AMOSI 1:2 - Biblia Ilagho Jiboie Kwa Wandu Wose

² Amosi ukaghamba, “BWANA waruruma kufuma Mghondi ghwa Sinai; wadeda kufuma Jerusalemu. Milamba elisha yaoma, na nyasi aighu ya Mghondi ghwa Karmeli rawuya manjano.”

AMOSI 1:2 ပူးပေါင်းရင်းမြစ်များ

ZABURI 29:4

Lwaka lwa BWANA lwasikirika, luko na ndighi na wubaa mungi.

ZABURI 46:6

Mbari ra wandu rabonya nganyi, mawuzuri ghasughusika; Mlungu wadeda, na ndoe ikasagha.

MAKATANISHO 20:2

Machu ghioboshagha gha mzuri, ni sa kururuma kwa shimba; mundu ukam'bonya ujoko ni machu, wadalaghasha irangi jake.

ISAYA 33:9

Isanga jeewuya ja wasi, jiasia; msidu ghwa Lebanoni ghoonyaya na kunoneka, Sharoni eeka sa ikara; hata aho Bashani na Mghondi ghwa Karmeli midi eewadwa ni pambari na kupotua malemba.

ISAYA 35:2

jichafunya mboi kwa wungi, na kuboilwa; jikizuma na kubora. Ijo ikara jichaghoka sa mighondi ya Lebanoni, na kuboa sa mbuwa ra Karmeli na Sharoni. Wandu wose wichaghuwona wubaa ghwa BWANA na ndighi ra Mlungu odu.

ISAYA 42:13

BWANA wafuma karakara na ing'oni, wawukwa ni mware na kukema kara kara na mundu wa wuda; kuwonyera ndighi rake kwa wamaiza wake.

JEREMIA 12:4

Isanga na nyasi ra mbuwenyi rikaia riomie hata lii? Nyamandu ra isakenyi na nyonyi ramerie kutota, kwa wundu ghwa wuwiwi ghwa awo wandu wiko andenyi yaro; wandu waghambie, “Mlungu ndedimagha kuwona agho dawuyabonya.”

JEREMIA 14:2

“Juda waawuyalila, na mizi yake yaawuyasia. Wandu wake waalala andonyi wikilila kwa wasi, na kililo chaawuyasikirika kufuma Jerusalemu.

JEREMIA 25:30

“Kwa huwo oho Jeremia, kuchawifunyira wandu awa wulodi ghwa agha malagho ghose nakughoria: ‘BWANA ucharuruma kufuma koighu, kufuma andu ukaiagha kwa wueli, uchafunya lwaka lwake; ucharuruma kwa ndighi mbaa aighu ya maranu ghake uchakema sa awo wandu wikamagha zabibu, aighu ya wandu wose wikaiagha ndoenyi.

JEREMIA 28:8

Walodi wose werekoghe imbiri ya oho na ini ngelo ra kala werefunyireghe wulodi ghwa wuda, njala, na saka izamie aighu ya masanga mengi, na mawuzuri mabaa.

JEREMIA 50:19

Nichabonya wandu wa Israeli wiwuye isangenyi jawo, nawo wichakaia wikija vindo vilimwagha aho Karmeli na Bashani; wichaghuda aighu ya mighondi ya Efraimu na Gileadi.

HOSEA 11:10

“Wandu wapo wichaninugha, iji nawirurumia wamaiza wawo sa shimba. Wichashashira kunikimbiria wikisughusika kufuma magharibi.

HOSEA 13:8

Nichamramia chienyi sa dubu wasokwa wana wake; nichamrashua-rashua na kumja shwa wori sa shimba, seji nyamandu ya isakenyi irashuagha.

JOELI 1:19

Nakukemia oho ee BWANA, kwa kukaia malisho ghose na midi eeoma putu; seji eekorwa.

JOELI 2:11

BWANA wajifunyira momu ijeshi jake, najo ijeshi ja wandu wake wengi wiwadie ndighi jakatisha malaghiro ghake. Ituku ja BWANA ni ibaa jeobosha; nani udimagha kujirumaghia?

JOELI 3:16

BWANA wadoka kufuma Mghondi ghwa Sioni lwaka lwake lwaruruma kufuma Jerusalemu; mawingunyi na ndoenyi kwasughusika. Ela BWANA uchawilindia wandu wake.

AMOSI 9:3

Hata wikuvise aighu ya Mghondi ghwa Karmeli, nichawinugha aho na kuwiwada; hata wikeduakuvisa kondonyi andu kumilie baharinyi nisewiwone, nichaduma choka aho iwilume.

NAHUMU 1:4

Wadaidokia bahari na kuiomera, wadaomera meda yose. Mbuwa ra Bashani ranyaya, na Mghondi ghwa Karmeli ghwaoma. Maua gha Lebanoni ghasia.

1 SAMUELI 25:2

Na aho Maoni korekoghe na mndumu orekoghe na ndoe aja Karmeli. Mundu uo, orekoghe mzuri wa mali; ng'ondi elfu idadu, na mburi elfu imweri. Orekoghe ukidumbua ng'ondi rake mafuri aja Karmeli.