AMOSI 1:11 - Biblia Ilagho Jiboie Kwa Wandu Wose

¹¹ BWANA waghamba, “Wandu wa Edomu wabonyere kaung'a sena na sena; kwa wundu ugho nichawikaba. Werewiwingieghe waruna Waisraeli, hata ndewerewiwonieghe wughoma. Machu ghawo ndegherekoghe na kipimo, ghisesiagha.

AMOSI 1:11 ပူးပေါင်းရင်းမြစ်များ

2 MALAGHO GHA NGELO 20:10

“Idana wona wandu wa Amoni, na Moabu na Edomu, wamerie kufuma kulwa nesi. Iji weke aba werefumieghe Misri korewighirieghe wisengie agho masanga. Wandu wedu wikasikira, hata ndewerewitoteshereghe anduangi.

2 MALAGHO GHA NGELO 20:11

Wona seji widilipagha! Wawuyacha kudiwinga difume iji isanga.

2 MALAGHO GHA NGELO 28:17

Waedomu wikacha sena wikawikaba wandu wa Juda, ma kuwisima; wikadwa wandu wunyika.

ZABURI 137:7

Kumbuka ee BWANA seji Waedomu werebonyereghe ituku Jerusalemu iwadilo. Kumbuka seji werekemieghe, “Ivuchuonyi ivuchuonyi! Vuchuonyi hata mvike msinginyi!”

ZABURI 85:5

Welee, kuadibonyera machu matuku ghose? Machu ghako ndeghisiagha?

MCHILI 7:9

Kukajokwa ni machu kukumazire; wakelu niwo wikaiagha na machu.

ISAYA 57:16

Sichaasimana na wandu matuku ghose, hata sichaakaia na machu ngelo rose anduangi; angu mdamu wadima kudumbuka imbiri kwapo, uo uko na miruke icheni nereibonyereghe.

HOSEA 8:3

wamerie kulegha mecha. Niko wawuyawingwa ni wamaiza wawo.

JOELI 3:19

“Misri ichawuya ikara, na Edomu ichawuya kireti; kwa kukaia werebonyereghe lung'eto kwa wandu wa Juda, wikabwagha wandu wake wisewadie makosa.

MIKA 7:18

Ndekuwadie mlungu ungi uko sa oho BWANA; oho kwadafuya wandu wako wughoma kwa kaung'a rawo, awo wisigharikie. Ndekuwikagha machu kwa kala na kala, ela kwadaboilwa ni kudiwonyera lukundo lwako lukatie.

ZEKARIA 1:15

nani neko na machu mabaa nandighi aighu ya mbari ra wandu wawuyakaia kima kwa sere; kwa kukaia ingelo neremaziriagha machu ghapo kwa wundu ghwa wandu wapo, awo wedechuria kuwikoronga.

MALAKI 1:2

BWANA wawizerie wandu wake, “Ini namkunde matuku ghose.” Ela wandu wake wawuyaghamba, “Oho kwadikunde wada?” BWANA ukawitumbulia, “Welee, Esau nderekoghe mruna Jakobo? Ela sena ini neemkunda Jakobo,

MALAKI 1:4

Iji Waedomu waghamba, “Hata ngera mizi yedu yavuchulwa, ela dichaagha sena maghacho gharo,” BWANA Uwadie-Ndighi-Rose uchawitumbulia, “Ndewiaghe tu. Nichaichikanya hata wiwango, ‘Isanga ja wuwiwi na wandu wileghelo ni Mlungu kwa kala na kala.’”

WAEFESO 5:1

Kwa huwu mkaie mfwanane na Mlungu, sa wana wikundo.

WUKUMBUSO 23:7

“Kusakezamilwa ni Muedomu angu ni mwanyinyu. Kusakezamilwa ni Mmisri, angu korekoghe mghenyi omara-mara isangenyi kwake.