2 WAZURI 9:18 - Biblia Ilagho Jiboie Kwa Wandu Wose

¹⁸ Niko uja mundu uendajoka farasi, ukaghenda kummara Jehu ukamzera, “Mzuri wakotia welee, ni sere?” Jehu ukaghamba, “Kwaikundiaki sere; oho wuya nyuma yapo kuninughe.” Uja mlindiri ukaduma malagho kwa mzuri ukighamba, “Uja mundu mumdumieghe wavika kwawo, ela ndewuyewuya.”

2 WAZURI 9:18 ပူးပေါင်းရင်းမြစ်များ

2 WAZURI 9:17

Mlindiri orekoghe kimusi aighu ya mnara aho Jezreeli. Ukazighana izungu ja wandu werekoghe wikichanya na Jehu, ukaghamba, “Nawona izungu ja wandu wichagha.” Joramu ukaghamba, “Wada mjoki farasi kumdume uwimare, nao ukotie, ‘Wele ni sere?’”

2 WAZURI 9:19

Niko ukaduma mundu wa kawi. Nao ukawighendia ukamzera Jehu, “Mzuri wakotia, welee, ni sere?” Jehu ukatumbulia, “Kwaikundiaki sere; oho wuya nyuma yapo kuninughe.”

2 WAZURI 9:22

Joramu uendammbona Jehu ukakotia, “Welee, ni sere Jehu?” Ukatumbulia, “Sere iwonekia hao na uko kutasa milimu na kulaghua kwa mayo Jezebeli kuduagha kwa wungi?”

2 WAZURI 9:31

Jehu uendangia mbengenyi Jezebeli ukakotia, “Wele Zimri, ni sere oho m'bwaghi wa bwana wako?”

ISAYA 48:22

“Ndekuwadie sere ingi kwa wawiwi,” waghamba BWANA.

ISAYA 59:8

Ndemuichi chia ya sere, hata mighendo yenyu ndeiwadie hachi ingi anduangi. Mwarinonie chia renyu, hata mndungi ukarinugha ndechaimanya chia ya sere anduangi.

JEREMIA 16:5

BWANA wawuyaghora huwu, “Kusengie nyumba andu ifwa jiko hata kuselile andwamweri nawo, hata kuwadwa ni wughoma ghungi kwawo; kwa kukaia namerie kuinja irasimio japo ja kuwineka sere, na lukundo na wughoma.

WAROMA 3:17

na chia ya sere ndewiichi;