AMOSI 1:1 - Biblia Ilagho Jiboie Kwa Wandu Wose

¹ Agha ni malagho gha Amosi, uo orekoghe umu wa walisha wa Tekoa. Miaka iwi imbiri ya msughusiko ghwa ndoe, Mlungu oremfunukueghe Amosi maza aighu ya Israeli iji Uzia orekoghe mzuri wa Juda, na Jeroboamu mwana wa Joashi orekoghe mzuri wa Israeli.

AMOSI 1:1 ပူးပေါင်းရင်းမြစ်များ

2 SAMUELI 14:2

Niko ukaduma muka umu uko na akili uredo kufuma Tekoa; uendacha ukamzera, “Nakunda kukubonye sa mundu uko na wasi ghofuilwa, kuro marwao ghefuilwa; kusekushinge mavuda, ela kukubonye sa muka udue wasinyi ghofuilwa kwa matuku mengi;

1 WAZURI 19:19

Nao Elija ukafuma aja ukaghenda; ukamkua Elisha mwana wa Shafati ukilima na mafungu ikumi na awi gha ng'ombe; ifungu ja ikumi na iwi nijo Elisha orekoghe najo. Elija ukaida kaavui nao, ukamkumbia shuka yake.

2 WAZURI 14:21

Wandu wose wa Juda wikammbwada Azaria, uo orekoghe wa irika ja miaka ikumi na irandadu, wikam'bonya ukaie mzuri wulalo ghwa ndee Amazia.

2 WAZURI 14:23

Mwaka ghwa ikumi na isanu ghwa kubonya nguma kwa Amazia mwana wa Joashi mzuri wa Juda, niko Jeroboamu mwana wa Joashi mzuri wa Israeli orezoeghe kubonya nguma Samaria; ukabonya nguma kwa miaka mirongo ina na ghumweri.

2 MALAGHO GHA NGELO 11:6

Ukaagha Bethlehemu, Etamu, Tekoa,

2 MALAGHO GHA NGELO 20:20

Wikawuka nakesho kio, wikaghenda cha kireti cha Tekoa; hata iji werekoghe wikighenda, Jehoshafati ukawuka kimusi ukaghamba, “Nisikirenyi inyo wandu wa Juda nenyo mkaiagha Jerusalemu! Mrumirienyi BWANA Mlungu onyu nenyo mchamangishwa; wirumirienyi walodi wake, nenyo mchasima.”

KUFUMA 3:1

Nao iji Musa orekoghe ukilisha mfugho ra mghosi wake Jethro, mkohani wa Midiani, ukarighenja mfugho chia ya kireti cha magharibi, ukavika mghondi ghwa Mlungu aja Horebu.

ISAYA 1:1

Mawono gha Isaya mwana wa Amozi, oreghiwonieghe kwa wundu ghwa Juda na Jerusalemu; matuku gha Uzia, Jothamu, Ahazi, na Hezekia wazuri wa Juda.

JEREMIA 1:1

Agha ni malagho gha Jeremia mwana wa Hilkia, umu wa wakohani werekoghe muzi ghwa Anathothi ghuko andenyi ya isanga ja Benjamini.

JEREMIA 28:8

Walodi wose werekoghe imbiri ya oho na ini ngelo ra kala werefunyireghe wulodi ghwa wuda, njala, na saka izamie aighu ya masanga mengi, na mawuzuri mabaa.

JEREMIA 6:1

Kimbirienyi wusalama inyo wandu wa Benjamini! Fumenyi Jerusalemu! Kabenyi tarumbeta aho Tekoa, wonyerenyi alama aho Beth-Hakeremu, kwa kukaia wuwiwi ghwa kunoneka m'baa nandighi ghwaawuyacha kufuma kaskazinyi.

JEREMIA 7:27

“Kwa huwo oho Jeremia, kuchawighoria wandu wapo agha malagho ghose; elaima ndewichaakusikira kungi. Kuchawiwanga ela ndewichaakudika.

HOSEA 1:1

Iji nijo ilagho ja BWANA oremnekieghe Hosea mwana wa Beeri ngelo Uzia, na Jothamu, na Ahazi, na Hezekia, werekoghe wazuri wa Juda; na wokoni iji Jeroboamu mwana wa Joashi orekoghe mzuri wa Israeli.

AMOSI 7:14

Niko Amosi ukamtumbulia Amazia, “Ini se mlodi kungi, hata se mwana wa mlodi; ela ne mlisha, na mlimi wa miku.

MIKA 1:1

Ngelo Jothamu, na Ahazi, na Hezekia werekoghe wazuri wa Juda, BWANA oreghorieghe na Mika, mundu wa muzi ghwa Moreshethi. BWANA ukamfunukuya malagho agha aighu ya Samaria na Jerusalemu.

ZEKARIA 14:5

Mchafufunuka kwa kuidiria ghadi na ghadi ya ihi vololo ya mghondi ghwapo kwa kukaia ghuchashabuka hata Azeli. Mchakimbia seji weke ndeyo werekimbiagha msughusiko ghwa ndoe matuku gha Uzia mzuri wa Juda. Niko BWANA Mlungu wapo uchacha chiaimweri na weke malaika wake.

MATHAYO 4:18

Nao iji Jesu orekoghe ukisela mbai na mbai ya ndiwa ya Galilaya, ukawiwona wawadi samaki wawi, mundu na mruna; Simoni (uwangwagha Petro), na mruna Andrea; werekoghe wikiwada samaki kwa nyavu ndiwenyi.

1 WAKORINTHO 1:27

Ela Mlungu orechisaghueghe icho chiwonekagha cha wukelu wurumwengunyi, uwonechifusha waya icho cha hikima; ukasaghua icho chisewadie ndighi wurumwengunyi, uwonechifusha waya icho chiko na ndighi.