AMOSI 1:4 - Biblia Ilagho Jiboie Kwa Wandu Wose

⁴ Kwa huwo nichaduma modo ghukore ngome rereaghiloghe ni Mzuri Hazaeli, nagho ghuchakora ngome ra muzi ghwa Mzuri Ben-hadadi.

AMOSI 1:4 ပူးပေါင်းရင်းမြစ်များ

1 WAZURI 19:15

BWANA ukamzera, “Wuya na ija chia ya kireti cha Dameshki; kukameria kungia mzinyi, kumdunge Hazaeli mavuda uwuye mzuri wa Siria,

2 WAZURI 13:25

Niko Jehoashi mwana wa Jehoahazi ukawusa mizi yose erewadiloghe ni ndee Jehoahazi ngelo ra wuda. Joashi ukamsima Ben-hadadi mando adadu, ukaiwunja mizi ya Israeli.

2 WAZURI 13:3

Nao machu gha BWANA ghikawuka aighu ya Israeli, ukawifunya na kuwingira mikonunyi kwa Hazaeli mzuri wa Siria, na kwa Ben-hadadi mwana wa Hazaeli.

2 WAZURI 6:24

Konyuma Ben-hadadi mzuri wa Siria ukakwanya ijeshi jake jose, ukajoka na kughurughaia muzi ghwa Samaria.

2 MALAGHO GHA NGELO 16:2

Niko Asa ukawada feza na dhahabu rerekoghe andenyi ya mali ya Hekalu ya BWANA na ngome ya mzuri, ukamdumia Ben-hadadi mzuri wa Siria orekoghe ukikaia Dameshki ukighamba,

JEREMIA 17:27

Ela mkalegha kunisikira na kuleghatala ituku japo ja Sabato, mkiduka misigo enyu na kungia nayo mbengenyi ra Jerusalemu ituku ja Sabato, niko nicharikora iro mbenge, na ugho modo ghuserimikagha ghuchanona ngome ra Jerusalemu.’”

JEREMIA 49:27

Nichakora mawurigha gha Dameshki, na modo ghwaro ghuchakora na kumeria ngome rose ra Mzuri Ben-hadadi, ini BWANA wa majeshi naghamba.”

EZEKIELI 30:8

Aho wichamanya kukaia Ini ne BWANA ingelo nichaaikora Misri, na wandu wose weremteserieghe.

EZEKIELI 39:6

Nichareda modo aighu ya Magogu na kwa awo wikaiagha nicha masanga gha pwani; nawo wichamanya kukaia ini ne BWANA.

HOSEA 8:14

“Wandu wa Israeli waaghie ngome, ela wamliwie Muumbi wawo. Wandu wa Juda waaghie mizi ya ngome, ela nichaduma modo aighu ya iyo mizi ghukore ngome na mizi yawo.”

AMOSI 1:10

Kwa huwo nichaduma modo aighu ya wurigha ghwa Tiro, nagho ghuchakora ngome rake.”

AMOSI 1:12

Kwa huwo nichaduma modo aighu ya muzi ghwa Temani, na kurikora ngome ra Bosra.”

AMOSI 1:14

Kwa huwo nichaduma modo aighu ya wurigha ghwa muzi ghwa Raba, nagho ghuchakora ngome rake. Kuchakaia na ngemi ituku ja wuda, nagho ghuchabia sa kiremba.

AMOSI 1:7

Kwa huwo nichaduma modo aighu ya wurigha ghwa muzi ghwa Gaza, na kurikora ngome rake.

AMOSI 2:2

Kwa huwo nichaduma modo aighu ya isanga ja Moabu, nagho ghuchakora ngome ra Keriothi. Wandu wa Moabu wichafwa wikidoghoda na kukema awudenyi na tarumbeta rikikabwa.

AMOSI 2:5

Kwa huwo nichaduma modo aighu ya Juda, nagho ghuchakora ngome ra Jerusalemu.”

WATANYI 9:57

wokoni Mlungu ukalipia ghuja wuwiwi ghorebonyeroghe ni wandu wa Shekemu; wikachelwa ni njowe sa iji koni Jothamu mwana wa Jerubaali orewilodereghe.