AMOSI 1:6 - Biblia Ilagho Jiboie Kwa Wandu Wose

⁶ BWANA waghamba, “Wandu wa Gaza wabonyere kaung'a sena na sena; kwa wundu ugho nichawikaba. Wadwae mbari yose wunyika, na kuwiuza kwa wandu wa Edomu wikaie wazumba.

AMOSI 1:6 ပူးပေါင်းရင်းမြစ်များ

2 MALAGHO GHA NGELO 28:18

Na Wafilisti werebonyereghe wuda na mizi ya Shefela, Negebu Juda; wikawada Beth-shemeshi, Aijaloni, Gederothi, Soko na mizi yaro mitini, Timna na mizi yaro mitini, na Gimzo na mizi yaro mitini; wikakaia aho.

JEREMIA 47:1

Iji nijo ilagho BWANA orenighorieghe aighu ya Wafilisti, imbiri mzuri wa Misri usekabie Gaza.

EZEKIELI 35:5

Angu korekoghe na wumaiza ghwa toe na wandu wa Israeli, kwa Waisraeli, kukawifunya wibwagho wudenyi ngelo ya wasi ghwawo, ngelo ya kukabwa kwawo kwa kutua.

JOELI 3:4

“Mwawuyakunda kunilipa kwa wundu ghwa kilambo chimu? Ikakaia ni huwo, nichamlipa kwa shwa-shwa mabonyo ghenyu gheni m'bonyere.

JOELI 3:6

Mwawadie wandu wa Juda na Jerusalemu mkawiuza kula kwa Wagriki, na kuwiwika kula na isanga jawo.

AMOSI 1:11

BWANA waghamba, “Wandu wa Edomu wabonyere kaung'a sena na sena; kwa wundu ugho nichawikaba. Werewiwingieghe waruna Waisraeli, hata ndewerewiwonieghe wughoma. Machu ghawo ndegherekoghe na kipimo, ghisesiagha.

AMOSI 1:3

BWANA waghamba, “Wandu wa Dameshki wabonyere kaung'a sena na sena; kwa wundu ugho nichawikaba. Wakorongie wandu wa Gileadi kwa lung'eto lubaa.

AMOSI 1:7

Kwa huwo nichaduma modo aighu ya wurigha ghwa muzi ghwa Gaza, na kurikora ngome rake.

AMOSI 1:9

BWANA waghamba, “Wandu wa Tiro wabonyere kaung'a sena na sena; kwa wundu ugho nichawikaba. Wadwae mbari yose wunyika cha isanga ja Edomu, hata ndeweretalieghe ighemi werejibonyereghe ja kiwughenyi.

OBADIA 1:11

Ituku wamaiza werechikanyireghe mbenge rawo, korekoghe kimusi aeni. Korekoghe mmbiwi karakara na waja waghenyi weredukagha mali ra Jerusalemu na kuwaghiana weni na weni.

ZEKARIA 9:5

Muzi ghwa Ashkeloni ghuchawona na kuobua; muzi ghwa Gaza ghuchawona agho na kuwawa nandighi. Na muzi ghwa Ekroni wokoni ghuchanyamirwa na isuwirio jawo wori jichasia. Mzuri ufumagha Gaza uchasoweka, na Ashkeloni ghuchasigharika ghusene wandu.

MABONYO GHA WADUMI 8:26

Nao malaika wa Bwana ukamzera Filipo, “Wuka kughende cha kusinyi, kuvike ija chia iseagha cha Gaza kufuma Jerusalemu.” Chia ihi iaidiria kireti.

1 SAMUELI 6:17

Fwana ra dhahabu rerefunyiroghe ni Wafilisti kulipia wuwiwi ghwawo kwa BWANA niro iri: fwana imweri kwa wundu ghwa Ashdodi, na imu kwa wundu ghwa Gaza, na imu kwa wundu ghwa Ashkeloni, na imu kwa wundu ghwa Gathi, na imu kwa wundu ghwa Ekroni.