AMOSI 1:14 - Biblia Ilagho Jiboie Kwa Wandu Wose

¹⁴ Kwa huwo nichaduma modo aighu ya wurigha ghwa muzi ghwa Raba, nagho ghuchakora ngome rake. Kuchakaia na ngemi ituku ja wuda, nagho ghuchabia sa kiremba.

AMOSI 1:14 ပူးပေါင်းရင်းမြစ်များ

2 SAMUELI 11:1

Nao iji kimu chavika, ingelo wazuri wighendagha wudenyi, Daudi ukamduma Joabu na wabaa, na majeshi gha Waisraeli wose. Wikawikaba Waamoni na kughumara muzi ghwa Raba. Ela Daudi ukasigharika Jerusalemu.

2 SAMUELI 12:26

Joabu ukabonya wuda na Raba muzi ghwa Waamoni na kughuwada ugho muzi ghwa kiwuzuri.

2 SAMUELI 12:31

Ukawidwa wunyika wandu wa ugho muzi, ukawiwika wibonye kazi na misumeno, na sururu ra chuma, na masoka gha chuma; ukawiwika wibonyeghe matofali. Na huwo niko orebonyereghe kwa mizi yose ya Waamoni. Niko Daudi na wandu wose wikawuya Jerusalemu.

1 MALAGHO GHA NGELO 20:1

Kimu cha ghadi na ghadi ya kwari na sumesu, ingelo wazuri wifumagha kwendalwa wuda, Joabu ukajilongoza ijeshi, ukajiwada isanga ja Waamoni. Wikacha na kughumara muzi ghwa Raba, ela Daudi ukasigharika Jerusalemu. Joabu ukaghukaba muzi ghwa Raba ukaghusima.

AYUBU 39:25

Tarumbeta ikakabwa, farasi riakema; ranukilwa ni wuda ghuko kula. Rasikira chwaka ra wabaa rikilusha wuda.

ZABURI 83:15

huwo koni kwa kuwikimbirishe kwa kiremba chako, na kuwiobosha kwa mbeo yako mbaa.

ISAYA 29:6

kuchachelwa ni BWANA wa majeshi, kukuvuvua kwa lukuwa na msughusiko ghwa ndoe; na lwaka lubaa, na kikulughulu na kiremba; na lumu lwa modo lukoragha.

ISAYA 30:30

BWANA uchabonya lwaka lwake lwa nguma lusikirike, na ndighi ya ikabo ja machu ghake iwoneke; kuchakaia na lumu lwa modo lukumbagha andenyi ya iwingu ibaa chiaimweri na kiremba na vua ya magho.

ISAYA 9:5

Kula chadu cha mundu wa wuda, na kula nguwo iwadie bagha, ichakorwa sa mbande.

JEREMIA 23:19

Ola machu gha BWANA ghafuma sa kiremba ghawichea awo wawiwi sa kikulughulu.

JEREMIA 49:2

Olenyi matuku ghichacha, nani nichabonya kililo cha wandu chisikirike muzi ghwa Raba ghuko kwa Waamoni, nagho ghuchasighwa mduu, na mizi yaro mitini ichakorwa; niko aho Israeli ichawunja isanga jake, waghamba BWANA.

EZEKIELI 21:20

Kuwonyere chia eghenda Raba kwa Waamoni, na eghenda Juda, na ngomenyi ya Jerusalemu; mzuri upate kuida na lufu lwake.

EZEKIELI 21:22

Kura ya Jerusalemu eko kwa mkonu ghwake ghwa kiwomi, upate kuwika vilambo vevuchua, na kufunya momu ghobwagha na kukaba ndereri ya wuda, na kuwika vilambo vevuchua mbenge, kuagha andu kojokia na wurigha.

EZEKIELI 21:25

Na oho ee m'bonyi nguma wa Israeli, mmbiwi kuseelie, ituku jako, ijo ituku ja kutanywa kwako kwa kutua jamerie kuvika.

EZEKIELI 25:5

Nichabonya muzi ghwa Raba ghukaie mlamba gholishira ngamila, na isanga ja Waamoni jiwuye maranu gha mfugho. Aho niko mchaamanya kukaia ini ne BWANA.

EZEKIELI 25:7

kwa huwo, olenyi naghorua mkonu ghwapo aighu yenyu, nani nichamfunya na kumneka wandu wa iro mbari ra wandu; nichamuinja wandunyi na kumtotesha masangenyi. Aho niko mchaamanya kukaia ini ne BWANA.”

DANIELI 11:40

“Kutua kwa mzuri wa Siria kukavika, mzuri wa Misri uchacha na kulwa nao. Mzuri wa Siria uchakufunya na masikari ghake kulwa na mzuri wa Misri kwa ndighi mbaa sa kikulughulu, kwa magare na wajoki farasi, na meli nyingi. Uchakaba masanga mengi seji machi ghichuagha isangenyi, na kuida noko.

AMOSI 2:2

Kwa huwo nichaduma modo aighu ya isanga ja Moabu, nagho ghuchakora ngome ra Keriothi. Wandu wa Moabu wichafwa wikidoghoda na kukema awudenyi na tarumbeta rikikabwa.

ZEKARIA 7:14

Ngawifunya sa kudukwa ni kiremba ngawisaghisa aghadi ya mbari ra wandu wa masanga gha kighenyi. Iji isanga jiboie jikasighwa iduu jisena wandu.”

WUKUMBUSO 3:11

(Ogu mzuri wa Bashani nuo oresigharikieghe uekeri wa agho masighariko gha Warefai. Wuli ghwake ghorekoghe ghwa chuma, nagho ghwaduagha ghukiwoneka aho Raba kwa Waamoni; ghorekoghe na wulacha ghwa meta inya na wushapa ghwa kaavui meta iwi kunughana na vipimo va matuku ghose).