AMOSI 1:5 - Biblia Ilagho Jiboie Kwa Wandu Wose

⁵ Nichachikanya mbenge ra Dameshki, na kuwibwagha wandu wikaiagha andenyi ya Vololo ya Aveni, na m'bonyi nguma ufumagha Beth-aveni. Wandu wa Siria wichadwalwa wunyika cha Kiri.”

AMOSI 1:5 ပူးပေါင်းရင်းမြစ်များ

2 WAZURI 14:28

Mabonyo ghose gha Jeroboamu ubonyere, na kudima kwake, na seji uluye wuda na kujiwunja isanga ja Dameshki na Hamathi cha Israeli, agho gherekoghe masanga gha Juda, ghaandikilo andenyi ya Chuo cha Malagho gha Ngelo cha Wazuri wa Israeli.

2 WAZURI 16:9

Mzuri wa Ashuru ukamsikira, ukaghujokia muzi ghwa Dameshki ukaghuwada; na kudwa wandu waro wunyika hata Kiri; ukam'bwagha Rezini.

ISAYA 22:6

Majeshi ghafuma Elamu ghameria kucha wiko na ndana na mawanu, wajoka magare na farasi; na Kiri wawada ngao.

ISAYA 43:14

BWANA, uo Mkomboli wako, Mlungu Mweli wa Israeli, waghamba huwu, “Nichaduma majeshi Babuloni kwa wundu ghonyu, wipate kuwidwa Wababuloni andenyi ya meli rawo sa wakimbii, na kukukasa kwawo kuchaghaluswa kuwuye kililo.

ISAYA 8:4

kwa kukaia, imbiri mwana uhu usemanyire kuwanga ‘Aba’ angu ‘Mao,’ mali ra Dameshki na vilambo viwadilo wunyika va Samaria vichadukwa ni mzuri wa Ashuru.”

JEREMIA 50:36

Kifwa kwa walaghui, awo ni makelu! Kifwa kwa mang'oni ghake gha wuda, wakambwa ni chongo!

JEREMIA 51:30

Masikari gha Babuloni ghiko mang'oni ghameria kuleka wuda, nawo wasigharika andenyi ya ngome rawo; ndighi rawo ramerie kusia, wikawuya sa waka; malalo ghake ghekaia ghameria kukorwa, na vuma vawo verugha vameria kuchikanywa.

KILILO CHA JEREMIA 2:9

Mbenge raro reerikika, mirigho yaro ikaachika vipande vipande; mzuri na wandu wa ishima weebarishwa. Chuo cha Sharia ndechiwuefundishwa, na walodi ndewiwadie mafunuo ghangi kufuma kwa BWANA.

EZEKIELI 27:23

Harani, Kane, Edeni, Ashuri na Kimadi werebonyereghe biashara na oho.

EZEKIELI 30:17

Wandu wa irika wa Oni na wa Pibesethi wichabwaghwa wudenyi, na waka wichadwalwa wunyika.

HOSEA 10:8

Andu kwa ighu kwa wulaghe-laghe, korebonyeroghe kwa wundu ghwa Israeli kutasa milimu kuchanonwa. Kuchabukwa ni minjwa na mtaranganga, nayo ichazoghua na kufinikira madhabahu rawo. Wandu wichaizera mighondi mibaa na mitini, “Dighuenyi mudifinikire.”

AMOSI 5:5

Msenilole Betheli; mseghende Gilgali hata mseghende Beer-sheba kutasa; kwa kukaia loli wandu wa Gilgali wichadwalwa wunyika, na Betheli ichasighwa nduu.”

AMOSI 9:7

BWANA waghamba, “Wandu wa Israeli, naawuyawiririkanya wandu wa Ethiopia seji nimririkanyagha inyo. Nawijosere Wafilisti kufuma Krete, na Wasiria kufuma Kiri seji neremjosereghe kufuma Misri.

NAHUMU 3:13

Masikari ghenyu gheeka sa waka, na isanga jenyu ndejiwadie wulindiri imbiri ya wamaiza wenyu; luvuna lonyu lookorwa ni modo.