwiria ikukwanyira makuwido ghako, na kureda viro vako andu kuvichaniagha?

ZABURI 78:40

Ni kalinga werekoghe wikimlegha kireti, na kumvavira ngolo ikarenyi!

ISAYA 1:14

Roho yapo yadazamilwa ni kutasa konyu kwa Ndima ra Mori Lukombe na Sabato, ranilemeria nandighi sidimagha kuriduka.

ISAYA 43:24

Ndekunighue marumba na pesa rako, hata kunibonya nikato ni mavuda gha vizongona vako. Ela korenilemeshereghe kwa kaung'a rako na kunisirisha ndighi kwa mawiwi ghako.

ISAYA 7:13

Isaya ukatumbulia, “Idana sikira, ee mwana wa kivalwa cha Daudi, Welee, konyu ni ilagho itini kuwisirisha wandu ndighi na hata kumsirisha Mlungu wapo ndighi wori?

EZEKIELI 16:43

Kwa kukaia kwaliwie seji nerekubonyereghe matuku gha wanake ghwako, kukanivavira kwa iro maza rose kubonyere, nichalipia kisasi aighu yako; ini Bwana MLUNGU naghamba. Welee, ndekubonyere wulaki aighu ya wuchafu ghwako ghose kubonyere?

EZEKIELI 6:9

Wichanikumbuka ahoeni weredwaloghe wunyika aghadi ya iro mbari ra wandu, nyuma ya kuwikaba kwa wundu ghwa iro ngolo rawo risene wuloli riwishekerie kunilegha, na meso ghawo ghichue bea kwa wundu ghotasa milimu. Wichakuzamia weni kwa wundu ghwa agho mawiwi ghawo wereghibonyereghe, chiaimweri na maza ra wuchafu rose wiribonyere.

MALAKI 2:17

Mwamsirishire BWANA na malagho ghenyu. Ela inyo mwaawuyakotia, “Damsirishire wada?” Mwamsirishire kwa kughamba, “BWANA Uwadie-Ndighi-Rose wadaghesha wabonyi kiwiwi wose waboie; kwa loli wawikunde.” Na sena kwa kukotia, “Oko hao Mlungu wa hachi?”

MITALO 7:3

wereredieghe mafunyo ghawo imbiri ya BWANA, wikareda magare ghekokota arandadu ghifinikiro, na ng'ombe ikumi na iwi; igare jimweri kwa vilongozi viwi, na kula kilongozi njau imweri; nawo wikavifunya imbiri ya Hema.