2 WAZURI 8:4 - Biblia Ilagho Jiboie Kwa Wandu Wose

⁴ Ukamkua mzuri ukidedanya na Gehazi uja mdumiki wa Elisha; kwa kukaia orekundieghe kumanya iro maza mbaa ribonyero ni Elisha.

2 WAZURI 8:4 ပူးပေါင်းရင်းမြစ်များ

2 WAZURI 2:14

Niko ukawada ija shuka ya Elija erempotokieghe, ukaghikaba ghaja machi ukighamba, “Uo BWANA, Mlungu wa Elija oko hao?” Umeria kughikaba ghaja machi, ghikadumbuka ghadi na ghadi; Elisha ukaruwuka.

2 WAZURI 2:24

Elisha ukaghaluka nanyuma ukawiwona; ukawiwasira njowe kwa irina ja BWANA, na vibarabara va waka viwi vikafuma kilembenyi na kuwirashua-rashua wana wa womi mirongo ina na wawi.

2 WAZURI 4:12

Ukamzera mdumiki wake Gehazi uendemmbanga uja Mshunami. Uendammbanga, uja muka ukacha ukakaia kimusi imbiri kwake;

2 WAZURI 4:25

Niko ukazoya charo, ukacha kwa Elisha aja mghondi ghwa Karmeli. Elisha ukammbona ukicha ngelo uko kula; ukamzera mdumiki wake Gehazi, “Zighana Mshunami hoja kimonu;

2 WAZURI 5:14

Nao ukaghenda na kukungira Jordani mando mfungade, karakara na ilagho ja mundu wa Mlungu, na mumbi ghwake ghukawuya ghudendere sa ghwa mwana mtini; ukaeleshwa.

2 WAZURI 6:32

Elisha orekoghe kidombo nyumbenyi kwake, chiaimweri na wabaa wamu. Na mzuri orekoghe waduma mundu ukirie; ela mundu uja imbiri usevikie, Elisha ukawizera waja wabaa, “Uja m'bawaghi waduma mundu unidumbuo chongo. Olenyi ukavika aha, mrughe mnyango msemlekerie ungie; mzuri moni hoyo waawuyamnugha nanyuma.”

2 WAZURI 6:6

Elisha, uo mundu wa Mlungu, ukamzera, “Japotokia hao?” Uja mundu ukammbonyera andu kwaro, na Elisha ukadema kamudi, ukakikumba andu kwaro, na isoka jikajoka.

2 WAZURI 7:1

Elisha ukatumbulia, “Ola sikira ilagho ja BWANA: Kesho ngelo sa ii cheni, kilo idadu ra mufu ghudendere ghuchauzwa kwa bei ya kibelele chimweri cha feza, na kilo irandadu ra mufu ghwa shairi ghuchauzwa kwa bei ya kibelele chimweri cha feza, ahoeni mbengenyi ya Samaria.”

2 WAZURI 7:10

Niko wikacha wikawiwanga walindiri wa mbenge ya muzi, wikawighoria wikighamba, “Dereghendieghe kambinyi ya Wasiria, ela ndediwonie hata kusikira mndungi, ela deekua farasi rifungie, na punda na hema rasighwa kimusi sa iji koni riko.”

2 WAZURI 7:3

Korekoghe na wandu wa sima bana mbengenyi ya muzi ghwa Samaria. Wikazerana weni na weni, “Kwaki wele difuyagha andu kumweri?

2 WAZURI 8:3

Nyuma ya miaka mfungade, uja muka ukawuya Israeli, kufuma isanga ja Wafilisti. Nao ukaghenda kwa mzuri kulomba uwunjiro mbuwa yake na nyumba yake.

MATHAYO 2:8

Nao ukawiduma Bethlehemu ukighamba, “Ghendenyi mpeleleze nicha malagho gha uo mwana, nao mkameria kummbona, muniredie malagho; nani nighende kumtasa.”

LUKA 23:8

Nao iji Herode wammbona Jesu, ukaboilwa loli-loli, kwa kukaia orekoghe ukisikira malagho ghake, nao kwa ngelo ndacha, orekoghe ukikunda kummbona. Ukasuwiria kummbona Jesu ukibonya mwakilimbiti umu.

LUKA 9:9

Herode ukaghamba, “Johane neremdumbueghe chongo, ela uhu nimsikiragha malagho ghake nani?” Nao ukakaia ukilola chia emmbona.

JOHANE 9:27

Ukawitumbulia, “Nameria kumghoria, nenyo ndemsikiragha. Kwaki mkunde kusikira sena? Nenyo mookunda kuwuya wanughi wake?”

MABONYO GHA WADUMI 24:24

Nyuma ya matuku ghamu, Felike orechanyeghe na mkake Drusila nao ni Myahudi; ukamdumiria Paulo ukikunda umsikire ukighora malagho aighu ya irumirio jiko kwa Kristo Jesu.