AMOSI 1:9 - Biblia Ilagho Jiboie Kwa Wandu Wose

⁹ BWANA waghamba, “Wandu wa Tiro wabonyere kaung'a sena na sena; kwa wundu ugho nichawikaba. Wadwae mbari yose wunyika cha isanga ja Edomu, hata ndeweretalieghe ighemi werejibonyereghe ja kiwughenyi.

AMOSI 1:9 ပူးပေါင်းရင်းမြစ်များ

2 SAMUELI 5:11

Niko Hiramu mzuri wa Tiro ukaduma wandu kwa Daudi, chiaimweri na midi ya sida; na mafundi gha mbau na gha magho, ghikamuaghia Daudi ngome.

ZABURI 83:7

Wagebali, Waamoni na Waamaleki; Wafilisti na wandu wikaiagha Tiro;

JEREMIA 25:22

wazuri wose wa Tiro, wazuri wose wa Sidoni, na wazuri wa masanga gha pwani kimonu cha Bahari ya Mediterania;

JEREMIA 47:4

angu ijo ituku jewitotesha Wafilisti javika, na kuinja masighariko gha wandu werekoghe witesie Tiro na Sidoni. Angu BWANA waawuyawitotesha Wafilisti, agho masighariko gha wandu wikaiagha pwani ya Kaftori.

EZEKIELI 27:1

BWANA ukaghora nani ukighamba,

EZEKIELI 27:27

Kuchaneng'ena andu kumilie baharinyi ituku jako jenonwa chiaimweri na mali rako, na vilambo vako wandu wako wa biashara, wabonyi kazi wako wa melinyi, waghenjeshi meli wako, na wandu wako wengira kalafati, wandu m'bonyanye biashara, na wandu wako wose wa wuda wiko andenyi, chiaimweri na wangara wako wose mkwanye.

EZEKIELI 28:1

BWANA ukaghora nani ukighamba,

EZEKIELI 28:18

Korenonieghe malalo ghako gha wueli, kwa wundu ghwa biashara yako isewadie hachi; na kwa wundu ghwa mawiwi ghako mengi; niko ngafunya modo aghadi kwako ghukakukora, ngakuwunja maivu andoenyi mesonyi kwa wose werekuwonieghe.

AMOSI 1:11

BWANA waghamba, “Wandu wa Edomu wabonyere kaung'a sena na sena; kwa wundu ugho nichawikaba. Werewiwingieghe waruna Waisraeli, hata ndewerewiwonieghe wughoma. Machu ghawo ndegherekoghe na kipimo, ghisesiagha.

AMOSI 1:6

BWANA waghamba, “Wandu wa Gaza wabonyere kaung'a sena na sena; kwa wundu ugho nichawikaba. Wadwae mbari yose wunyika, na kuwiuza kwa wandu wa Edomu wikaie wazumba.

OBADIA 1:11

Ituku wamaiza werechikanyireghe mbenge rawo, korekoghe kimusi aeni. Korekoghe mmbiwi karakara na waja waghenyi weredukagha mali ra Jerusalemu na kuwaghiana weni na weni.

ZEKARIA 9:1

Agha ni malagho gha BWANA: Waghambie uchakaba isanga ja Hadraki, na muzi ghwa Dameshki. Si mizi ya vichuku va Israeli tu, ela hata na muzi m'baa ghwa Siria ni ghwa BWANA.

MATHAYO 11:21

“Ni bugha kwako Korazini! Ni bugha kwako Bethsaida! Kwa kukaia weke mwakilimbiti werebonyeroghe kwako, ngera wedebonyerwa Tiro na Sidoni, kumangu wamerie kuhea koicho wikirwa nguwo ra magunia na kukudunga maivu.

MATHAYO 11:22

Ela namghoria loli, Ituku ja Kutanywa, kukabwa kwa Tiro na Sidoni kukaia baa kuchumba inyo.

LUKA 10:13

“Ni bugha kwako Korazini! Ni bugha kwako Bethsaida! Angu weke mwakilimbiti wibonyekie kwako, ngera wedebonyerwa Tiro na Sidoni, kumangu wamerie kuhea koicho, wikirwa nguwo ra magunia na kusea kidombo ivunyi.

LUKA 10:14

Ela ichakaia baa kwa Tiro na Sidoni kuchumba inyo Ituku ja Kutanywa.