AMOSI 2:11 - Biblia Ilagho Jiboie Kwa Wandu Wose

¹¹ Ngawiwusira wana wamu wenyu wikaie walodi, na wamu wa irika wikaie Wanaziri. Wele, huwo siko erekoghe konyu ee inyo wandu wa Israeli?

AMOSI 2:11 ပူးပေါင်းရင်းမြစ်များ

1 WAZURI 17:1

Mlodi uwangwaghwa Elija wa isanga ja Tishbi jiko Gileadi ukamzera Ahabu, “Kwa irina ja BWANA Mlungu wa Israeli ukaiagha moyo, uo Mlungu nimdumikiagha, vua ndeichaanya ndoenyi hata mami ghangi kuwoneka isaakaia kwa ilagho nichaajighora.”

1 WAZURI 18:4

hata iji Jezebeli orekoghe ukiwibwagha walodi wa BWANA, Obadia orewivisireghe walodi ighana mbangenyi kwa kuwiwagha vipughi viwi va mirongo-misanu mirongo-misanu; ukakaia ukiwineka vindo na machi.)

1 WAZURI 19:16

na Jehu mwana wa Nimshi kumdunge mavuda uwuye mzuri wa Israeli, na Elisha mwana wa Shafati wa Abel-mehola, kumdunge mavuda uwuye mlodi wulalo ghwako.

1 WAZURI 20:13

Nao mlodi ukamchea Ahabu mzuri wa Israeli ukamzera, “BWANA wakuzera iji izungu ibaa ja wandu kwawuyajiwona uchajingira mikonunyi kwako idime, na oho kuchamanya kukaia uo ni BWANA.”

1 WAZURI 20:35

Nao mndumu wa kipughi cha walodi ukamzera mmbao umu kwa momu ghwa BWANA, “Nakulomba kunikabe.” Ela uja mmbao ukalegha kumkaba.

1 WAZURI 20:41

Nao uja mlodi ukainja chija kitambaa uchifungieghe wushunyi shwa wori, na mzuri ukammanya kukaia ni umu wa walodi.

1 WAZURI 22:8

Ahabu ukamzera Jehoshafati, “Wasigharika mundu umweri okotia, nao ni Mikaia mwana wa Imla; ela wadanizamia angu jingi usenilodiagha mecha, ela wadanilodera mawiwi toe.” Jehoshafati ukaghamba, “Ii hata, kuseghore huwo.”

2 WAZURI 17:13

Na BWANA orewikanieghe ukiwiwonyera Israeli na Juda kwa memu ya kula mlodi na kula mmboni ukighamba, “Ghalukenyi msighe chia renyu rizamie, muiwadie memu yapo na sharia rapo iro nerewilaghirieghe weke ndeyo na iro nerewidumieghe wadumiki wapo wimghorie.”

2 WAZURI 6:1

Ituku jimu, kipughi cha walodi wikamzera Elisha, “Wona, andu kudinekie kokaia ni kutini ndekudikatagha.

2 MALAGHO GHA NGELO 36:15

BWANA, uo Mlungu wa weke ndee, orekoghe ukiwidumia wadumwa wake sena na sena, angu orekoghe na wughoma kwa wandu wake, na Andu kwake Kokaia.

JEREMIA 11:21

Kwa huwo BWANA waghamba huwu aighu ya wandu wa Anathothi; awo wikunde kukubwagha waawuyaghamba, “Kusakeloda kwa irina ja BWANA dichekubwagha” -

JEREMIA 2:31

Na inyo ee mbari ya Israeli, nisikirenyi ini BWANA. Huwo neewuya kireti angu kira chikambie kwa Israeli? Kwaki sena wandu wapo wighambagha, ‘Isi deko huru, ndedichawuya kwako sena?’

JEREMIA 2:5

BWANA waghamba welee, “Ni ikosaki weke ndeyo wijiwonie kwapo, hata jikawibonya wighende kula nani; wikatasa milimu ya kisha, nawo weni wikawuya wandu wa kisha?

JEREMIA 26:11

Niko wakohani na walodi wikawizera wabaa chiaimweri na wandu wose, “Umundu wafwane utanyo kifwa, kwa kukaia wafunyire wulodi kiwiwi aighu ya ughu muzi, sa iji koni mwasikira kwa madu ghenyu gheni.”

JEREMIA 7:25

Kufuma ituku jija nerewifunyireghe weke ndeyo isanga ja Misri hata idime, sisighie jingi kuwidumia wazumba wapo tuli tuli,

KILILO CHA JEREMIA 4:7

Wabaa wedu ndewerelushiroghe; werekoghe wielie sa thaluji, wiko na ndighi na wubanana.

MIKA 2:6

Wandu waawuyanizera, “Kusedichilie. Kusechileghe maza iri. Mlungu ndechaadibonya kiwiwi anduangi.

MABONYO GHA WADUMI 4:18

Niko wikawiwanga wingie; wikawikania wiseghore putu hata kufundisha kwa irina ja Jesu.

MABONYO GHA WADUMI 5:28

“Deremlaghirieghe nandighi msefundishe kwa irina iji, ela hoku mwaichura Jerusalemu yose na mafundisho ghenyu, nenyo mookunda kureda njowe ya bagha ya mundu uhu aighu yedu.”

MABONYO GHA WADUMI 7:51

“Inyo wandu mghilikie mseghalukagha, ngolo renyu na madu ghenyu gheeka sa gha watasi milimu, matuku ghose mwadamtangala Roho Mweli, sa iji koni weke ndeyo werekoghe wikibonya.

WUKUMBUSO 18:18

Nichawiwusiria mlodi ufumagha aghadi ya waruna uko sa oho, nani nichamghoria malagho ghapo, agho uchaawighoria.

1 SAMUELI 19:20

Ukaduma wandu wiendemuonda Daudi. Nao iji wawona izungu ja walodi wikifunya wulodi, na Samueli uko aghadi kwawo sa m'baa wawo, Roho wa BWANA ukawiseria awo wandu wa Sauli, nawo weni wikazoya kufunya wulodi.

1 SAMUELI 3:20

Na Waisraeli wose kufuma Dani hata Beer-sheba wikamanya kukaia Samueli wamerie kuwikwa ukaie mlodi wa BWANA.