2 WAZURI 9:3 - Biblia Ilagho Jiboie Kwa Wandu Wose

³ Niko kuwade ichupa ya mavuda, kumdunge chongonyi kukighamba, ‘BWANA waghamba, Nakushinga mavuda kukaie mzuri aighu ya Israeli.’ Nao kurughuo mnyango, kufume kukimbie; kusemuke.”

2 WAZURI 9:3 ပူးပေါင်းရင်းမြစ်များ

1 WAZURI 1:34

na aho mkohani Zadoku na mlodi Nathani wimdunge mavuda uwue mzuri wa Israeli, nao mkabe tarumbeta mghambe, ‘Mzuri Solomoni ndeduo moyo!’

1 WAZURI 19:16

na Jehu mwana wa Nimshi kumdunge mavuda uwuye mzuri wa Israeli, na Elisha mwana wa Shafati wa Abel-mehola, kumdunge mavuda uwuye mlodi wulalo ghwako.

2 WAZURI 8:13

Hazaeli ukatumbulia, “Kwani ini mdumiki wako neko kii hata nibonye ijo ilagho ibaa, nani neeka tu sa koshi?” Elisha ukamtumbulia, “BWANA waniwonyera angu kuchawuya mzuri wa Siria.”

2 WAZURI 9:6

Nao ukawuka ukangia nyumbenyi, na uja mlodi wa irika ukamdunga mavuda chongonyi kwake ukighamba, “BWANA waghamba, Nakushinga mavuda kupate kukaia mzuri aighu ya wandu wapo Israeli.

2 MALAGHO GHA NGELO 22:7

Ela ugho ghodeeka ni mpango ghwa Mlungu ghomtotesha Ahazia kwa chia eghendamzighana Joramu. Angu uendaghenda aho, orefumieghe na Joramu kuendammara Jehu mwana wa Nimshi, uo BWANA oremshingieghe mavuda upate kuitotesha nyumba ya Ahabu.

KUFUMA 29:7

Kuwade mavuda ghewika wakfu, kumdirie chongonyi kwake, na kumshinga mavuda.

DANIELI 2:1

Mzuri Nebukadnezari ukibonya nguma, mwaka ghwake ghwa kawi orelodieghe ndodo ikamjisha wasi ngolonyi, na dilo rake rikaela.

DANIELI 4:35

Wandu wose wikaiagha ndoenyi si kilambo chingi; nao wadabonya sa iji ukundagha moni na malaika wa mlungunyi, na wandu wa ndoenyi. Ndekuwadie mndungi udimagha kusimana nao, angu kumkotia niki ubonyagha.

DANIELI 5:18

Ee mzuri, Mlungu, Uo-Uko-Aighu-Nandighi, oremnekieghe ndeyo Nebukadnezari wuzuri, ndigi na wubaa, na nguma.

WALAWI 8:12

Ukamdunga Haruni mavuda chongonyi na kummbika wakfu.

MATHAYO 10:16

“Idana ini niamduma sa ng'ondi aghadi ya vikwau, mkaie na akili sa choka, na wa mboa sa mbughi.

MATHAYO 2:13

Nao iji wameria kughala, malaika wa Bwana ukamfutukia Josefu ndodonyi ukamzera, “Wuka kummbwade mwana na mae, mkimbirie Misri, mkaie ahoeni hata namghoria; angu Herode uchamlola mwana upate kum'bwagha.”

MATHAYO 26:7

muka umu ukacha na chupa ya alabasta iko na marumba gha zoghori mbaa, ukamdiria Jesu chongonyi kwake ukija vindo.

1 SAMUELI 10:1

Niko Samueli ukawada chupa ya mavuda, ukamdiria Sauli chongonyi kwake; ukamsusugha ukighamba, “Nechi BWANA nuo wakushinga mavuda kupate kuwibonyera nguma wandu wake Israeli. Kuchabonya nguma aighu ya wandu wa BWANA, na oho kuchawikira wisekabo ni wamaiza wawo wiko mbai mbai yawo. Alama ewonyera kukaia BWANA wakushinga mavuda kukaia mzuri aighu ya wandu wake ni ihi:

1 SAMUELI 15:1

Nao Samueli ukamzera Sauli, “BWANA orenidumieghe nikushinge mavuda kukaie mzuri aighu ya wandu wake Israeli; idana sikira seji BWANA Uwadie-Ndighi-Rose waghora.

1 SAMUELI 15:17

Nao Samueli ukaghamba, “Hata ngera kwawuyakumenya kumoni, na kukuwona ndekufwane, ela uko nechi ni oho kumoni m'baa aighu ya vichuku va Israeli BWANA odekushinga mavuda kukaie mzuri aighu ya Israeli.

1 SAMUELI 16:2

Samueli ukaghamba, “Nidima wada kughenda aho, na Sauli ukasikira ilagho ijo uchanibwagha?” BWANA ukaghamba, “Dwaa ngache kughende kughambe, ‘Naacham'bwaghia BWANA kizongona.’

1 SAMUELI 9:16

“Kesho ngelo sa icheni ihi, nichamduma mndumu kufuma isanga ja Benjamini, na oho kuchamshinga mavuda ukaie mzuri aighu ya wandu wapo Israeli. Uchawikira wandu wapo wisekabo ni Wafilisti; kwa kukaia namerie kuwona makorongo ghawo, na kililo chawo chamerie kunivikia.”