AMOSI 2:10 - Biblia Ilagho Jiboie Kwa Wandu Wose

¹⁰ Sena neremfunyireghe isanga ja Misri, ngamlongoza kireti miaka mirongo ina, na kumneka isanga ja Waamori.

AMOSI 2:10 ပူးပေါင်းရင်းမြစ်များ

NEHEMIA 9:21

Korewinekieghe kula kilambo kwa miaka mirongo ina nguwo rawo ndererefueghe, hata maghu ghawo ndegherevimbieghe anduangi,

ZABURI 95:10

Kivalwa icho cherenivavirieghe ngolo kwa miaka mirongo ina. Ngaghamba, “Ni wandu wisenisikiragha, hata ndewitalagha Sharia rapo anduangi.”

KUFUMA 12:51

Ituku jija jeni, BWANA ukaghiwifunya majeshi gha wandu wa Israeli wifume isanga ja Misri.

KUFUMA 20:2

“Ini ne BWANA Mlungu wako, nerekufunyireghe isanga ja Misri, kufuma wuzumbenyi.

KUFUMA 3:8

niko nasea nipate kuwikira kufuma mikonunyi kwa Wamisri; niwifunye na kuwireda isanga jiboie, ibaa, isanga jinorie nandighi; isanga ja Mkanaani, Mhiti, Muamori, Mperizi, Mhivi, na Mjebusi.

JEREMIA 2:6

Ndewicheeghora, ‘Uja BWANA udijosere kufuma isanga ja Misri lee oko hao, uo oredighenjereghe kireti isanga ja teri na makorongo; andenyi ya isanga jiomie ja kira kibaa, isanga jiseidwagha hata kukailwa ni mndungi?’

EZEKIELI 20:10

“Kwa huwo ngawifunya isanga ja Misri na kuwighenja kireti.

AMOSI 3:1

Inyo wandu wa Israeli, sikirienyi ijo ilagho BWANA waghora aighu yenyu; aighu ya mbari yose oreijosereghe kufuma isanga ja Misri:

AMOSI 9:7

BWANA waghamba, “Wandu wa Israeli, naawuyawiririkanya wandu wa Ethiopia seji nimririkanyagha inyo. Nawijosere Wafilisti kufuma Krete, na Wasiria kufuma Kiri seji neremjosereghe kufuma Misri.

MIKA 6:4

Ini namredie kufuma isanga ja Misri; namkombue kufuma wuzumbenyi. Namdumie Musa, Haruni, na Miriamu umlongoze.

MITALO 13:32

Kwa huwo wikawiredia wandu wa Israeli malagho ghizamie gha ijo isanga wereghendieghe kujizighana wikighamba, “Isanga dereghendieghe kujizighana na kuida aghadi yaro, jadaja wandu waro, na wandu wose diwiwonie aho ni wabaa loli-loli.

MITALO 21:25

Waisraeli wikawada mizi yose ya Waamori na kukaia andenyi. Wikakaia andenyi ya Heshboni, na iyo mizi yaro mitini-mitini.

MITALO 32:13

Na BWANA ukajokwa ni machu aighu ya wandu wa Israeli, na kuwibonya wimare-mare kireti miaka mirongo ina, hata icho kivalwa chose cherebonyereghe mawiwi, chikasia.

MABONYO GHA WADUMI 13:18

na kwa miaka mirongo ina ukarumaghianya nawo kireti.

MABONYO GHA WADUMI 7:42

Ela Mlungu ukaghaluka na kuwisigha witase nyerinyeri ra mlungunyi, sa iji koni iandikilo chuonyi cha walodi: ‘Wele Waisraeli, huwo ni ini morekoghe mkinibwaghia vizongona miaka mirongo ina kireti?

WUKUMBUSO 1:39

Chiaimweri na huwo, awana wenyu moreghambagha wei wichawadwa ni wamaiza, na aweni wiko idime wiseichi mecha na mawiwi, wichangia aho; nawo nichawineka ijo isanga jikaie jawo.

WUKUMBUSO 2:7

“BWANA Mlungu onyu wamerie kumrasimia kwa kazi rose mwawuyabonya, waichi seji mghendagha aghadi ya ichi kireti kibaa; miaka ihi yose mirongo ina, BWANA Mlungu onyu orekoghe andwamweri nenyo; hata ndemsowie kindo chingi anduangi.

JOSHUA 13:4

ijo isanga jose jerekoghe ja Wakanaani, na Meara (najo ni isanga ja Wasidoni) hata Afeki mpakenyi ghwa Waamori;

JOSHUA 24:8

Niko ngamreda kwa isanga ja Waamori awo werekoghe mashariki ya Jordani. Wikalwa nenyo, ela ngawingira mikonunyi konyu, mkajiwusa isanga jawo, nani ngawitotesha imbiri konyu.